ሓዲሥ: አንድ ሙስሊም ሰው ለወንድሙ ከሩቅ (በሌለበት) የሚያደርግለት ዱዓ ተቀባይነት አለው።

عَن أُمِّ الدَّرْدَاءِ وَ أَبِي الدَّرداءِ رَضيَ اللهُ عنهما أَنَّ النَّبِيَّ صَلَّى اللهُ عَلَيْهِ وَسَلَّمَ كَانَ يَقُولُ:
«دَعْوَةُ الْمَرْءِ الْمُسْلِمِ لِأَخِيهِ بِظَهْرِ الْغَيْبِ مُسْتَجَابَةٌ، عِنْدَ رَأْسِهِ مَلَكٌ مُوَكَّلٌ كُلَّمَا دَعَا لِأَخِيهِ بِخَيْرٍ، قَالَ الْمَلَكُ الْمُوَكَّلُ بِهِ: آمِينَ وَلَكَ بِمِثْلٍ».
[صحيح] - [رواه مسلم] - [صحيح مسلم: 2733]

ከኡሙ ደርዳ እና ከአቡ ደርዳእ - አላህ መልካም ሥራቸውን ይውደድላቸውና - እንደተላለፈው: ነቢዩ (የአላህ ሶላትና ሰላም በእርሳቸው ላይ ይስፈንና) እንዲህ ይሉ ነበር:
«አንድ ሙስሊም ሰው ለወንድሙ ከሩቅ (በሌለበት) የሚያደርግለት ዱዓ ተቀባይነት አለው። ከጭንቅላቱ በላይ የተወከለ መልአክ አለ። ለወንድሙ መልካም ነገርን ዱዓ ባደረገለት ቁጥር ለዚህ ጉዳይ የተወከለው መልአክም "አሚን ላንተም ተመሳሳዩ አለህ።" ይለዋል።»
[ሶሒሕ ነው።] - [ሙስሊም ዘግበውታል።] - [ሶሒሕ ሙስሊም - 2733]

ትንታኔ

ነቢዩ (የአላህ ሶላትና ሰላም በርሳቸው ላይ ይስፈንና) ሙስሊም የሆነ ሰው ለሙስሊም ወንድሙ ከሩቅ ‐ ዱዓ የሚደረግለት ሰው በሌለበት ‐ የሚያደርገው ዱዓ ተቀባይነት እንዳለው ተናገሩ። ይህም የኢኽላስ ጥግ የደረሰ ዱዓ ስለሆነ ነው። ዱዓ አድራጊው ጭንቅላት ዘንድም የተወከለ መልአክ እንዳለና ለወንድሙ መልካም ነገርን ዱዓ ባደረገ ቁጥር ለዚህ ጉዳይ የተወከለው መልአክ "አሚን ላንተም ዱዓ ያደረግከውን አምሳያ ይስጥህ።" እንደሚልም ተናገሩ።

ከሐዲሱ የምንጠቀማቸው ቁምነገሮች

1. አማኞች በዱዓ እንኳን ቢሆን እርስ በርሳቸው መልካም እንዲዋዋሉ መነሳሳቱን እንረዳለን።
2. ከሩቅ ዱዓ ማድረግ እውነተኛ ኢማንና ወንድማማችነት እንዳለ ፍንትው አድርጎ ያሳያል።
3. ዱዓ ማድረግን ከሩቅ በሚለው መገደቡ ጥግ ለደረሰ ኢኽላስና ተመስጦ ምቹ ስለሆነ ነው።
4. ዱዓ ተቀባይነት ከሚያገኝባቸው ምክንያቶች መካከል አንዱ አንድ ሙስሊም ለወንድሙ ከሩቅ ዱዓ ማድረጉ ነው።
5. ነወዊይ እንዲህ ብለዋል: "ከሩቅ በሌለበት ለሙስሊም ወንድም ዱዓ ማድረግ ያለውን ደረጃ እንረዳለን። ዱዓውን ያደረገው ለበርካታ የሙስሊም ጀመዓዎች ቢሆንም ይህን ደረጃ ያገኛል። ለሙስሊሞች ባጠቃላይም ቢያደርግም የሐዲሡ ግልፅ መልዕክት እንደሚያሳየው አሁንም ይህን ደረጃ ያገኛል። አንዳንድ ቀደምቶች ለራሳቸው ዱዓ ማድረግ በሚፈልጉበት ወቅት ዱዓቸው ተቀባይነት እንዲያገኝና የዱዓውን ተመሳሳዩን ስለሚያስገኝላቸው ያቺን ለራሳቸው የፈለጓትን ነገር ለሙስሊም ወንድማቸው ዱዓ ያደርጉ ነበር።"
6. አንዱ የመልአኮች ተግባር ተገልጿል። ከመልአኮች መካከል አላህ ለዚህ ሥራ የወከለው አለ።