Pagpapanibago: May tatlong hindi kakausap sa kanila si Allāh sa Araw ng Pagbangon, hindi Siya magpapabusilak sa kanila, at ukol sa kanila ay isang masakit na pagdurusa

عَنْ سَلْمَانَ الْفَارِسِيِّ رَضيَ اللهُ عنه قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ:
«ثَلَاثَةٌ لَا يُكَلِّمُهُمُ اللَّهُ يَوْمَ الْقِيَامَةِ وَلَا يُزَكِّيهِمْ وَلَهُمْ عَذَابٌ أَلِيمٌ: أُشَيْمِطٌ زَانٍ، وَعَائِلٌ مُسْتَكْبِرٌ، وَرَجُلٌ جَعَلَ اللَّهَ لَهُ بِضَاعَةً، فَلَا يَبِيعُ إِلَّا بِيَمِينِهِ وَلَا يَشْتَرِي إِلَّا بِيَمِينِهِ».
[صحيح] - [رواه الطبراني] - [المعجم الصغير: 821]

Ang saling ito ay nangangaiangan ng daddag na pagrerepaso at pagtutumpak..

Ayon kay Salmān Al-Fārisīy (malugod si Allāh sa kanya) na nagsabi: {Nagsabi ang Sugo ni Allāh (basbasan siya ni Allāh at pangalagaan):
"May tatlong hindi kakausap sa kanila si Allāh sa Araw ng Pagbangon, hindi Siya magpapabusilak sa kanila, at ukol sa kanila ay isang masakit na pagdurusa: isang ubaning nangangalunya, isang naghihikahos na nagmamalaki, at isang lalaking gumawa kay Allāh bilang paninda niya sapagkat hindi siya bumibili malibang may panunumpa niya at hindi siya nagtitinda malibang may panunumpa niya."}
[Tumpak] - [Isinalaysay ito ni Imām Aṭ-Ṭabrānīy] - [المعجم الصغير - 821]

Ang pagpapaliwanag

Nagpabatid ang Propeta (basbasan siya ni Allāh at pangalagaan) tungkol sa tatlong uri ng mga tao, na mga karapat-dapat sa parusa ni Allāh sa Araw ng Pagbangon sa pamamagitan ng tatlong kaparusahan, kung hindi sila nagbalik-loob o hindi napatawad para sa kanila ang parusa: Ang Una: Hindi kakausap sa kanila si Allāh sa Araw ng Pagbangon dahil sa tindi ng galit Niya, bagkus aayaw Siya sa kanila o kakausap Siya sa kanila sa isang usapang hindi magpapagalak sa kanila at magpapatunay sa pagkainis Niya sa kanila. Ang Ikalawa: Hindi Siya magpapabusilak sa kanila at hindi Siya magdadalisay sa kanila mula sa mga pagkakasala. Ang Ikatlo: Ukol sa kanila ay isang nakasasakit na matinding pagdurusa sa Kabilang-buhay. Ang mga uring ito ay ang sumusunod: Ang Unang Uri: matandang lalaki na nasasadlak sa kahalayan ng pangangalunya. Ang Ikalawang Uri: Ang maralitang walang yaman at sa kabila niyon siya ay nagpapakamalaki sa mga tao. Ang Ikatlong Uri: Ang sinumang nagpapakarami sa panunumpa kay Allāh sa pagtitinda at pagbili kaya nakahahamak sa ngalan ni Allāh at gumagawa rito bilang isang kaparaanan sa pagkita ng salapi.

من فوائد الحديث

1. Nagsabi si Al-Qāḍī `Iyāḍ hinggil sa kadahilanan ng matinding kaparusahang ito: Ang bawat isa sa kanila ay nanatili sa nabanggit na pagsuway sa kabila ng pagkalayo nito mula sa kanya, kawalan ng pangangailangan dito, at kahinaan ng mga motibo rito sa para sa kanya. Kahit pa man walang napauumanhinang isa man sa isang pagkakasala, subalit yayamang hindi naman nagkaroon ng isang nakabubulabog na pangangailangan ni mga motibong nakahiratian, nagsawangis ang paglalakas-loob nila rito sa pakikipagmatigasan, pagmamaliit sa karapatan ni Allāh (napakataas Siya), at pagpapakay ng pagsuway sa Kanya nang walang pangangailangan sa iba pa rito.
2. Ang pangangalunya, ang pagsisinungaling, at ang pagmamalaki ay kabilang sa malalaki sa mga pagkakasala.
3. Ang pagmamalaki ay ang pagtutol sa katotohanan at ang paghamak sa nilikha.
4. Ang pagbibigay-babala laban sa dami ng paggamit ng panunumpa sa pagtitinda at pagbili at ang paghimok sa pagpipitagan sa panunumpa at paggalang sa mga pangalan ni Allāh (napakataas Siya). Nagsabi si Allāh (Qur'ān 2:224): {Huwag kayong gumawa kay Allāh bilang isang hadlang sa mga panunumpa ninyo}