ဟဒီးဆ်: ကျွန်မတို့ဟာ ဂျနာဇဟ်နောက်ကနေ လိုက်ပါခြင်းမှ တားမြစ်ခြင်းခံရတယ်။ သို့သော် ကျွန်မတို့အပေါ် အတင်းအကျပ် တားမြစ်ခဲ့တာမျိုးတော့ မဟုတ်ပါ။
عَنْ أُمِّ عَطِيَّةَ رَضِيَ اللَّهُ عَنْهَا قَالَتْ:
نُهِينَا عَنِ اتِّبَاعِ الجَنَائِزِ، وَلَمْ يُعْزَمْ عَلَيْنَا.
[صحيح] - [متفق عليه] - [صحيح البخاري: 1278]
المزيــد ...
အွမ်မု အသွိယဟ် ( ရဿွိယလ္လာဟုအန်ဟာ ) ဆင့်ပြန်ပြောကြားခဲ့သည်။
ကျွန်မတို့ဟာ ဂျနာဇဟ်နောက်ကနေ လိုက်ပါခြင်းမှ တားမြစ်ခြင်းခံရတယ်။ သို့သော် ကျွန်မတို့အပေါ် အတင်းအကျပ် တားမြစ်ခဲ့တာမျိုးတော့ မဟုတ်ပါ။
[ဤဟဒီးဆ်သည် ဆွဟီးဟ် အဆင့်ရှိသည်။] - [ဗုခါရီကျမ်းနှင့် မွတ်စ်လင်မ်ကျမ်း။] - [صحيح البخاري - 1278]
အွမ်မုအသွိယဟ် အလ်အန်ဆွာရိယဟ် ( ရဿွိယလ္လာဟု အန်ဟာ )ကတင်ပြခဲ့သည်မှာ- တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) သည် အမျိုးသမီးများအား ဂျနာဇဟ်နှင့်အတူ လိုက်ပါခြင်းမှ တားမြစ်တော်မူခဲ့သည်။ ထိုသို့တားမြစ်ရခြင်းမှာ အမျိုးသမီးများအတွက်လည်းကောင်း၊ အမျိုးသမီးများကြောင့်လည်းကောင်း ဖြစ်ပေါ်လာနိုင်သော ဖိသ်နဟ်များကို စိုးရိမ်သောကြောင့်ဖြစ်သည်။ ထို့ပြင် သူမတို့၏ သည်းခံနိုင်စွမ်း နည်းပါးခြင်းကြောင့်လည်းဖြစ်သည်။ ထို့နောက် အွမ္မုအသွိယဟ်သခင်မက ဆက်လက်တင်ပြသည်မှာ- တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) သည် အခြားသော တားမြစ်ချက်များတွင် ပြုလုပ်လေ့ရှိသကဲ့သို့ ဤတားမြစ်ချက်ကို တင်းတင်းကျပ်ကျပ် မပြုလုပ်ခဲ့ ပေ။
ဟဒီးဆ်မှ သိမှတ်ဖွယ်ရာများ
- အမျိုးသမီးများအား ဂျနာဇဟ်နောက်သို့ လိုက်ပါခြင်းမှ တားမြစ်ထားသည်။ ဤတားမြစ်ချက်သည် ဂျနာဇဟ်အား အလောင်းကို ပြင်ဆင်ရာနေရာ၊ ဂျနာဇဟ်ဆွလာသ် ဝတ်ပြုရာနေရာနှင့် ဒဖန်ပြုလုပ်မည့် ကဗရ်စသာန်သို့ လိုက်ပါခြင်းအထိ ယေဘုယျအားဖြင့် အကျုံးဝင်သည်။
- တားမြစ်ချက်၏ အကြောင်းရင်းမှာ အမျိုးသမီးများသည် ဤကဲ့သို့သော ဝမ်းနည်းဖွယ်ရာများကို မြင်တွေ့ရခြင်းနှင့် စိတ်ထိခိုက်ဖွယ် အခြေအနေများကို ခံစားနိုင်စွမ်းမရှိသောကြောင့် ဖြစ်သည်။ ထို့ကြောင့် ရံဖန်ရံခါ သူမတို့ထံမှ မဖြစ်မနေ စွဗရ်ပြုသည်းခံရမည့် အခြေအနေနှင့် ဆန့်ကျင်ဘက်ဖြစ်သည့် မကျေနပ်ခြင်းနှင့် သည်းခံမြိုသိပ်နိုင်စွမ်းမရှိခြင်းကဲ့သို့သောအပြုအမူများ ပေါ်ပေါက်လာနိုင်ခြေရှိသည်။
- တားမြစ်ချက်၏ မူလအခြေခံအမိန့်မှာ ဟရာမ်အဖြစ်သတ်မှတ်ခြင်းဖြစ်သော်လည်း အွမ္မုအသွိယဟ် (ရဿွိယလ္လာဟု အန်ဟာ ) သည် အမျိုးသမီးများအား ဂျနာဇဟ်နောက်သို့ လိုက်ပါခြင်းမှ တားမြစ်ထားသော်လည်း ထိုတားမြစ်ချက်သည် ခိုင်မာပြင်းထန်သည့် တားမြစ်ချက်မဟုတ်ဟု အခြေအနေအရ နားလည်သဘောပေါက်ခဲ့သည်။ သို့ရာတွင် ဤဟဒီးဆ်ထက် ပိုမိုတင်းကျပ်စွာ ဂျနာဇဟ် နောက်သို့လိုက်ပါခြင်းမှ တားမြစ်ကြောင်း ဖော်ပြထားသော အခြားဟဒီးဆ်များလည်း ရှိပေသည်။
အမျိုးအစားများ
ထပ်၍
- ဟဒီးဆ်: ငါကိုယ်တော် အသင်တို့အား တားမြစ်ထားသောအရာများကို ရှောင်ကြဉ်ကြပါ၊ ထို့နောက် ငါကိုယ်တော် အသင်တို့အား အမိန့်ပေးထားသောအရာများကို အသင်တို့ စွမ်းနိုင်သမျှ လိုက်နာကျင့်သုံးကြပါ။ ဧကန်အမှန်ပင် အသင်တို့အလျင် ရှိခဲ့ကြသောသူများအား ပျက်ဆီးစေခဲ့သည့် အကြောင်းအရင်းမှာ မလိုအပ်ဘဲ အမေးမြန်းထူခြင်းနှင့် ၎င်းတို့၏ တမန်တော်များအား သွေဖည်ဆန့်ကျင်ကြခြင်းတို့ကြောင့်ဖြစ်သည်။
- ဟဒီးဆ်: “ယဟူဒီများနှင့် နတ်စ်ွရာနီများအပေါ် အလ္လာဟ်အရှင်မြတ်၏ လအ်နသ်ကျရောက်ပါစေ၊ ၎င်းတို့သည် မိမိတို့၏ နဗီတမန်တော်များ၏ ကဗရ်သင်္ချိုင်းများကို စဂျ်ဒဟ်ဦးချရာနေရာများ အဖြစ် ပြုလုပ်ခဲ့ကြသည်”