නබි වදන: ඔබේ ශරීරයේ වේදනාව දැනෙන ස්ථානයේ ඔබේ අත තබන්න.
«ضَعْ يَدَكَ عَلَى الَّذِي تَأَلَّمَ مِنْ جَسَدِكَ، وَقُلْ بِاسْمِ اللهِ ثَلَاثًا، وَقُلْ سَبْعَ مَرَّاتٍ أَعُوذُ بِاللهِ وَقُدْرَتِهِ مِنْ شَرِّ مَا أَجِدُ وَأُحَاذِرُ».
[صحيح] - [رواه مسلم]
المزيــد ...
අබූ අබ්දුල්ලාහ් උස්මාන් ඉබ්නු අබිල් ආස් -රළියල්ලාහු අන්හු- තුමා තම ශරීරයේ ඇති වූ වේදනාවක් ගැන අල්ලාහ්ගේ දූතයාණන් -සල්ලල්ලාහු අලය්හි වසල්ලම්- වෙත පැමිණිලි කළහ. එවිට අල්ලාහ්ගේ දූතයාණන් -සල්ලල්ලාහු අලය්හි වසල්ලම්- ඔහු දෙස බලා, “ඔබේ ශරීරයේ වේදනාව දැනෙන ස්ථානයේ ඔබේ අත තබන්න. තවද බිස්මිල්ලා තුන්වරක් පවසා අඌදු බිඉස්සතිල්ලාහි වකුද්රතිහි මින් ෂර්රි මා අජිදු වඋහාදිරු යැයි පවසන්න“ යනුවෙන් පැවසුහ. (ප්රාර්ථනාවේ තේරුම: අල්ලාහ්ගේ ශක්තිය හා බලයෙන් මා මුහුණ දෙන සියලු උවදුරු හා බලපෑම්වලින් ආරක්ෂාව පතමි.)
පූර්ව සාධක සහිත හදීසයකි. - ඉමාම් මාලික් එය වාර්තා කර අැත.
උස්මාන් ඉබ්නු අබිල් ආස් විසින් වාර්තා කළ හදීසය වනාහි, එතුමාගේ ශරීරයේ හටගත් රෝගයක් පිළිබඳ එතුමා නබි -සල්ලල්ලාහු අලය්හි වසල්ලම්- තුමාට පැමිණිලි කළේය. එවිට නබි -සල්ලල්ලාහු අලය්හි වසල්ලම්- තුමා පහත ප්රාර්ථනාව පවසන්නැයි එතුමාට නියෝග කළහ. එනම්, බිස්මිල්ලාහ් යැයි තුන්වරක් පවසා වේදනාව ඇති ස්ථානයේ තම අත තබා පසුව අඌදු බිඉස්සතිල්ලාහි වකුද්රතිහි මින් ෂර්රි මා අජිදු වඋහාදිරු යැයි පවසන්නැයි ප්රකාශ කළහ. එතුමා එය හත් වතාවක් පවසා සිටියේය. මෙයද සුවය ලැබීමට ඇති ක්රරම අතරින් එකකි. මිනිසාට වේදනාවක් ඇති වූ විට එම වේදනාව ඇති ස්ථානයේ තම අත තබා බිස්මිල්ලාහ් යැයි තුන්වරක් පවසා, අඌදු බිඉස්සතිල්ලාහි වකුද්රතිහි මින් ෂර්රි මා අජිදු වඋහාදිරු යැයි පැවසීම අවශ්ය කරුණකි. ස්ථීර ලෙස එය විශ්වාස කරන්නකු ලෙසින් පවසන්නේ නම් ඔහු එමගින් සෙත ලබනු ඇත. වේදනාව ඇතිවනුයේ උත්තරීතර අල්ලාහ්ගේ අනුමැතියෙනි. පෙති, පැණි හෝ එන්නත් ලබා ගන්නාක් මෙන්ම මෙයද ප්රතිකාරයකි. අහස් හි පාලනය තමන් අතෙහි ඇත්තා වූ ද රෝගය ඇති කළා වූ ද එමෙන්ම ඔබ අසළින්ම සිටින්නා වූ ද අල්ලාහ්ගෙන් ආරක්ෂාව පැතීමකි. වේදනාව ඇති ස්ථානයේ අත තබන්නැයි එතුමාණන් නියෝග කර ඇත්තේ රෝගියා මත ප්රතිකාර කරන්නාගේ අත තබා එමගින් පිරිමැදීම තුළින් සුවය හිමි වනු ඇතැයි පෙන්වා දීම හා ඉගැන්වීම පිණිස වූ නියෝගයකි. ඒ වෙනුවට යකඩයක් හෝ ලුණු හෝ වෙනත් ද්රව්යයක ආධාරයෙන් එසේ අතුල්ලා ප්රතිකාර කිරීම සුදුසු නැත. නබි (සල්ලල්ලාහු අලය්හි වසල්ලම්) තුමා හෝ එතුමාගේ මිතුරන් හෝ එසේ සිදුකොට නොමැත.
