නබි වදන: අහෝ මිනිසුන්ගේ හිිමිපාණන් වූ අල්ලාහ්, දුෂ්කරත්වය ඉවත් කරනු මැනව ! සුවය දෙනු මැනව ! සුවය දෙන්නා ඔබය.

عن عائشة رضي الله عنها مرفوعاً: أن النبيَّ صلى الله عليه وسلم كَانَ يَعُودُ بَعْضَ أهْلِهِ يَمْسَحُ بِيدِهِ اليُمْنَى، ويقول: «اللَّهُمَّ رَبَّ النَّاسِ، أذْهِب البَأسَ، اشْفِ أنْتَ الشَّافِي لاَ شِفَاءَ إِلاَّ شِفاؤكَ، شِفَاءً لاَ يُغَادِرُ سَقماً».
[صحيح] - [متفق عليه]

ආඉෂා -රළියල්ලාහු අන්හු- තුමා විසින් වාර්තා කරන ලදී. මර්ෆූඃ ගණයට අයත් හදීසයකි. නියත වශයෙන්ම නබි -සල්ලල්ලාහු අලය්හි වසල්ලම්- තුමාණන් තම පවුලේ ඇතැමුන්ගේ සුවදුක් විමසමින් තම දකුණතින් පිරිමැද මෙසේ පවසන්නෙක් වූහ. ((අහෝ මිනිසුන්ගේ හිිමිපාණන් වූ අල්ලාහ්, දුෂ්කරත්වය ඉවත් කරනු මැනව ! සුවය දෙනු මැනව ! සුවය දෙන්නා ඔබය. ඔබේ සුවයෙන් තොරව කිසිදු සුවයක් නැත. එය රෝගීභාවයෙන් අත්හැර නොදමන සුවයකි.))
[පූර්ව සාධක සහිත හදීසයකි] - [බුහාරි හා මුස්ලිම් හි වාර්තා වී ඇත]

විවරණය

නබි -සල්ලල්ලාහු අලය්හි වසල්ලම්- තුමා රෝගාතුරුව සිටින තම බිරියන්ගේ සුවදුක් විමසන විට ඔවුන් වෙනුවෙන් මෙම ප්රාර්ථනාව කියමින් අයැද සිටින්නෙකු වූහ. තම දකුණතින් රෝගියා ස්පර්ශ කර අහෝ අල්ලාහ් මිනිසුන්ගේ පරමාධිපතියාණනි, යැයි පවසමින් ඔහු වෙත මෙම ප්රාර්ථනාව පැතුවේය. පොදුවේ දෙවියන්ගේ පාලන බලය පිළිබඳ ඉදිරිපත් කරමින් අයැද සිටීමට හේතුව ඔහු මැවුම්කරුය. රජුය. සියල්ල සැළසුම් කරන්නාය. රෝගියාගේ රෝගය ඉවත් කරන්නාය. සුවය යනු, රෝගය ඉවත් වීම හෝ රෝගියා සුව වීමයි. අෂ්ෂාෆි හෙවත් සුවකරන්නා යන්න අල්ලාහ්ගේ නාමයන් අතුරින් වූවකි. හේතුව එම රෝගය සුව කරනුයේ ඔහුය. ලා ෂිෆාඋන් ඉල්ලා ෂිෆාඋක ඔබේ සුවයෙන් තොරව සුවයක් නැත යනුවෙන් ද එතුමා පවසා සිටියහ. එනම් අල්ලාහ්ගෙන් ලැබෙන සුවය මිස වෙනත් සුවයක් නැතැයි යන්නයි. ඔහුගෙන් තොරව කිසිදු සුවපත් වීමක් නැත. මැවීම්වල සුවය යනු එය හේතුකාරකයක් මිස වෙනත් කිසිවක් නොවේ. සුවය ලබා දෙන්නා අල්ලාහ්ය. කිසිදු රෝගයක් ඉතිරිව නොපවතින තරමට පූර්ණ සුවය ලැබීමට එතුමා අල්ලාහ්ගෙන් ඉල්ලා සිටියහ.