عَنْ عَائِشَةَ أُمِّ المُؤْمنين رَضيَ اللهُ عنها قَالَتْ: سَمِعْتُ رَسُولَ اللهِ صَلَّى اللهُ عَلَيْهِ وَسَلَّمَ يَقُولُ:
«يُحْشَرُ النَّاسُ يَوْمَ الْقِيَامَةِ حُفَاةً عُرَاةً غُرْلًا» قُلْتُ: يَا رَسُولَ اللهِ النِّسَاءُ وَالرِّجَالُ جَمِيعًا يَنْظُرُ بَعْضُهُمْ إِلَى بَعْضٍ؟ قَالَ صَلَّى اللهُ عَلَيْهِ وَسَلَّمَ: «يَا عَائِشَةُ، الْأَمْرُ أَشَدُّ مِنْ أَنْ يَنْظُرَ بَعْضُهُمْ إِلَى بَعْضٍ».

Мајката на верниците, Аиша, Аллах нека е задоволен со неа, раскажува: „Го слушнав Божјиот пратеник, салаллаху алејхи ве селем, како вели:
,Луѓето на Судниот ден ќе бидат собрани боси, голи и необрежани.‘ Јас прашав: ,О, Божји пратенику, и мажите и жените заедно – ќе гледаат ли едни во други?‘ Тој, салаллаху алејхи ве селем, одговори: ,О, Аиша, тогаш состојбата ќе биде толку страшна што луѓето нема ни да помислат да гледаат едни во други.‘“

صحيح متفق عليه صحيح مسلم - 2859

Објаснување

Божјиот пратеник, салаллаху алејхи ве селем, опишал дел од настаните на Судниот ден – кога луѓето ќе бидат собрани по нивното оживување од гробовите за пресметка. Тие ќе бидат боси, без обувки, голи – без облека и покривка – и необрежани, како што мајките ги родиле.
Кога мајката на верниците, Аиша, Аллах нека е задоволен со неа, го слушнала тоа, зачудено прашала: „О, Божји пратенику, и мажите и жените заедно – ќе гледаат ли едни во други?“ Божјиот пратеник, салаллаху алејхи ве селем, ѝ објаснил дека ужасите и стравотиите на тој ден ќе бидат толку големи, што ќе им го одвлечат вниманието и погледите од тоа да гледаат во нечии срамни места.

Од придобивките на хадисот

  1. Хадисот дава појаснување за ужасите на Судниот ден и на тоа дека на тој Ден ништо нема да го преокупира човекот од пресметката и од соочување со сопствените дела.
  2. Потврда дека човекот може да направи грев само кога е во состојба на небрежност. Кога би се сетил на големината на Оној Кого му бил непослушен и на Неговата казна, не би престанал да Го спомнува, да Му биде благодарен и да Го обожува ниту за миг. Затоа, на денот на собирањето сите ќе бидат зафатени со самите себе и никој нема да гледа во другиот.
  3. Силната срамежливост кај жените во времето на Божјиот пратеник, салаллаху алејхи ве селем. Доказ за тоа е што Аиша, Аллах нека е задоволен со неа, со срамежливост прашала кога чула дека луѓето ќе бидат собрани голи – и мажи и жени.
  4. Ес-Синди рекол: „Секој ќе биде зафатен со сопствената состојба и нема да знае ништо за состојбата на својот брат. Возвишениот Аллах вели: „Тој Ден секој човек само за себеси ќе се грижи.“ (Абесе, 37) Поради тоа, никој нема да обрне внимание на интимниот дел на другиот.
  5. Обрежувањето кај мажите подразбира отсекување на кожичката што ја покрива главата на половиот орган; додека кај жените – отсекување на малото парче кожа над местото на односот, која личи на петлов гребен.

Преглед на преводи

37 Јазик
EN English الإنجليزية
UR اردو الأوردية
ES Español الإسبانية
ID Indonesia الإندونيسية
UG ئۇيغۇرچە الأيغورية
BN বাংলা البنغالية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
MY မြန်မာ البورمية
TH ไทย التايلندية
PS پښتو بشتو
AS অসমীয়া الأسامية
AM አማርኛ الأمهرية
NL Nederlands الهولندية
GU ગુજરાતી الغوجاراتية
PRS دری الدرية
SR Српски الصربية
RO Română الرومانية
HU Magyar المجرية
KN ಕನ್ನಡ الكانادا
KA ქართული الجورجية
KM ភាសាខ្មែរ الخميرية
PA ਪੰਜਾਬੀ البنجابية
MR मराठी الماراثية