ჰადისი: განკითხვის დღეს ადამიანები შეკრებილნი იქნებიან ფეხშიშვლები, შიშვლები და წინდაუცვეთელები

عَنْ عَائِشَةَ أُمِّ المُؤْمنين رَضيَ اللهُ عنها قَالَتْ: سَمِعْتُ رَسُولَ اللهِ صَلَّى اللهُ عَلَيْهِ وَسَلَّمَ يَقُولُ:
«يُحْشَرُ النَّاسُ يَوْمَ الْقِيَامَةِ حُفَاةً عُرَاةً غُرْلًا» قُلْتُ: يَا رَسُولَ اللهِ النِّسَاءُ وَالرِّجَالُ جَمِيعًا يَنْظُرُ بَعْضُهُمْ إِلَى بَعْضٍ؟ قَالَ صَلَّى اللهُ عَلَيْهِ وَسَلَّمَ: «يَا عَائِشَةُ، الْأَمْرُ أَشَدُّ مِنْ أَنْ يَنْظُرَ بَعْضُهُمْ إِلَى بَعْضٍ».
[صحيح] - [متفق عليه] - [صحيح مسلم: 2859]

გადმოცემულია აიშასგან (ალლაჰი იყოს მისით კმაყოფილი), რომ მან თქვა: გავიგონე, რომ შუამავალი (ალლაჰმა დალოცოს და მიესალმოს მას) ამბობდა:
«განკითხვის დღეს ადამიანები შეკრებილნი იქნებიან ფეხშიშვლები, შიშვლები და წინდაუცვეთელები» მე ვკითხე: "ო, ალლაჰის შუამავალო, ქალები და კაცები ერთად იქნებიან და ერთმანეთს შეხედავენ?" ალლაჰის შუამავალმა (ალლაჰის ლოცვა და მშვიდობა მას) მიპასუხა: «ო აიშა, იმ დღეს საკითხი იმდენად მძიმე იქნება, რომ არავის ექნება ერთმანეთისკენ ყურების დრო».
[სანდო (საჰიჰ)] - [შეთანხმებული] - [საჰიჰ მუსლიმ - 2859]

განმარტება

ალლაჰის მოციქულმა (ალლაჰის ლოცვა და მშვიდობა მას) აღწერა განკითხვის დღის ზოგიერთი მოვლენები, რომ ადამიანები თავიანთი სამარხებიდან აღდგებიან და შეკრებილნი იქნებიან ანგარიშსწორებისთვის, მათი მდგომარეობა იქნება ისეთი, რომ ფეხშიშვლები იქნებიან, უფორმო ტანსაცმლის გარეშე, შიშვლები, წინდაუცვეთელები, ზუსტად ისე, როგორც მათი დედები აჩენდნენ მათ. როდესაც მორწმუნეების დედამ აიშამ (ალლაჰი იყოს მისით კმაყოფილი) ეს მოისმინა, გაოცებით იკითხა: ო ალლაჰის შუამავალო, ქალები და კაცები ყველა ერთად იქნებიან და ერთმანეთს შეხედავენ? მაშინ ალლაჰის მოციქულმა (ალლაჰის ლოცვა და მშვიდობა მას) აუხსნა მას, რომ აღდგომის დღეს ყველა ადამიანი იმდენად შეშფოთებული და შეწუხებული იქნება ანგარიშსწორების ამბებით, რომ მათ არ ექნებათ დრო და შესაძლებლობა, სხვისი სიშიშვლე ან სხეულის ნაწილებს დააკვირდნენ.

ჰადისის სარგებლობიდან

1. განკითხვის დღის საშინელებების აღწერა და იმის განმარტება, რომ იმ დღეს ადამიანი იმდენად დაკავებული იქნება საკუთარი ანგარიშსწორებითა და საქმეებით, რომ ვერაფერს სხვას ვერ მიაქცევს ყურადღებას.
2. დადასტურება იმისა, რომ ადამიანი ცოდვაში მხოლოდ დაუდევრობის შემთხვევაში ვარდება; რადგან, თუ ის გაიხსენებდა იმ დიდებულებას, ვისაც ურჩობს, ან მის სასჯელს, ვერასოდეს მოადუნებდა ალლაჰის ხსენებას, მისი მადლიერებისა და სათნო თაყვანისცემის შესრულებას წამითაც კი. ამიტომაც, აღდგომის დღეს მოედანზე შეკრებილნი საკუთარ თავში იქნებიან ჩაფლულნი და არავის ექნება დრო სხვებისკენ ყურებისთვის.
3. ალლაჰის შუამავლის (ალლაჰის ლოცვა და მშვიდობა მას) დროის ქალთა განსაკუთრებული სიმორცხვე, როგორც ამას მორწმუნეების დედა აიშა (ალლაჰი იყოს მისით კმაყოფილი) გვიჩვენებს. როდესაც მან მოისმინა, რომ განკითხვის დღეს ყველა ადამიანი – კაცები და ქალები – შიშვლები აღდგებიან, ის თავაზიანი სიმორცხვით დაინტერესდა, იქნებოდნენ თუ არა ისინი ამ მდგომარეობაში ერთმანეთის წინაშე.
4. იმამ ას-სინდი ამბობს: «ყველა ადამიანი დაკავებული იქნება საკუთარი საქმით და ვერავის ეცლება თავისი ძმის მდგომარეობისთვის, უზენაესი ალლაჰი ამბობს: {იმ დღეს ყოველ ადამიანს ექნება თავისი საზრუნავი} [‘აბასა: 37]. ამიტომ, ვერავინ მოიცლის, რომ სხვისი სიშიშვლე შეამჩნიოს.
5. წინადაცვეთა არის: ვაჟის შემთხვევაში – თვალმისაწვდომი კანის მოცილება, რომელიც ფარავს სასქესო ორგანოს თავს,
6. ქალის შემთხვევაში – პატარა კანის მოცილება, რომელიც მდებარეობს სასქესო გზის შესასვლელის ზემოთ და მოგაგონებთ მამალის ბიბილოს.