فەرموودە: لە چاکەکاری نییە ڕۆژووگرتن لە سەفەردا

عَنْ جَابِرِ بْنِ عَبْدِ اللَّهِ رَضِيَ اللَّهُ عَنْهُما قَالَ:
كَانَ رَسُولُ اللَّهِ صَلَّى اللهُ عَلَيْهِ وَسَلَّمَ فِي سَفَرٍ، فَرَأَى زِحَامًا وَرَجُلًا قَدْ ظُلِّلَ عَلَيْهِ، فَقَالَ: «مَا هَذَا؟»، فَقَالُوا: صَائِمٌ، فَقَالَ: «لَيْسَ مِنَ البِرِّ الصَّوْمُ فِي السَّفَرِ»، وَفِي لَفْظٍ لِمُسلِمٍ: «عَلَيْكُمْ بِرُخْصَةِ اللهِ الَّذِي رَخَّصَ لَكُمْ».
[صحيح] - [متفق عليه] - [صحيح البخاري: 1946]

ئەم وەرگێڕاوە پێویستی بە پێداچوونەوە و وردبوونەوەی زیاتر هەیە.

لە جابری كوڕی عبد اللە وە -ڕەزای خوای لێبێت- دەڵێت:
پێغەمبەر -صلى اللە علیە وسلم- لە سەفەردا بوو، قەرەباڵەغیەکی بینی وخەڵکانێک سێبەریان دروست کردبوو بۆ پیاوێک، ئەویش فەرمووی: «ئەمە چییە؟»، ووتیان: ڕۆژووی گرتووە، فەرمووی: «لە چاکەکاری نییە ڕۆژووگرتن لە سەفەردا»، و لە گێڕانەوەى (مسلم)دا فەرمووی: «سوود لە ئەو ڕوخسەتانەى خودا وەربگرن کە پێتانى بەخشیووە».
[صەحیحە] - [بوخاری و موسلیم هاوڕان لەسەری] - [صحيح البخاري - 1946]

شیکردنەوە

پێغەمبەری خودا -صلى الله عليه وسلم- لە گەشتێکدا بوو، پیاوێکی بینی کە خەڵک لە دەوری کۆبوونەتەوە، و سێبەریان بۆ كردبوو بەهۆی گەرمی تیشكی خۆر و تینوێتی زۆرەوە، فەرمووی: چییەتی؟ ووتیان: بەڕۆژووە، فەرمووی: لە چاکەکاری نییە ڕۆژووگرتن لە سەفەردا، پابەند بن بە ڕوخسەتی خوداوە کە بۆ ئێوەی بڕیار داوە.

لە سوودەکانی فەرموودەکە

1. ڕوونكردنەوەی ئاسانكاری شەریعەتی ئیسلام.
2. ڕۆژووگرتن لە سەفەردا ؛ ڕێگەپێدراوە، وڕۆژوو نەگرتن لە سەفەردا بەهۆی ڕوخستەوە ؛ بەهەمان شێوە ڕێگەپێدراوە.
3. ڕۆژووگرتن لەکاتى سەفەردا ئەگەر ببێتە هۆی ناڕەحەتی زۆر ؛ مەکروهە، بەڵام ئەگەر بگاتە ئاستی تیاچوونی ئەوا لەم حاڵەتەدا حەرامە.
4. نەوەوی دەڵێت: (كاتێك دەفەرموێت: «لە چاکەکاری نییە ڕۆژووگرتن لە سەفەردا»)؛ ماناکەی ئەوەیە: ئەگەر قورس وناڕەحەت بوو لەسەرتان و ترسی زیانتان هەبوو، و ڕەوتی فەرموودەکەیش ئەم لێکدانەوەیە دەخوازێت.
5. گرنگیدانی پێغەمبەر -صلى اللە علیە وسلم- بە هاوەڵان وپرسیارکردنی سەبارەتیان.