فەرموودە: هیچ کەسێکم نەبینووە لەوانەى کە قژیان هەتاوەکو نێو شانیان درێژە لە نێو جلێکی ڕەش وخەتی سوری تێدابێت جوانتر بێت لە پێغەمبەری خودا -صلى اللە علیە وسلم-

عَنِ الْبَرَاءِ رَضيَ اللهُ عنه قَالَ:
مَا رَأَيْتُ مِنْ ذِي لِمَّةٍ أَحْسَنَ فِي حُلَّةٍ حَمْرَاءَ مِنْ رَسُولِ اللهِ صَلَّى اللهُ عَلَيْهِ وَسَلَّمَ، شَعْرُهُ يَضْرِبُ مَنْكِبَيْهِ، بَعِيدَ مَا بَيْنَ الْمَنْكِبَيْنِ، لَيْسَ بِالطَّوِيلِ وَلَا بِالْقَصِيرِ.
[صحيح] - [متفق عليه] - [صحيح مسلم: 2337]

لە بەرائەوە -ڕەزای خوای لێبێت- دەڵێت:
«هیچ کەسێکم نەبینووە لەوانەى کە قژیان هەتاوەکو نێو شانیان درێژە لە نێو جلێکی ڕەش وخەتی سوری تێدابێت جوانتر بێت لە پێغەمبەری خودا -صلى اللە علیە وسلم-، قژی هەتا نێو شانەکانى درێژ بوو، ونێو شانەکانى پان بون (چوار شانە بووە)، (باڵای) نە كورت بوو ونە درێژ بوو بەڵکو مامناوەند بوو».
[صەحیحە] - [بوخاری و موسلیم هاوڕان لەسەری] - [صحيح مسلم - 2337]

شیکردنەوە

بەرائی کوڕی عازیب -ڕەزای خوای لێبێت- باسی ئەوەمان بۆ دەكات كە هیچ کەسێکی نەبینووە جوانتر بێت لە پێغەمبەری خودا -صلى اللە علیە وسلم- لەوانەى کە قژیان هەتاوەکو نێو شانیان درێژە وجلێکی ڕەشیان لەبەردایە تێكەڵ بە خەتی سوور، لە سیفەتە لاشەییەكانی پێغەمبەر -صلى اللە علیە وسلم-: نێو شانەکانى پان بووە (چوار شانە بووە)، باڵای مامناوەند بووە نە كورت بووە ونە درێژ.

لە سوودەکانی فەرموودەکە

1. ڕوونكردنەوەی هەندێك لە سیفەتە جوانەكانی پێغەمبەر -صلى اللە علیە وسلم- لە ڕووكەشدا وەكو جوانی قژ وسینگ فراوانی وجوانی باڵا وهتد.
2. ئاماژەیە بۆ خۆشەویستی هاوەڵە بەڕێزەكان -ڕەزای خوایان لێبێت- بۆ پێغەمبەر -صلى اللە علیە وسلم-، تەنانەت ئەوان سیفەتە دەرەکی وناخییەکان وڕەوشت وجوڵە وژیاندی هەموو دەگێڕنەوە بۆ خەڵكی دووای خۆیان.