حدیث: خپل مسلمان ورور ته پسې شا دعا کول قبلیږي

عَن أُمِّ الدَّرْدَاءِ وَ أَبِي الدَّرداءِ رَضيَ اللهُ عنهما أَنَّ النَّبِيَّ صَلَّى اللهُ عَلَيْهِ وَسَلَّمَ كَانَ يَقُولُ:
«دَعْوَةُ الْمَرْءِ الْمُسْلِمِ لِأَخِيهِ بِظَهْرِ الْغَيْبِ مُسْتَجَابَةٌ، عِنْدَ رَأْسِهِ مَلَكٌ مُوَكَّلٌ كُلَّمَا دَعَا لِأَخِيهِ بِخَيْرٍ، قَالَ الْمَلَكُ الْمُوَكَّلُ بِهِ: آمِينَ وَلَكَ بِمِثْلٍ».
[صحيح] - [رواه مسلم] - [صحيح مسلم: 2733]

دا ژباړه بیا لیدنې او کره کتنې ته اړتیا لري.

له ام الدرداء او ابو الدرداء رضی الله عنهما څخه روایت دی چې رسول الله صلی الله علیه وسلم به ویل:
خپل مسلمان ورور ته پسې شا دعا کول قبلیږي، سر ته یې ګمارل شوي پرېښته وي، نو هر کله چې دی خپل مسلمان ورور ته د خېر دعا غواړي، ګمارل شوې پرېښته وایي: آمین، او د همده په څېر دې ستا لپاره هم وي.
[صحيح دی] - [مسلم روايت کړی دی] - [صحيح مسلم - 2733]

تشریح

رسول الله صلی الله علیه وسلم فرمایلي دي چې د یو مسلمان دعا خپل مسلمان ورور ته د هغه په غیابت کې ځکه قبلیږي چې ډیر مخلصه وي، او دا چې د دعا کوونکي سر ته یوه ګمارل شوې پرېښته وي، نو هر کله چې دی خپل مسلمان ورور ته دعا کوي، پرې ګمارل شوې پرېښته وایي: آمین، او تا ته دې هم ستا د دعا مطابق درکړل شي.

د حديث له ګټو څخه

1. مؤمنان له یو بل سره خپلمنځي مهربانۍ ته هڅول، که څه هم په دعا کولو سره وي.
2. پسې شا دعا کول د ایمان او ورورګلوۍ د رېښتېنولۍ ښکاره ثبوت دی.
3. په ځانګړې توګه د پسې شا دعا یادونه لدې امله شوې چې په نهایت اخلاص او د زړه په حضور سره کیږي.
4. مسلمان ته پسې شا دعا کول د قبلیدو له اسبابو څخه یو دی.
5. نووي رحمه الله ویلي: خپل مسلمان ورور ته د هغه په ​​غیاب کې دعا کول فضیلت لري، او که چیرته یې د مسلمانانو یوې ډلې ته دعا وکړه نو دا فضیلت ورته بیا هم حاصلیږي، او که ټولو مسلمانانو ته یې وکړه، نو داسې ښکاري چې دا هم ترلاسه کیږي، ځینو سلفو به چې کله ځانته دعا کوله نو هماغه دعا به یې خپل مسلمان ورور ته هم کوله؛ ځکه چې قبلیږی او ده ته هم د هغه په څېر اجر ورکول کیږي.
6. د پرېښتو د ځینو اعمالو بیان او دا چې له هغوی څخه ځینې داسې دي چې الله تعالی پر همدې عمل ګمارلي دي.