حدیث: قیامت به تر هغه پورې نه قائمېږي، تر څو چې خلک په خپلو کې سره په جوماتونو جوړلو کې سیالي ونه کړي

عَنْ أَنَسٍ رَضيَ اللهُ عنه أَنَّ النَّبِيَّ صَلَّى اللهُ عَلَيْهِ وَسَلَّمَ قَالَ:
«لَا تَقُومُ السَّاعَةُ حَتَّى يَتَبَاهَى النَّاسُ فِي الْمَسَاجِدِ».
[صحيح] - [رواه أبو داود والنسائي وابن ماجه] - [سنن أبي داود: 449]

له انس رضي الله عنه څخه روایت دی چې رسول الله صلی الله علیه وسلم فرمایلي:
«قیامت به تر هغه پورې نه قائمېږي، تر څو چې خلک په خپلو کې سره په جوماتونو جوړلو کې سیالي ونه کړي».
[صحيح دی] - [ابو داود، النسائي او ابن ماجه روایت کړی دی] - [سنن ابو داود - 449]

تشریح

رسول الله صلی الله علیه وسلم فرمایلي چې د قیامت د ورځې د نږدې کېدو له نښو څخه یوه دا ده چې خلک به د جوماتونو په جوړولو کې د ښکلا او آرایش پر سر یو پر بل فخر کوي، یا به په جوماتونو کې د دنیوي چارو په اړه فخر کوي، په داسې حال کې چې جوماتونه یوازې د الله د یادونې لپاره جوړ شوي دي.

د حديث له ګټو څخه

1. د جوماتونو په اړه فخر کول حرام دي، او دا عمل د الله پر وړاندې قبول ندی؛ ځکه چې د الله لپاره ندی شوی.
2. په رنګونو، نقاشۍ او ليکنو سره د جوماتونو له سینګارولو څخه ممانعت؛ ځکه دا کارونه لمونځ کوونکي د لمانځه پر مهال په کتلو بوختوي او د هغوی توجه ګډوډوي.
3. سندي فرمایلي: "د دې حدیث په ریښتینولۍ موجوده وضعیت دلالت کوي، او دا د رسول الله صلی الله علیه وسلم د لویو معجزو یوه برخه ده.