حدیث: موږ د جنازې پسې له تګ څخه منع شوي یو، خو زیات ټینګار راباندې ندی شوی

عَنْ أُمِّ عَطِيَّةَ رَضِيَ اللَّهُ عَنْهَا قَالَتْ:
نُهِينَا عَنِ اتِّبَاعِ الجَنَائِزِ، وَلَمْ يُعْزَمْ عَلَيْنَا.
[صحيح] - [متفق عليه] - [صحيح البخاري: 1278]

دا ژباړه بیا لیدنې او کره کتنې ته اړتیا لري.

له أم عطیة رضی الله عنها څخه روایت دی وایي چې:
موږ د جنازې پسې له تګ څخه منع شوي یو، خو زیات ټینګار راباندې ندی شوی.
[صحيح دی] - [متفق علیه دی] - [صحيح البخاري - 1278]

تشریح

أم عطیة الأنصاریة رضي الله عنها وایي چې نبي صلی الله علیه وسلم ښځې د جنازې پسې له تلو څخه منع کړي دي؛ ځکه ویره شته چې دوی په فتنه کې واقع شي او یا د دوی له امله نور په فتنه کې واقع شي، او دا چې دوی کم صبره دي، بیا هغې رضي الله عنها وویل چې نبي صلی الله علیه وسلم پدې اړه دومره ټینګار ندی کړی لکه څومره به یې چې په نورو منهیاتو کې کاوه.

د حديث له ګټو څخه

1. ښځې یې د جنازې پسې له تګ څخه منع کړي دي، او دا خبره عامه ده، یعنې هغه ځای ته چې چمتو کیږي او لمونځ پرې ادا کیږي او مقبرې ته؛ چېرته چې ښخېږي.
2. لامل یې دا دی چې ښځې دا ډول خفه کوونکي او اغېزناکه صحنې نشې زغملی؛ ځکه چې دوی ممکن نارضایتي او کړاو وښيي چې دا کار د واجب صبر سره په ټکر کې دی.
3. په ممانعت کې اصل تحریم دی، خو ام عطیة رضي الله عنها له دې سیاق څخه پوه شوه چې د جنازو پسې د ښځو تلل قطعي او تایید شوی ممانعت نه و، خو له بله پلوه داسې احادیث شتون لري چې د دې حدیث په پرتله د جنازو پسې د تللو په اړه یې ډیر سختوالی بیان کړی دی.