ဟဒီးဆ်: - «اللَّهُمَّ قِنِي عَذَابَكَ يَوْمَ تَجْمَعُ أَوْ تَبْعَثُ عِبَادَكَ» (အလ္လာဟုမ္မမကိနီ အဇာဗက ယောင်မ်မ သဂ်ျမအုအောင်ဝ် သဗ်အစု အိဗာဒက) အဓိပ္ပါယ် -"အိုအလ္လာဟ်အရှင်မြတ်၊ အရှင်မြတ်၏ကျေးကျွန်များအား (ကိယာမသ်နေ့တွင်) စုရုံးခြင်း (သို့မဟုတ် ရှင်ပြန်ထမြောက်စေခြင်း) ပြုသောနေ့၌ အရှင်မြတ်၏ ပြစ်ဒဏ်မှ ကျွန်တော်မျိုးအား ကာကွယ်တော်မူပါ။

عَنْ حُذَيْفَةَ بْنِ اليَمَانِ رَضيَ اللهُ عنه:
أَنَّ النَّبِيَّ صَلَّى اللَّهُ عَلَيْهِ وَسَلَّمَ كَانَ إِذَا أَرَادَ أَنْ يَنَامَ وَضَعَ يَدَهُ تَحْتَ رَأْسِهِ، ثُمَّ قَالَ: «اللَّهُمَّ قِنِي عَذَابَكَ يَوْمَ تَجْمَعُ أَوْ تَبْعَثُ عِبَادَكَ».
[صحيح] - [رواه الترمذي] - [سنن الترمذي: 3398]

ဤဘာသာပြန်ဆိုချက်ကို ပိုမိုသုံးသပ်ရန်နှင့် စစ်ဆေးရန်လိုအပ်သည်။.

ဟုဇိုင်ဖဟ် ဗင်န် ယမားန် (ရဿွိယလ္လာဟုအန်ဟု)က ဆင့်ပြန်ခဲ့သည်။
နဗီတမန်တော်မြတ် (ဆွလ္လလ္လာဟုအလိုင်ဟိဝစလ္လမ်) အိပ်စက်ရန် အလိုရှိသည့်အခါတိုင်း မိမိ၏လက်ကို ခေါင်းအောက်တွင် ခုထားပြီး ဤဒုအာကို ရွတ်ဆို တော်မူလေ့ရှိသည် - «اللَّهُمَّ قِنِي عَذَابَكَ يَوْمَ تَجْمَعُ أَوْ تَبْعَثُ عِبَادَكَ» (အလ္လာဟုမ္မမကိနီ အဇာဗက ယောင်မ်မ သဂ်ျမအုအောင်ဝ် သဗ်အစု အိဗာဒက) အဓိပ္ပါယ် -"အိုအလ္လာဟ်အရှင်မြတ်၊ အရှင်မြတ်၏ကျေးကျွန်များအား (ကိယာမသ်နေ့တွင်) စုရုံးခြင်း (သို့မဟုတ် ရှင်ပြန်ထမြောက်စေခြင်း) ပြုသောနေ့၌ အရှင်မြတ်၏ ပြစ်ဒဏ်မှ ကျွန်တော်မျိုးအား ကာကွယ်တော်မူပါ။"
[ဤဟဒီးဆ်သည် ဆွဟီးဟ် အဆင့်ရှိသည်။] - [သိရ်မိဇီကျမ်း။] - [سنن الترمذي - 3398]

ရှင်းလင်းချက်

တမန်တော်မြတ် (ဆွ) သည် အိပ်ရာဝင်တိုင်း အိပ်ရာခင်းတော်မူချိန်၌ ညာဘက်လက်မောင်းကို ခေါင်းအုံးအဖြစ် အသုံးပြုပြီး ညာဘက်ပါးကို ထိုလက်ပေါ်၌ ထားတော်မူသည်။ ထို့နောက် ဤဒုအာကို ရွတ်ဆိုတော်မူသည်။ "အလ္လာဟုမ္မ"- "အိုအလ္လာဟ်အရှင်မြတ်၊ အိုကျွန်တော်မျိုး၏အရှင်သခင်" "ကိနီ"- ကျွန်တော်မျိုးအား ကာကွယ်တော်မူပါဆိုလိုသည်မှာ ... မှ လွတ်ငြိမ်းချမ်းသာခွင့်ပေးပါ" "'မင်န်အဇာဗိက"- "အရှင်မြတ်၏ပြစ်ဒဏ်မှ" "ယောင်မ်မ သဂ်ျမအု အောင်ဝ် သဗ်အစု အိဗာဒက" - "အရှင်မြတ်၏ကျေးကျွန်များအား စုရုံးသော (သို့မဟုတ် ရှင်ပြန်ထမြောက်စေသော) နေ့၊ ဆိုလိုသည်မှာ အစားပေးမည့်နေ့ (ကိယာမသ်နေ့) ဖြစ်သည်။"

