Hadith: គេបានហាមឃាត់ពួកយើងមិនឲ្យដង្ហែរសព តែគេមិនបានហាមឃាត់តឹងរឹងមកលើពួកយើងឡើយ។

عَنْ أُمِّ عَطِيَّةَ رَضِيَ اللَّهُ عَنْهَا قَالَتْ:
نُهِينَا عَنِ اتِّبَاعِ الجَنَائِزِ، وَلَمْ يُعْزَمْ عَلَيْنَا.
[صحيح] - [متفق عليه] - [صحيح البخاري: 1278]

អំពី អ៊ុមមូអាទីយ៉ះ رضي الله عنها បាននិយាយថា៖
គេបានហាមឃាត់ពួកយើងមិនឲ្យដង្ហែរសព តែគេមិនបានហាមឃាត់តឹងរឹងមកលើពួកយើងឡើយ។
[صحيح] - [متفق عليه] - [صحيح البخاري - 1278]

Explanation

អ៊ុមមូអាទីយ៉ះ អាល់អាន់សរីយ៉ះ رضي الله عنها បានប្រាប់ថា ពិតប្រាកដណាស់ ណាពី ﷺ លោកបានហាមឃាត់ស្ត្រីទាំងឡាយមិនឲ្យដង្ហែរសពឡើយ។ នោះក៏ព្រោះតែគេបារម្ភខ្លាចមានភាពវឹកវរចំពោះពួកនាង និងភាពវឹកវរដោយសារតែពួកនាង ព្រមទាំងភាពមិនសូវមានអំណត់អត់ធ្មត់របស់ពួកនាង។ បន្ទាប់មក អ៊ុមមូអាទីយ៉ះបានបញ្ជាក់ថា ណាពី ﷺ លោកមិនបានហាមឃាត់តឹងរឹង(ចំពោះស្ត្រី) ដូចប្រការហាមឃាត់ដទៃទៀតឡើយ។

Benefits from the Hadith

1. ហាមឃាត់ស្ត្រីទាំងឡាយមិនឲ្យដង្ហែរសព។ ការហាមឃាត់នេះ គឺទូទៅ ទាំងការដង្ហែរទៅកាន់កន្លែងរៀបចំសពនិងសឡាតលើសព ឬដង្ហែរទៅកាន់កន្លែងបញ្ចុះសព។
2. ហេតុផលនៃការហាមឃាត់នេះ គឺដោយសារតែស្ត្រីមិនអាចទ្រាំទ្រចំពោះទិដ្ឋភាពដ៏សោកសៅ និងស្ថានភាពដ៏តក់ស្លុតបែបនេះបានឡើយ។ ដែលជួនកាលអាចបណ្តាលឲ្យពួកនាងសម្តែងចេញនូវការខឹងសម្បា និងភាពសោកសង្រេងដែលផ្ទុយពីភាពអត់ធ្មត់ដែលចាំបាច់ត្រូវមាន។
3. ជាគោលការណ៍មូលដ្ឋាននោះគឺ ការហាមឃាត់បញ្ជាក់ពីបម្រាម។ ក៏ប៉ុន្តែតាមរយៈបរិបទនោះ អ៊ុមមូអាទីយ៉ះ رضي الله عنها បានយល់ឃើញថា ការហាមឃាត់ពួកនាងមិនឲ្យដង្ហែរសពនោះ មិនមែនជាការហាមឃាត់ដាច់ខាតនោះឡើយ។ ក៏ប៉ុន្តែ មានហាទីស្ហជាច្រើនផ្សេងទៀតដែលបង្ហាញពីការសង្កត់ធ្ងន់លើការដង្ហែរសពច្រើនជាងអ្វីដែលបង្ហាញក្នុងហាទីស្ហនេះ។