فەرموودە: كاتێك پێغەمبەر -صلى اللە علیە وسلم- لەسەر مینبەر بوو؛ پیاوێك پرسیاری لێكرد: چی دەڵێیت سەبارەت بە شەونوێژکردن؟ فەرمووی: «دوو (ڕکات) دوو (ڕکات) ئەنجامدەدرێت

عَنْ عَبْدِ اللَّهِ بْنِ عُمَرَ رَضيَ اللهُ عنهما:
سَأَلَ رَجُلٌ النَّبِيَّ صَلَّى اللهُ عَلَيْهِ وَسَلَّمَ وَهُوَ عَلَى المِنْبَرِ، مَا تَرَى فِي صَلاَةِ اللَّيْلِ، قَالَ: «مَثْنَى مَثْنَى، فَإِذَا خَشِيَ الصُّبْحَ صَلَّى وَاحِدَةً، فَأَوْتَرَتْ لَهُ مَا صَلَّى» وَإِنَّهُ كَانَ يَقُولُ: «اجْعَلُوا آخِرَ صَلاَتِكُمْ وِتْرًا» فَإِنَّ النَّبِيَّ صَلَّى اللهُ عَلَيْهِ وَسَلَّمَ أَمَرَ بِهِ.
[صحيح] - [متفق عليه] - [صحيح البخاري: 472]

ئەم وەرگێڕاوە پێویستی بە پێداچوونەوە و وردبوونەوەی زیاتر هەیە.

لە ئیبن عومەرەوە -ڕەزای خوایان لێبێت- دەڵێت:
كاتێك پێغەمبەر -صلى اللە علیە وسلم- لەسەر مینبەر بوو؛ پیاوێك پرسیاری لێكرد: چی دەڵێیت سەبارەت بە شەونوێژکردن؟ فەرمووی: «دوو (ڕکات) دوو (ڕکات) ئەنجامدەدرێت، ئەگەر ترسا لەوەى بەیان بێت (بانگی بەیانی بدات)؛ یەک ڕکات ئەنجامدەدات، ئەمە (ئەم یەک ڕکاتە نوێژی) ویترە بۆ هەموو نوێژەکەى»، ئیبن عومەر -ڕەزاى خوایان لێبێت- دەیووت: «کۆتا نوێژتان لە شەودا با نوێژی ویتر بێت؛ چونکە پێغەمبەر -صلى اللە علیە وسلم- فەرمانی بە ئەمە کردووە».
[صەحیحە] - [بوخاری و موسلیم هاوڕان لەسەری] - [صحيح البخاري - 472]

شیکردنەوە

پیاوێک پرسیاری لە پێغەمبەر كرد -صلى الله عليه وسلم-؛ لە کاتێکدا ئەو لەسەر مینبەر وتاری دەدا، ووتی: ئەی پێغەمبەری خودا، فێرم بکە چۆن شەونوێژ ئەنجام بدەم؟ پێغەمبەر -صلى الله عليه وسلم- فەرمووی: نوێژ دەکەیت و سەلام دەدەیتەوە لە پاش هەموو دوو ڕکاتێک، ئەگەر ترسای لە هەڵهاتنی بەیان، ئەوا یەک ڕکات نوێژ ئەنجام بدە؛ کە بەهۆیەوە بە ژمارەی تاك کۆتایی دەهێنیت بە نوێژەكانت، و پێغەمبەر -صلى الله عليه وسلم- ئامۆژگاری دەکرد بەوەی کە کۆتا نوێژی شەو؛ نوێژی ویتر بێت.

لە سوودەکانی فەرموودەکە

1. بنچینە لە شەونوێژدا ئەوەیە لە پاش هەموو دوو ڕکاتێک سەلام بداتەوە، جگە لە نوێژی ویتر نەبێت.
2. ژمارەی ڕکاتەکانى شەونوێژ دیاریکراو نییە بە ژمارەیەک ؛ چونکە دەستەواژەکە ڕەهایە.
3. نەوەوی دەڵێت: كاتێك دەفەرموێت: (نوێژی شەو وڕۆژ دوو -ڕکات- دوو -ڕکات- ئەنجامدەدرێت)؛ ئەم فەرموودەیە وا لێكدەدرێتەوە بۆ ڕوونکردنەوەی باشترین شێوازە، کە ئەویش ئەوەیە لە پاش هەموو دوو ڕکاتێک سەلام بدرێتەوە، جا نوێژە سوننەتەکانی شەو بێت یان ڕۆژ؛ سوننەتە لە پاش هەموو دوو ڕکاتێک سەلام بدرێتەوە.
4. نەوەوی دەڵێت: فەرموودەكە بەڵگەیە لەسەر ئەوەی کە سوننەت وایە نوێژی ویتر بخرێتە کۆتا نوێژی شەو، و کاتی نوێژی ویتر نامێنێت وكۆتایی دێت بە دەرکەوتنی بەرەبەیان، و ئەمە بۆچوونی بەناوبانگە لە مەزهەبی ئێمەدا (مەزهەبی شافیعی)، و زۆرینەی زانایانیش هەمان قسەیان کردووە.