ဟဒီးဆ်မှ သိမှတ်ဖွယ်ရာများ

1. (၁) ဤဗရ်ကသ်မင်္ဂလာဖြင့်ပြည့်စုံသော ဒုအာ၏ ထူးကဲမွန်မြတ်မှုနှင့် နဗီတမန်တော်မြတ် (ဆွလ္လလ္လာဟုအလိုင်ဟိဝစလ္လမ်)၏ စွန်နသ်လမ်းစဥ်ကို လိုက်နာသည့်အ‌နေဖြင့် ဤဒုအာကို ပုံမှန်အလေးထား ရွတ်ဆိုခြင်းသည် မွတ်စ်သဟဗ်ဖြစ်ခြင်း။
2. (၂) ညာဘက်သို့ စောင်းအိပ်ခြင်းသည် မွတ်စ်သဟဗ်ဖြစ်‌ခြင်း။
3. (၃) အိမာမ်ဆင်န်ဒီက ကိုယ်တော်၏ မိန့်ကြားချက် ဖြစ်သည့် ( اللَّهُمَّ قِنِي عَذَابَكَ ) "အိုအလ္လာဟ်အရှင်မြတ်၊ ကျွန်တော်မျိုးကို အရှင်မြတ်၏ ပြစ်ဒဏ်မှ ကာကွယ်တော်မူပါ" နှင့်စပ်လဉ်း၍ ဤသို့ဆိုသည်- "ဤဒုအာ၌ အသိဉာဏ်ရှိသူအဖို့ အိပ်စက်ခြင်းကို သေခြင်းနှင့် သေပြီးနောက် ရှင်ပြန်ထမည့်အကြောင်းကို သတိရစေရန် နည်းလမ်းတစ်ခုအဖြစ် ပြုလုပ်သင့်ကြောင်း (သင်ခန်းစာပါဝင်သည်။)
4. အလ္လာဟ်အရှင်မြတ်၏ ကျေးဇူးတော်နှင့် ကရုဏာတော်ကြောင့်သာလျှင် အရှင့်ပြစ်ဒဏ်မှ ကင်းဝေးနိုင်ပြီး၊ ဗန္ဒဟ်ကျေးကျွန်အား ကောင်းမြတ်သောလုပ်ရပ်များဆောင်ရွက်ရန် စွမ်းအားပေးတော်မူခြင်းနှင့် အပြစ်များကိုလွတ်ငြိမ်း
5. ချမ်းသာခွင့်ပေးတော်မူခြင်းဖြင့် ကင်းဝေးနိုင်ပါသည်။
6. နဗီတမန်တော်မြတ် (ဆွလ္လလ္လာဟုအလိုင်ဟိဝစလ္လမ်) ၏ မိမိအား ဖန်ဆင်းမွေးမြူတော်မူသောအရှင်မြတ်၏ ရှေ့တော်မှောက်၌ နှိမ့်ချခြင်းနှင့် ကျိုးနွံခြင်း။
7. ကိယာမသ်နေ့နှင့် ပြန်လည်ရှင်သန်ထမြောက်ခြင်း သည် အမှန်ပင်ဖြစ်ကြောင်း၊ လူသားအားလုံးသည် မိမိတို့၏ အရှင်မြတ်ထံသို့ ပြန်လှည့်သွားကြရမည်ဖြစ်ပြီး၊ ထိုအရှင်မြတ်က သူတို့၏လုပ်ရပ်များနှင့်ပတ်သတ်၍ စစ်ဆေးစီရင်မည်ဖြစ်ကြောင်း အတည်ပြုထားခြင်း။ ထို့ကြောင့် မည်သူမဆို ကောင်းမှုကုသိုလ်ကို တွေ့ရှိပါက အလ္လာဟ်အရှင်မြတ်အား ကျေးဇူးတင်ရမည်။ ထို့ပြင် မည်သူမဆိုမူ မကောင်းမှုကိုသာ တွေ့ရှိပါက မိမိကိုယ်ကိုသာ အပြစ်တင်ရမည်။ အမှန်စင်စစ် လူသားတို့၏ လုပ်ရပ်အားလုံးကို အလ္လာဟ်အရှင်မြတ်က ရေတွက်မှတ်တမ်းတင်ထားတော်မူသည်။
8. ဆွဟာဗဟ်(ရဿွိယလ္လာဟုအန်ဟွမ်) တို့သည် နဗီတမန်တော်မြတ် (ဆွလ္လလ္လာဟုအလိုင်ဟိဝစလ္လမ်) ၏ အိပ်စက်နေချိန်အခြေအနေများကို ဖော်ပြရာတွင် စိတ်အားထက်သန်မှုရှိခြင်း။
9. ကိုယ်တော်သည် မိမိ၏ညာဘက်လက်ကို ပါးအောက်၌ ထားခဲ့သည်" ဟူသော တင်ပြချက်သည် ( ကိစ္စရပ်တိုင်းတွင် ညာဘက်မှစတင်ခြင်းသည် )နဗီတမန်တော်မြတ် (ဆွလ္လလ္လာဟုအလိုင်ဟိဝစလ္လမ်) ၏ အလေ့အထဖြစ်ပြီး၊ ဆန့်ကျင်ဘက်အထောက်အထားမရှိသမျှ ကိစ္စအဝဝတွင် ညာဘက်ကို ဦးစားပေးလေ့ရှိကြောင်း ညွှန်ပြသည်။
10. ညာဘက်စောင်းအိပ်ခြင်းသည် နိုးထရန်ပိုမိုလွယ်ကူသည်။ အဘယ်ကြောင့်ဆိုသော် ဤအနေအထားတွင် နှလုံးသည် ပုံမှန်အနေအထားမဟုတ်သောကြောင့်ဖြစ်သည်။ ထို့အပြင် နှလုံးအတွက် ပိုမိုအနားရစေသည်။ အဘယ်ကြောင့်ဆိုသော် နှလုံးသည် ဘယ်ဘက်တွင်ရှိသောကြောင့်ဖြစ်သည်။ အကယ်၍ လူသားသည် ဘယ်ဘက်စောင်းအိပ်ပါက ခန္ဓာကိုယ်အစိတ်အပိုင်းများ နှလုံးသားဘက်သို့ စုစည်းလာခြင်းကြောင့် နှလုံးကို ထိခိုက်စေနိုင်သည်။