1. ទំព័រ​ដេីម
  2. បញ្ជីទាំងអស់
  3. Virtues and Manners

ហាទីស្ហ “តើម្នាក់ៗនៃពួកអ្នកអសមត្ថភាពក្នុងការស្វែងរកផលបុណ្យចំនួនមួយពាន់ជារៀងរាល់ថ្ងៃឬ”

عَنْ سَعْدِ بنِ أبي وَقَّاصٍ رَضيَ اللهُ عنه قَالَ:
كُنَّا عِنْدَ رَسُولِ اللهِ صَلَّى اللهُ عَلَيْهِ وَسَلَّمَ، فَقَالَ: «أَيَعْجِزُ أَحَدُكُمْ أَنْ يَكْسِبَ، كُلَّ يَوْمٍ أَلْفَ حَسَنَةٍ؟» فَسَأَلَهُ سَائِلٌ مِنْ جُلَسَائِهِ: كَيْفَ يَكْسِبُ أَحَدُنَا أَلْفَ حَسَنَةٍ؟ قَالَ: «يُسَبِّحُ مِائَةَ تَسْبِيحَةٍ، فَيُكْتَبُ لَهُ أَلْفُ حَسَنَةٍ، أَوْ يُحَطُّ عَنْهُ أَلْفُ خَطِيئَةٍ».

អំពី សាអាត់ ពិន អាពូវឹក្កស رضي الله عنه បាននិយាយថា៖
ពួកយើងបាននៅជាមួយរ៉ស៊ូលុលឡោះ ﷺ ហើយលោកបានមានប្រសាសន៍ថា៖ “តើម្នាក់ៗនៃពួកអ្នកអសមត្ថភាពក្នុងការស្វែងរកផលបុណ្យចំនួនមួយពាន់ជារៀងរាល់ថ្ងៃឬ”? ពេលនោះ នៅក្នុងចំណោមអ្នកអង្គុយជាមួយលោកមានអ្នកសួរលោកថា៖ តើម្នាក់ៗនៃពួកយើងអាចរកផលបុណ្យចំនួនមួយពាន់បានដោយរបៀបណា? លោកបានឆ្លើយថា៖ “គឺសូត្រថា៖ “سُبْحَانَ الله“(អល់ឡោះដ៏មហាបរិសុទ្ធ) ចំនួនមួយរយដង គេនឹងកត់ត្រាផលបុណ្យឲ្យជននោះចំនួនមួយពាន់ ឬជម្រុះចោលនូវបាបកម្មរបស់ជននោះចំនួនមួយពាន់”។

صحيح رواه مسلم صحيح مسلم - 2698

ពន្យល់

ណាពី ﷺ បានសួរសហាហ្ពាត់របស់លោកថា៖ តើម្នាក់ៗនៃពួកអ្នកមិនមានសមត្ថភាពក្នុងការទទួលបានផលបុណ្យចំនួនមួយពាន់ជារៀងរាល់ថ្ងៃទេឬ? ពេលនោះ មានម្នាក់ក្នុងចំណោមអ្នកអង្គុយជាមួយលោកបានសួរថា៖ តើបុគ្គលម្នាក់អាចទទួលបានផលបុណ្យចំនួនមួយពាន់ដោយងាយស្រួលបានដោយរបៀបណា? លោកបានឆ្លើយថា៖ គឺសូត្រថា៖ “سُبْحَانَ الله“(អល់ឡោះដ៏មហាបរិសុទ្ធ) ចំនួនមួយរយដង នោះគេនឹងកត់ត្រាផលបុណ្យឲ្យជននោះចំនួនមួយពាន់ ពីព្រោះទង្វើល្អមួយ គឺកើនទ្វេជាដប់ ឬក៏ត្រូវបានគេជម្រុះចោលនូវបាបកម្មរបស់ជននោះចំនួនមួយពាន់។

