ჰადისი: სამი კატეგორიის ადამიანი არიან, ვისთანაც ალლაჰი არ ისაუბრებს აღდგომის დღეს, არ განწმენდს მათ და მათთვის მტკივნეული სასჯელი იქნება

عَنْ سَلْمَانَ الْفَارِسِيِّ رَضيَ اللهُ عنه قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ:
«ثَلَاثَةٌ لَا يُكَلِّمُهُمُ اللَّهُ يَوْمَ الْقِيَامَةِ وَلَا يُزَكِّيهِمْ وَلَهُمْ عَذَابٌ أَلِيمٌ: أُشَيْمِطٌ زَانٍ، وَعَائِلٌ مُسْتَكْبِرٌ، وَرَجُلٌ جَعَلَ اللَّهَ لَهُ بِضَاعَةً، فَلَا يَبِيعُ إِلَّا بِيَمِينِهِ وَلَا يَشْتَرِي إِلَّا بِيَمِينِهِ».
[صحيح] - [رواه الطبراني] - [المعجم الصغير: 821]

გადმოცემულია სალმანისგან (ალლაჰი იყოს მისით კმაყოფილი) რომ მან თქვა: ალლაჰის შუამავალმა (ალლაჰის ლოცვა და მშვიდობა მას) თქვა:
«სამი კატეგორიის ადამიანი არიან, ვისთანაც ალლაჰი არ ისაუბრებს აღდგომის დღეს, არ განწმენდს მათ და მათთვის მტკივნეული სასჯელი იქნება: მოხუცი, რომელიც ჩადის მრუშობას; ღარიბი, რომელიც ქედმაღლობს; კაცი, რომელსაც ალლაჰმა ვაჭრობის შესაძლებლობა მისცა, მაგრამ არ ყიდის და არ ყიდულობს, გარდა ყალბი ფიცის საშუალებით».
[სანდო (საჰიჰ)] -

განმარტება

ალლაჰის მოციქულმა (ალლაჰის ლოცვა და მშვიდობა მას) გვითხრა სამი სახის ადამიანზე, რომლებიც, თუ არ მოინანიებენ და არ მიეტევებათ, სამმაგი სასჯელის ღირსნი გახდებიან ალლაჰისგან აღდგომის დღეს: პირველი: ალლაჰი არ ესაუბრება მათ აღდგომის დღეს თავისი ძლიერი რისხვის გამო, არამედ უკუაგდებს მათ, ან დაელაპარაკება ისე, რაც მათ არ გაახარებთ და მის უკმაყოფილებას გამოხატავს. მეორე: ალლაჰი არ განწმენდს მათ, არ შეაქებს და არ გაათავისუფლებს მათ ცოდვებისგან. მესამე: მათთვის იქნება მტკივნეული და მძიმე სასჯელი საიქიოში. ამ კატეგორიის ადამიანები არიან: პირველი კატეგორია: მოხუცი კაცი, რომელიც ჩადის მრუშობას. მეორე: ღარიბი, რომელსაც არ აქვს ქონება, თუმცა მაინც ქედმაღლობს ხალხის წინაშე. მესამე: ის, ვინც ვაჭრობასა და ყიდვა-გაყიდვაში ხშირად იფიცება ალლაჰის სახელით, შეურაცხყოფს ალლაჰის სახელს და მას მხოლოდ მატერიალური სარგებლის მისაღებად იყენებს.

ჰადისის სარგებლობიდან

1. ყაადი იიადმა ამ მძიმე სასჯელის მიზეზი ასე განმარტა: «ყოველი მათგანი ჩაერთო ამ დიდ ცოდვაში, მიუხედავად იმისა, რომ მათგან შორს უნდა ყოფილიყო, არ ჰქონდათ აუცილებლობა, რომ მასში ჩავარდნილიყვნენ, და მათთვის ამ ცოდვების ჩადენის მოტივები ძალიან სუსტია, თუმცა მიუხედავად იმისა, რომ არავინ არის გამართლებული ცოდვის ჩადენით, მაგრამ რადგან ამ ცოდვებში არ არსებობს რაიმე გადაუდებელი საჭიროება ან ჩვეულებრივი და გადამეტებული მიდრეკილება, მათი ჩადენა წააგავს ალლაჰის ბრძანებების მიმართ სიჯიუტეს, მისი უფლების უპატივცემულობას და განზრახ დაუმორჩილებლობას, რომელსაც სხვა საჭიროება არ აქვს, გარდა იმისა, რომ ალლაჰს დაემორჩილონ».
2. მრუშობა, ტყუილი და ქედმაღლობა დიდი ცოდვებია.
3. ქედმაღლობა – ეს არის სიმართლის უარყოფა და ხალხის შეურაცხყოფა.
4. ყიდვა-გაყიდვაში ფიცის ხშირი გამოყენებისგან გაფრთხილება და ალლაჰის სახელის პატივისცემა, უზენაესი ალლაჰი ყურანში ბრძანებს: (და ნუ აქცევთ ალლაჰს თქვენი ფიცის საგნად) (ალ-ბაყარა, 32).