නබි වදන: සලාතය ඉටු කිරීමටත්, සකාත් නිකුත් කිරීමටත්, සෑම මුස්ලිම්වරයකුටම උපදෙස් දීමටත් මම අල්ලාහ්ගේ දූතයාණන්හට (සල්ලල්ලාහු අලයිහි වසල්ලම්) ප්රතිඥා දුනිමි.

عَنْ جَرِيرِِ بْنِ عَبْدِ اللَّهِ رضي الله عنه قَالَ:

بَايَعْتُ رَسُولَ اللَّهِ صَلَّى اللهُ عَلَيْهِ وَسَلَّمَ عَلَى شَهَادَةِ أَنْ لاَ إِلَهَ إِلَّا اللَّهُ، وَأَنَّ مُحَمَّدًا رَسُولُ اللَّهِ، وَإِقَامِ الصَّلاَةِ، وَإِيتَاءِ الزَّكَاةِ، وَالسَّمْعِ وَالطَّاعَةِ، وَالنُّصْحِ لِكُلِّ مُسْلِمٍ.
[صحيح] - [متفق عليه]

ජරීර් ඉබ්නු අබ්දුල්ලාහ් (රළියල්ලාහු අන්හු) තුමා විසින් වාර්තා කරන ලදී: "c2">“සලාතය ඉටු කිරීමටත්, සකාත් නිකුත් කිරීමටත්, සෑම මුස්ලිම්වරයකුටම උපදෙස් දීමටත් මම අල්ලාහ්ගේ දූතයාණන්හට (සල්ලල්ලාහු අලයිහි වසල්ලම්) ප්රතිඥා දුනිමි.”
පූර්ව සාධක සහිත හදීසයකි. - බුහාරි හා මුස්ලිම් හි වාර්තා වී ඇත.

විවරණය

ජරීර් (රළියල්ලාහු අන්හු) තුමා විසින් වාර්තා කරන ලදී: "c2">“සලාතය ඉටු කිරීමටත්, සකාත් නිකුත් කිරීමටත්, සෑම මුස්ලිම්වරයකුටම යහපත පැතීමටත් මම අල්ලාහ්ගේ දූතයාණන්හට (සල්ලල්ලාහු අලයිහි වසල්ලම්) ප්රතිඥා දුනිමි.” මෙහි ප්රතිඥා දීම යන්නෙන් අදහස් කරනුයේ ගිවිස ගැනීමයි. ප්රතිඥා දීම යනුවෙන් නම් කර ඇත්තේ ප්රතිඥා දෙන සෑම කෙනෙකුම අනෙකා වෙත ඔහුගේ අත දිගු කරන බැවිනි. එනම් අනෙකාගේ අත ඇල්ලීම හේතුවෙනි. මෙය කරුණු තුනක් වෙති. 1- අල්ලාහ් වෙනුවෙන් අවංකව ඉටු කළ යුතු වගකීම්. 2- මිනිසා වෙනුවෙන් අවංකව ඉටු කළ යුතු වගකීම්. 3- හවුල් වූවන්ගේ වගකීම්. අල්ලාහ් වෙනුවෙන් අවංකව ඉටු කළ යුතු වගකීම් වනාහි, හදීසයේ සඳහන් පරිදි සලාතය ඉටු කිරීමය. එනම් අපේක්ෂා කරනු ලබන පරිදි නිවැරදි ලෙස මුස්ලිම්වරයා එය ඉටු කිරීමය. එනම් ඒවායෙහි වේලාවන් පිළිපැදීම, ඒවායෙහි ‘අර්කාන්’ හෙවත් මූලධාර්මික කරුණු, ‘වාජිබාත්’ හෙවත් අනිවාර්යය කරුණු හා ‘ෂුරූත්’ හෙවත් කොන්දේසි ක්රියාත්මක කිරීම හා ඒවායෙහි පවතින ‘මුස්තහාබ්’ හෙවත් සතුටුදායක දෑ ඉටු කරමින් සම්පූර්ණ කිරීම වේ. සලාතය විධිමත්ව ඉටු කිරීම යන විෂය අතරින් එහි බැතිමත්ව ඉටු කිරීමද ඇතුළත් වේ. බැතිමත් බව යනු හදවත එක්තැන් කරවා; සලාතය ඉටු කරන්නා පවසන දෑ හා ඔහු සිදු කරන දෑ පිළිබඳ මතකයෙන් කටයුතු කිරීමය. එයයි වඩාත් වැදගත්ම කරුණක් වන්නේ. ඊට හේතුව සැබැවින්ම එය සලාතයේ මූලය හා එහි ප්රාණය වන බැවිණි. තුන්වැන්න -හවුල්වන්නාගේ වගකීම්- එනම් ‘සකාත් පිරිනැමීම” එනම් ඒ සඳහා සුදුසුකම් ඇත්තන්හට එය පිරිනැමීමය. දෙවන කාරණාව වූ කලී -මිනිසා වෙනුවෙන් කළ යුතු වගකීම්- "c2">“සෑම මුස්ලිම්වරයකුටම උපදෙස් දීම” යනුවෙන් ප්රකාශ වී ඇත. එනම් සමීපයෙන් හෝ දුරින් සිටින, බාල හෝ වැඩිවියට පත්, පිරිමියකු හෝ කාන්තාවක හෝ වේවා එවන් සෑම මුස්ලිම්වරයකු වෙනුවෙන්ම යහපත පැතීමය. සෑම මුස්ලිම්වරයකුටම යහපත පැතීමේ ක්රමවේදය අනස් (රළියල්ලාහු අන්හු) තුමාගේ හදීසයේ මෙසේ සඳහන් වී ඇත. එනම්: "c2">“තමන් ප්රිය කරන දෑ තම සහෝදරයා ද ප්රිය කරන තෙක් ඔබ අතරින් කිසිවකු හෝ දේවත්වය විශ්වාස කරන්නේ නැත” මෙයයි උපදෙස. ඔබ වෙනුවෙන් ඔබ කැමති දෑ ඔබේ සහෝදරයා වෙනුවෙන් ද ඔබ ප්රිය කිරීමයි. එය ඔවුන් සතුටට පත් කරන දෑ ඔබවත් සතුටු පත් කිරීමෙන් හා ඔවුනට නපුරක් වන දෑ ඔබට ද නපුරක් වීම තුළිනි. ඔවුන් ඔබ සමග කටයුතු කිරීමට ප්රිය කරන දෙයකින් ඔබ ඔවුන් සමග කටයුතු කළ යුතු වේ. මෙම පාඩම ඉතා පුළුල් විෂයයකි.