មេរៀនដែលទាញបានពីហាទីស្ហ

  1. ជំរុញដល់ការប្រព្រឹត្តទង្វើល្អ ព្រោះវាជាស្ពាននៃការកិច្ចគោរពប្រណិប័តន៍។
  2. ឧត្តមភាពនៃការតាសពេស្ហ និងហ្ស៊ីកៀរ។ វាជាទង្វើមួយងាយស្រួលដែលមិនមានការលំបាកអ្វីបន្តិចឡើយ តែវាអាចទទួលបាននូវផលបុណ្យដ៏ធំធេងនេះ។
  3. ការរួសរាន់របស់បណ្តាសហាហ្ពាត់ رضي الله عنهم លើការសាងអំពើល្អដោយគ្មានការពន្យារពេល។
  4. អំពើល្អមួយ គឺកើនទ្វេជាដប់ ដូចដែលអល់ឡោះ បានមានបន្ទូលថា៖ “مَنْ جَاءَ بِالْحَسَنَةِ فَلَهُ عَشْرُ أَمْثَالِهَا” (ជនណាដែលបាននាំទៅជាមួយនូវអំពើល្អមួយ គេនឹងទទួលបានផលបុណ្យដប់ដងដូចនឹងអំពើល្អនោះ)។ នេះជាចំនួនកើនទ្វេដែលតិចជាងគេ ត្បិតមានភស្តុតាងដែលបញ្ជាក់ថា អំពើល្អអាចកើនទ្វេរហូតដល់ប្រាំពីររយ។
  5. នៅក្នុងសេចក្តីរាយការណ៍មួយចំនួន ពាក្យ “ឬ” ជំនួសមកពាក្យ “និង” នៅក្នុងឃ្លា៖ “ឬជម្រុះចោល…” អាល់ករី បាននិយាយថា: “និង” អាចមកជាមួយនឹងអត្ថន័យថា “ឬ” ដូច្នេះវាមិនមានការផ្ទុយគ្នារវាងសេចក្តីរាយការណ៍ទាំងពីរ ហើយហាក់ដូចជាអត្ថន័យរបស់វាគឺ៖ អ្នកណាដែលសូត្រថា៖ “سُبْحَانَ الله“ នោះគេនឹងកត់ត្រាផលបុណ្យឲ្យជននោះចំនួនមួយពាន់ ឬក៏គេនឹងកត់ត្រាផលបុណ្យខ្លះ និងជម្រុះចោលនូវបាបកម្មខ្លះ(ប្រសិនបើគេមានបាបកម្ម)។ ហើយវាអាចទៅរួចដែរថា “ឬ” មានអត្ថន័យថា “និង” ឬអត្ថន័យថា “ផ្ទុយទៅវិញ” ដូច្នេះ វាត្រូវបានបញ្ចូលទាំងពីរសម្រាប់គេ។ មានន័យថា គេនឹងកត់ត្រាផលបុណ្យឲ្យជននោះចំនួនមួយពាន់ និងជម្រុះចោលនូវបាបកម្មរបស់ជននោះចំនួនមួយពាន់។ ហើយព្រះគុណរបស់អល់ឡោះគឺទូលំទូលាយជាងនោះទៅទៀត។

បង្ហាញការបកប្រែ

36 ភាសា
EN English الإنجليزية
UR اردو الأوردية
ES Español الإسبانية
ID Indonesia الإندونيسية
BN বাংলা البنغالية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
MY မြန်မာ البورمية
TH ไทย التايلندية
PS پښتو بشتو
AS অসমীয়া الأسامية
AM አማርኛ الأمهرية
NL Nederlands الهولندية
GU ગુજરાતી الغوجاراتية
PRS دری الدرية
SR Српски الصربية
RO Română الرومانية
HU Magyar المجرية
KN ಕನ್ನಡ الكانادا
KA ქართული الجورجية
MK Македонски المقدونية
PA ਪੰਜਾਬੀ البنجابية
MR मराठी الماراثية