حدیث: آیا له تاسو څخه څوک نشي کولی چې هره ورځ زر نېکۍ ترلاسه کړي؟

عَنْ سَعْدِ بنِ أبي وَقَّاصٍ رَضيَ اللهُ عنه قَالَ:
كُنَّا عِنْدَ رَسُولِ اللهِ صَلَّى اللهُ عَلَيْهِ وَسَلَّمَ، فَقَالَ: «أَيَعْجِزُ أَحَدُكُمْ أَنْ يَكْسِبَ، كُلَّ يَوْمٍ أَلْفَ حَسَنَةٍ؟» فَسَأَلَهُ سَائِلٌ مِنْ جُلَسَائِهِ: كَيْفَ يَكْسِبُ أَحَدُنَا أَلْفَ حَسَنَةٍ؟ قَالَ: «يُسَبِّحُ مِائَةَ تَسْبِيحَةٍ، فَيُكْتَبُ لَهُ أَلْفُ حَسَنَةٍ، أَوْ يُحَطُّ عَنْهُ أَلْفُ خَطِيئَةٍ».
[صحيح] - [رواه مسلم] - [صحيح مسلم: 2698]

دا ژباړه بیا لیدنې او کره کتنې ته اړتیا لري.

له سعد بن ابي وقاص رضي الله عنه څخه روایت دی وایي چې:
موږ د رسول الله صلی الله علیه وسلم سره وو نو هغه وفرمایل: «آیا له تاسو څخه څوک نشي کولی چې هره ورځ زر نېکۍ ترلاسه کړي؟» نو یو ناست کس ترې وپوښتل: څنګه زموږ څخه یو څوک کولای شي زر نېکۍ تر لاسه کړي؟ هغه وفرمایل چې: «سل ځلې تسبیح ووايي، نو زر نېکۍ ورته لیکل کېږي او یا ترې زر ګناهونه کمېږي».
[صحیح] - [مسلم روایت کړی] - [صحیح مسلم - 2698]

تشریح

نبي صلی الله علیه وسلم له خپلو صحابه وو څخه وپوښتل: آیا له تاسو څخه یو څوک نه شي کولی چې هره ورځ زر نېکۍ ترلاسه کړي؟ یو ناست کس وویل: یو انسان څنګه کولی شي په اسانۍ سره په یوه ورځ کې زر نېکۍ ترلاسه کړي؟ رسول صلی الله علیه وسلم وفرمایل:سل ځلې به(سبحان الله) ووایي نو زر نېکۍ به ورته ولیکل شي؛ ځکه هره نېکي لس چنده حسابېږي، اویا به یې له ګناهونو ترې زر ګناهونه پاک شي.

د حديث له ګټو څخه

1. نېکيو ته هڅوونه؛ ځکه دا د عبادتونو لپاره زینه ده.
2. د تسبیح او ذکر فضیلت؛ او دا چې دا یو اسان عمل دی چې انسان پرې نه ستړی کیږي خو له دې لارې لوی ثواب ترلاسه کوي.
3. په نېکيو کې د صحابه کرامو هڅه او له ځنډ پرته چټک اقدام.
4. لس چنده د نیکیو زیاتېدل، لکه څنګه چې الله تعالی فرمایلي: « (‌مَنْ ‌جَاءَ ‌بِالْحَسَنَةِ ‌فَلَهُ ‌عَشْرُ ‌أَمْثَالِهَا) [الأنعام: 160] یعنې: څوک چې یوه نېكي راوړي، د هغه لپاره د هغې لس چنده دي، او دا د زیاتوالي تر ټولو لږه اندازه ده، کنه تر اوه سوه چنده هم روایت شوی دی.
5. په ځینو روایتونو کې د «او» پر ځای «و» راغلې: پدې وینا کې: أو يحط عنه...یعنې یا به یې ګناهونه لرې شي… القاري ویلي: کله «و» د «او» په معنا هم راځي، نو د دواړو روایتونو تر منځ ټکر نشته، او لکه معنا یې چې داسې وي چې: څوک چې دا وايي، زر نېکۍ ورته لیکل کېږي؛ او که ګناهونه پرې نه وي، نو ځینې یې لرې کېږي او ځینې نېکۍ یې ترلاسه کوي، او کیدی شي چې «او» د «و» په معنا وي، او یا یې معنا (بلکې) وي، نو هغه مهال ورته بیا دواړه جمع کیږي او د الله تعالی لورینه لدې ډیره پراخه ده. پای، یعنې زر نیکۍ ورته لیکل کیږي او یا به ترې زره ګناهونه پاک شي.