فەرموودە: پێکەوە کۆ ببنەوە لەسەر خواردنەکەتان، وناوى خوداى لەسەر بهێنن؛ بۆئەوەى بەرەکەت بە ئێوە ببەخشرێت تێیدا

عَنْ وَحْشِيِّ بْنِ حَرْبٍ رَضيَ اللهُ عنه:
أَنَّهُمْ قَالُوا: يَا رَسُولَ اللَّهِ، إِنَّا نَأْكُلُ وَلَا نَشْبَعُ، قَالَ: «فَلَعَلَّكُمْ تَأْكُلُونَ مُتَفَرِّقِينَ؟» قَالُوا: نَعَمْ. قَالَ: «فَاجْتَمِعُوا عَلَى طَعَامِكُمْ، وَاذْكُرُوا اسْمَ اللَّهِ عَلَيْهِ، يُبَارَكْ لَكُمْ فِيهِ».
[حسن] - [رواه أبو داود وابن ماجه وأحمد] - [سنن ابن ماجه: 3764]

ئەم وەرگێڕاوە پێویستی بە پێداچوونەوە و وردبوونەوەی زیاتر هەیە.

لە وەحشی کوڕی حەربەوە -ڕەزای خوای لێبێت- دەڵێت:
(هەندێك لە هاوەڵان) ووتیان: ئەی پێغەمبەری خودا، ئێمە خواردن دەخۆین بەڵام تێر نابین؟ ئەویش فەرمووی: «لەوەیە ئێوە بە جیا خواردن بخۆن؟» ووتیان: بەڵێ، فەرمووی: «پێکەوە کۆ ببنەوە لەسەر خواردنەکەتان، وناوى خوداى لەسەر بهێنن؛ بۆئەوەى بەرەکەت بە ئێوە ببەخشرێت تێیدا».
[حەسەنە] - - [سنن ابن ماجه - 3764]

شیکردنەوە

هەندێك لە هاوەڵان پرسیاریان لە پێغەمبەر -صلى اللە علیە وسلم-، ووتیان: ئێمە خواردن دەخۆین بەڵام تێر نابین؟
پێغەمبەر -صلى اللە علیە وسلم- فەرمووی: لەوەیە لە كاتی خواردندا جیا ببنەوە؛ وهەركەسێكتان بە تەنها خواردن بخوات؟ ووتیان: بەڵێ. فەرمووی: هەمووتان پێکەوە کۆ ببنەوە وخواردن بخۆن ولە یەكتر جیا مەبنەوە، وناوى خودا بهێنن لەكاتی خواردندا ئەمیش بە ووتنی: (بسم الله)؛ بۆئەوەى بەرەکەت بە ئێوە ببەخشرێت تێیدا وتێریش ببن.

لە سوودەکانی فەرموودەکە

1. کۆبوونەوە بۆ خواردن وناوهێنانى الله (ووتنی: بسم الله) لەکاتى خواردندا هۆکارە بۆ دابەزینی بەرەکەت بۆ سەر خواردنەکە، ودەبێتە هۆی تێربوونی ئەوانەى دەیخۆن.
2. پەرتەوازەیی وناکۆکی هەمووی شەڕ وخراپە، ویەکڕیزی وکۆبوونەوە هەمووی خێر وچاکە.
3. هاندان بۆ کۆبوونەوە لەكاتی خواردن وناوهێنانى الله (ووتنی: بسم الله) لەکاتى دەستپێكردنی خواردندا.
4. سیندی دەڵێت: بەهۆی كۆبوونەوە بەرەكەت دادەبەزێتە نێو ڕزق وڕۆزی، وبەهۆی ناوهێنانی الله -سبحانه وتعالی- (ووتنی: بسم الله) شەیتان ناتوانێت لە خواردنەكە بخوات.