ហាទីស្ហ: មានបុរសម្នាក់បានសួរណាពី ﷺ ខណៈពេលដែលលោកនៅលើមិមពើរថា៖ តើលោកយល់យ៉ាងណាចំពោះសឡាតពេលយប់? លោកបានឆ្លើយថា៖ “ពីររ៉ក្អាត់ឲ្យសាឡាមម្តង ពីររ៉ក្អាត់ឲ្យសាឡាមម្តង។
عَنْ عَبْدِ اللَّهِ بْنِ عُمَرَ رَضيَ اللهُ عنهما:
سَأَلَ رَجُلٌ النَّبِيَّ صَلَّى اللهُ عَلَيْهِ وَسَلَّمَ وَهُوَ عَلَى المِنْبَرِ، مَا تَرَى فِي صَلاَةِ اللَّيْلِ، قَالَ: «مَثْنَى مَثْنَى، فَإِذَا خَشِيَ الصُّبْحَ صَلَّى وَاحِدَةً، فَأَوْتَرَتْ لَهُ مَا صَلَّى» وَإِنَّهُ كَانَ يَقُولُ: «اجْعَلُوا آخِرَ صَلاَتِكُمْ وِتْرًا» فَإِنَّ النَّبِيَّ صَلَّى اللهُ عَلَيْهِ وَسَلَّمَ أَمَرَ بِهِ.
[صحيح] - [متفق عليه] - [صحيح البخاري: 472]
المزيــد ...
អំពី អាប់ទុលឡោះ ពិន អ៊ូមើរ رضي الله عنهما
មានបុរសម្នាក់បានសួរណាពី ﷺ ខណៈពេលដែលលោកនៅលើមិមពើរថា៖ តើលោកយល់យ៉ាងណាចំពោះសឡាតពេលយប់? លោកបានឆ្លើយថា៖ “ពីររ៉ក្អាត់ឲ្យសាឡាមម្តង ពីររ៉ក្អាត់ឲ្យសាឡាមម្តង។ ប្រសិនបើគេខ្លាចពេលស៊ូពុសមកដល់ គឺគេត្រូវសឡាតមួយរ៉ក្អាតដែលជាការសឡាតវីតៀរសម្រាប់រូបគេនូវអ្វីដែលរូបគេបានសឡាត”។ ហើយលោកធ្លាប់បានមានប្រសាសន៍ថា៖ “ចូរពួកអ្នកចាត់ទុកសឡាតវីតៀរជាសឡាតចុងក្រោយរបស់ពួកអ្នក”។ ពិតណាស់ ណាពី ﷺ លោកបានបង្គាប់ប្រើដូចនេះ។
[صحيح] - [متفق عليه] - [صحيح البخاري - 472]
មានបុរសម្នាក់បានសួរណាពី ﷺ ខណៈពេលដែលលោកកំពុងថ្លែងសុន្ទរកថានៅលើមិមពើរថា៖ ឱរ៉ស៊ូលុលឡោះ! សូមលោកបង្រៀនខ្ញុំផង តើខ្ញុំត្រូវសឡាតពេលយប់យ៉ាងដូចម្តេច? ណាពី ﷺ បានឆ្លើយថា៖ គឺអ្នកត្រូវសឡាតពីររ៉ក្អាត់ឲ្យសាឡាមម្តង ពីររ៉ក្អាត់ឲ្យសាឡាមម្តង។ ប្រសិនបើអ្នកខ្លាចពេលស៊ូពុសមកដល់ ចូរអ្នកសឡាតមួយរ៉ក្អាត់ដែលជាការសឡាតវីតៀរសម្រាប់អ្នកនូវអ្វីដែលអ្នកបានសឡាត។ ហើយពិតណាស់ ណាពី ﷺ លោកធ្លាប់បានផ្តាំផ្ញើឲ្យចាត់ទុកសឡាតវីតៀរជាសឡាតចុងក្រោយនៃសឡាតពេលយប់។
មេរៀនដែលទាញបានពីហាទីស្ហ
- ជាការគោលការណ៍ នៅក្នុងការសឡាតពេលយប់ គឺត្រូវសឡាតពីររ៉ក្អាត់ឲ្យសាឡាមម្តង លើកលែងតែសឡាតវីតៀរ។
- សឡាតពេលយប់មិនមានកំណត់ចំនួនឡើយ ដោយសារតែវាស្ថិតនៅសឡាតស៊ូណិតទូទៅ។
- អាន់ណាវ៉ាវី បាននិយាយថា៖ សឡាតពេលយប់ និងពេលថ្ងៃ គឺពីររ៉ក្អាត់ឲ្យសាឡាមម្តង ពីររ៉ក្អាត់ឲ្យសាឡាមម្តង។ ហាទីស្ហនេះ គឺបញ្ជាក់ពីលក្ខណៈដែលល្អប្រសើរ ពោលគឺត្រូវឲ្យសាឡាមរៀងរាល់ពីររ៉ក្អាត់ម្តង។ ទោះជាសឡាតស៊ូណិតពេលយប់ ឬពេលថ្ងៃក៏ដោយ ស៊ូណិតគប្បីសឡាតពីររ៉ក្អាត់ឲ្យសាឡាមម្តង។
- អាន់ណាវ៉ាវី បាននិយាយថា៖ ហាទីស្ហនេះជាភស្តុតាងបញ្ជាក់ថា តាមស៊ុណ្ណះ គប្បីចាត់ទុកសឡាតវីតៀរជាសឡាតចុងក្រោយគេនៃសឡាតពេលយប់ ហើយពេលវេលារបស់វា គឺផុតនៅពេលដែលហ្វាជើររះ(អាហ្សានស៊ូពុស)។ នេះជាទស្សនៈដែលល្បីល្បាញនៅក្នុងនិកាយ(ម៉ាស្ហាប់)របស់យើង ហើយសាសនវិទូឥស្លាមភាគច្រើនក៏យល់ឃើញបែបនេះដែរ។
បញ្ជីទាំងអស់
បន្ថែមទៀត
- ហាទីស្ហ: តើលោកយល់យ៉ាងណា ប្រសិនបើខ្ញុំប្រតិបត្តិសឡាតដែលគេដាក់កាតព្វកិច្ច ខ្ញុំបួសខែរ៉ម៉ាហ្ទន ខ្ញុំប្រព្រឹត្តនូវអ្វីដែលគេអនុញ្ញាត ខ្ញុំចៀសវាងពីប្រការដែលគេហាមឃាត់
- ហាទីស្ហ: “នៅពេលដែលនរណាម្នាក់ក្នុងចំណោមពួកអ្នកចូលម៉ាស្ជិត ចូរឲ្យគេសឡាតពីររ៉ក្អាត់សិនមុននឹងអង្គុយចុះ”។
- ហាទីស្ហ: ខ្ញុំបានចងចាំពីណាពី ﷺ ចំនួនដប់រ៉ក្អាត់
- ហាទីស្ហ: “រាល់ចន្លោះរវាងការអាហ្សានទាំងពីរ គឺមានសឡាត។ រាល់ចន្លោះរវាងការអាហ្សានទាំងពីរ គឺមានសឡាត”។ បន្ទាប់មក លោកបានមានប្រសាសន៍នៅលើកទីបីថា៖ “សម្រាប់អ្នកដែលចង់”។
- ហាទីស្ហ: “ឱពីឡាល! សូមអ្នកប្រាប់ខ្ញុំពីទង្វើមួយដែលអ្នកបានសាងនៅក្នុងសាសនាអ៊ីស្លាមដែលអ្នកសង្ឃឹមបំផុតចំពោះវា