Hadith: اللَّهُمَّ قِنِي عَذَابَكَ يَوْمَ تَجْمَعُ أَوْ تَبْعَثُ عِبَادَكَ" (ឱអល់ឡោះជាម្ចាស់! សូមទ្រង់មេត្តាការពារខ្ញុំពីទណ្ឌកម្មរបស់ទ្រង់នៅថ្ងៃដែលទ្រង់ប្រមូលផ្តុំ ឬបង្កើតខ្ញុំបម្រើទាំងឡាយរបស់ទ្រង់ឲ្យរស់ឡើងវិញផងចុះ)។

عَنْ حُذَيْفَةَ بْنِ اليَمَانِ رَضيَ اللهُ عنه:
أَنَّ النَّبِيَّ صَلَّى اللَّهُ عَلَيْهِ وَسَلَّمَ كَانَ إِذَا أَرَادَ أَنْ يَنَامَ وَضَعَ يَدَهُ تَحْتَ رَأْسِهِ، ثُمَّ قَالَ: «اللَّهُمَّ قِنِي عَذَابَكَ يَوْمَ تَجْمَعُ أَوْ تَبْعَثُ عِبَادَكَ».
[صحيح] - [رواه الترمذي] - [سنن الترمذي: 3398]

អំពី ហ៊ូហ្សៃហ្វះ ពិន អាល់យ៉ាម៉ាន رضي الله عنه
ណាពី ﷺ នៅពេលលោកចង់សម្រាន្ដ លោកដាក់ដៃរបស់លោកក្រោមក្បាល។ បន្ទាប់មក លោកសូត្រថា៖ " اللَّهُمَّ قِنِي عَذَابَكَ يَوْمَ تَجْمَعُ أَوْ تَبْعَثُ عِبَادَكَ" (ឱអល់ឡោះជាម្ចាស់! សូមទ្រង់មេត្តាការពារខ្ញុំពីទណ្ឌកម្មរបស់ទ្រង់នៅថ្ងៃដែលទ្រង់ប្រមូលផ្តុំ ឬបង្កើតខ្ញុំបម្រើទាំងឡាយរបស់ទ្រង់ឲ្យរស់ឡើងវិញផងចុះ)។
[صحيح] - [رواه الترمذي - رواه أبو داود - رواه أحمد] - [سنن الترمذي - 3398]

Explanation

ណាពី ﷺ នៅពេលលោកចង់សម្រាន្ដ គឺលោកដាក់ដៃស្តាំរបស់លោកកល់ក្រោមថ្ពាល់ស្តាំ ហើយសូត្រថា៖ اللَّهُمَّ قِنِي عَذَابَكَ يَوْمَ تَجْمَعُ أَوْ تَبْعَثُ عِبَادَكَ" (ឱអល់ឡោះជាម្ចាស់! សូមទ្រង់មេត្តាការពារខ្ញុំពីទណ្ឌកម្មរបស់ទ្រង់នៅថ្ងៃដែលទ្រង់ប្រមូលផ្តុំ ឬបង្កើតខ្ញុំបម្រើទាំងឡាយរបស់ទ្រង់ឲ្យរស់ឡើងវិញផងចុះ) ពោលគឺថ្ងៃបរលោក។

Benefits from the Hadith

1. ឧត្តមភាពនៃទូអាដ៏មានពរជ័យនេះ ហើយគប្បីថែរក្សាលើការសូត្រទូអានេះដើម្បីជាការអនុវត្តតាមណាពី ﷺ។
2. ស៊ូណិតគេងផ្អៀងទៅខាងស្តាំ។
3. អាស្ស៊ិនទី បាននិយាយថា៖ ប្រសាសន៍របស់ណាពី ﷺ ៖ “ឱអល់ឡោះជាម្ចាស់! សូមទ្រង់មេត្តាការពារខ្ញុំពីទណ្ឌកម្មរបស់ទ្រង់” បង្ហាញថា ចំពោះអ្នកដែលមានសតិបញ្ញាពេញលេញគប្បីចាត់ទុកការដេក ជាមធ្យោបាយក្នុងការរំលឹកពីសេចក្តីស្លាប់ និងការបង្កើតឲ្យរស់ឡើងវិញក្រោយពេលស្លាប់។
4. ការការពារពីទណ្ឌកម្មរបស់អល់ឡោះជាម្ចាស់នៅថ្ងៃបរលោក គឺកើតឡើងដោយក្តីសប្បុរស និងក្តីមេត្តាករុណារបស់ទ្រង់តាមរយៈការចង្អុលបង្ហាញខ្ញុំបម្រើរបស់ទ្រង់ឲ្យសាងនូវទង្វើកុសល និងការអភ័យទោសពីអល់ឡោះចំពោះបាបកម្មរបស់គេ។
5. ការឱនលំទោនរបស់ណាពី ﷺ ចំពោះម្ចាស់របស់លោក និងជាអ្នកគ្រប់គ្រងថែរក្សារូបលោក។
6. ទទួលស្គាល់ការប្រមូលផ្តុំ និងកន្លែងវិលត្រឡប់ ហើយពិតណាស់មនុស្សលោកទាំងអស់នឹងវិលត្រឡប់ទៅកាន់ម្ចាស់របស់ពួកគេដើម្បីទទួលការជំនុំជម្រះលើទង្វើរបស់ខ្លួន។ ហេតុនេះ ជនណាដែលទទួលបាននូវប្រការល្អ ចូរឲ្យគេថ្លែងសរសើរអល់ឡោះ។ តែជនណាដែលទទួលបានផ្សេងពីនេះ ចូរកុំឲ្យគេបន្ទោសនរណាក្រៅពីខ្លួនឯងឲ្យសោះ។ តាមពិត វាជាទង្វើរបស់ពួកគេដែលអល់ឡោះជាម្ចាស់បានកត់ត្រាទុកឲ្យពួកគេប៉ុណ្ណោះ។
7. ការយកចិត្តទុកដាក់របស់សហាហ្ពាត់ رضي الله عنهم លើការបញ្ជាក់ពីស្ថានភាព ឬលក្ខណៈនៃការសម្រាន្តរបស់ណាពី ﷺ ។
8. សម្តីរបស់អ្នករាយការណ៍៖ “លោកដាក់ដៃស្តាំរបស់លោកក្រោមថ្ពាល់” វាគឺជាទម្លាប់មួយរបស់ណាពី ﷺ ដែលលោកតែងធ្វើកិច្ចការទាំងឡាយនឹងផ្នែកខាងស្តាំ លើកលែងតែមានភស្តុតាងដែលបញ្ជាក់ផ្ទុយពីនេះ។
9. ការគេងផ្អៀងទៅផ្នែកខាងស្តាំ គឺធ្វើឲ្យយើងឆាប់ដឹងខ្លួន ដោយសារតែបេះដូងមិនមានភាពថេរឡើយនៅក្នុងស្ថានភាពនោះ និងធ្វើឲ្យបេះដូងបានធូរព្រោះតែវានៅខាងឆ្វេង។ ប្រសិនបើគេគេងផ្អៀងទៅខាងឆ្វេង គឺបង្កគ្រោះថ្នាក់ដល់បេះដូងដោយសារខ្លួនប្រាណសង្កត់ពីលើវា។