වචනාර්ථ
අමතර
- නබි වදන: සැබැවින්ම මැතිරීම්, සුර එල්ලීම් හා කාම ගුරුකම් ෂිර්ක් හෙවත් දේව ආදේශකි.
- නබි වදන: මම සඊද් ඉබ්නු ජුබෙයිර් සමග සිටියෙමි. එවිට ඔහු: “පෙර දින කඩා වැටුණු තරුව ඔබ අතරින් දුටුවේ කවුරුන්දැ?යි විමසුවේය. එවිට මම: ‘මම’ යැයි පැවසුවෙමි. පසුව මම: ‘සැබැවින්ම මම සලාතයේ නොසිටියෙම් ද? එනමුත් මම දෂ්ඨ කරනු ලැබුවෙමි.” යැයි පැවසුවෙමි.
- නබි වදන: අල්ලාහ් හා ඔහුගේ දූතයාණන් ප්රිය කරන; එමෙන්ම අල්ලාහ්ව හා ඔහුගේ දූතයාණන්ව ප්රිය කරන පුද්ගලයකුට හෙට දින ධජය මම පිරිනමමි. ඔහුගේ අතින් අල්ලාහ් ජය ලබා දෙනු ඇත.
- නබි වදන: කවරෙකු භූමියෙන් වියතක තරම් ප්රමාණයක් ඩැහැගෙන අපරාධ කළේ ද මහපොළෝ හතකින් ඔහුට තලනු ලැබේ.
- නබි වදන: තම අවසන් කාලය නොපැමිණි රෝගියකුගේ සුවදුක් විමසා ඔහු අබියස හත් වරක් أسأل الله العظيم، ربَّ العرشِ العظيم، أن يَشفيك අස්අලුල්ලාහල් අළීම් රබ්බල් අර්ෂිල් අළීම් අය් යෂ්ෆීක (ඔබට සුවය ලබා දෙන මෙන් අතිමහත් සර්ව රාජ්යයේ හිමිපාණන් වූ සර්වබලධාරී අල්ලාහ්ගෙන් පතමි) යැයි කවරෙකු පවසන්නේ ද අල්ලාහ් ඔහුට එම රෝගය සුව කරනු ඇත.
- නබි වදන: අහෝ මිනිසුන්ගේ හිිමිපාණන් වූ අල්ලාහ්, දුෂ්කරත්වය ඉවත් කරනු මැනව ! සුවය දෙනු මැනව ! සුවය දෙන්නා ඔබය.
- නබි වදන: بِسْمِ الله أرْقِيكَ، مِنْ كُلِّ شَيْءٍ يُؤْذِيكَ، مِنْ شَرِّ كُلِّ نَفْسٍ أَوْ عَيْنِ حَاسِد، اللهُ يَشْفِيك، بِسمِ اللهِ أُرقِيك බිස්මිල්ලාහි උර්කීක මින් කුල්ලි ෂෙය්ඉන් යුඃදීක මින් ෂර්රි කුල්ලි නෆ්සින් අව් අය්නි හාසිදින් අල්ලාහු යෂ්ෆීක බිස්මිල්ලාහි උර්කීක තේරුම: අල්ලාහ්ගේ නාමයෙනි, සෑම ආත්මයකම නපුරින් හා ඊර්ෂ්යා කරන්නාගේ ඇස්වහින් ඔබට උවදුරු ඇති කරන සියලු දැයින් මම ඔබට ආරක්ෂාව පතමි. අල්ලාහ්ගේ නාමයෙනි, මම ඔබට ආරක්ෂාව පතමි.