Hadith: “ឱពីឡាល! សូមអ្នកប្រាប់ខ្ញុំពីទង្វើមួយដែលអ្នកបានសាងនៅក្នុងសាសនាអ៊ីស្លាមដែលអ្នកសង្ឃឹមបំផុតចំពោះវា

عَنْ أَبِي هُرَيْرَةَ رَضِيَ اللَّهُ عَنْهُ أَنَّ النَّبِيَّ صَلَّى اللهُ عَلَيْهِ وَسَلَّمَ قَالَ لِبِلاَلٍ عِنْدَ صَلاَةِ الفَجْرِ:
«يَا بِلاَلُ، حَدِّثْنِي بِأَرْجَى عَمَلٍ عَمِلْتَهُ فِي الإِسْلاَمِ، فَإِنِّي سَمِعْتُ دَفَّ نَعْلَيْكَ بَيْنَ يَدَيَّ فِي الجَنَّةِ» قَالَ: مَا عَمِلْتُ عَمَلًا أَرْجَى عِنْدِي أَنِّي لَمْ أَتَطَهَّرْ طَهُورًا، فِي سَاعَةِ لَيْلٍ أَوْ نَهَارٍ، إِلَّا صَلَّيْتُ بِذَلِكَ الطُّهُورِ مَا كُتِبَ لِي أَنْ أُصَلِّيَ.
[صحيح] - [متفق عليه] - [صحيح البخاري: 1149]

អំពី អាពូហ៊ូរ៉យរ៉ោះ رضي الله عنه ពិតណាស់ ណាពី ﷺ លោកបានមានប្រសាសន៍ថាទៅកាន់ពីឡាលនៅពេលសឡាតស៊ូពុសថា៖
“ឱពីឡាល! សូមអ្នកប្រាប់ខ្ញុំពីទង្វើមួយដែលអ្នកបានសាងនៅក្នុងសាសនាអ៊ីស្លាមដែលអ្នកសង្ឃឹមបំផុតចំពោះវា ព្រោះខ្ញុំបានឮសំឡេងស្បែកជើងរបស់អ្នកនៅខាងមុខខ្ញុំក្នុងឋានសួគ៌”។ គាត់បានឆ្លើយថា៖ ខ្ញុំមិនបានសាងទង្វើណាមួយដែលជាទីសង្ឃឹមបំផុតសម្រាប់ខ្ញុំ ក្រៅពីរាល់ពេលដែលខ្ញុំយកវូហ្ទុ មិនថាពេលយប់ ឬពេលថ្ងៃ ខ្ញុំតែងសឡាតនឹងវូហ្ទុនោះនូវអ្វីដែលគេបានកត់ត្រាឲ្យខ្ញុំសឡាតនោះឡើយ។
[صحيح] - [متفق عليه] - [صحيح البخاري - 1149]

Explanation

ណាពី ﷺ លោកបានសុបិនឃើញពីឡាល ពិន រ៉ាហ្ពាស رضي الله عنه នៅក្នុងឋានសួគ៌។ ដូចនេះ លោកក៏បានមានប្រសាសន៍ទៅកាន់ពីឡាលថា៖ សូមអ្នកប្រាប់ខ្ញុំពីទង្វើស្ម័គ្រចិត្ត(អាម៉ាល់ស៊ូណិត)មួយដែលអ្នកបានសាងនៅក្នុងសាសនាអ៊ីស្លាមដែលអ្នកសង្ឃឹមបំផុតចំពោះវា ព្រោះខ្ញុំបានឮសំឡេងសម្រឹបស្បែកជើងរបស់អ្នកនៅខាងមុខខ្ញុំក្នុងឋានសួគ៌។ ពីឡាលបានឆ្លើយថា៖ ខ្ញុំមិនបានសាងទង្វើណាមួយដែលជាទីសង្ឃឹមបំផុតសម្រាប់ខ្ញុំ ក្រៅពីរាល់ពេលដែលខ្ញុំមានហាហ្ទាស(ដាច់វូហ្ទុ)ទោះជាពេលយប់ ឬពេលថ្ងៃក៏ដោយ គឺខ្ញុំតែងយកវូហ្ទុ ហើយខ្ញុំសឡាតស៊ូណិតចំពោះព្រះជាម្ចាស់របស់ខ្ញុំនឹងវូហ្ទុនោះនូវអ្វីដែលគេបានកត់ត្រាឲ្យខ្ញុំសឡាត។

Benefits from the Hadith

1. បញ្ជាក់ពីឧត្តមភាពនៃទង្វើដែលពីឡាល رضي الله عنه បានចង្អុលបង្ហាញ នោះគឺការសឡាតនៅរាល់ពេលយកវូហ្ទុ ហើយវាជាទង្វើកុសលមួយដែលគេសង្ឃឹមបំផុត និងជាមូលហេតុមួយដែលនាំឲ្យចូលឋានសួគ៌។
2. ជំរុញឲ្យប្រតិបត្តិសឡាតរាល់ពេលយកវូហ្ទុ។
3. បុគ្គលគំរូ ឬអ្នកអប់រំអាចសួរនាំពីទង្វើកូនសិស្សរបស់ខ្លួនដើម្បីជំរុញពួកគេឲ្យបន្តធ្វើទង្វើនោះជាប់ជាប្រចាំ ប្រសិនបើនោះជាទង្វើល្អ។ តែបើមិនមែនជាទង្វើល្អទេ គឺត្រូវហាមឃាត់។
4. ការធ្វើសាក្សីរបស់ណាពី ﷺ ចំពោះពីឡាល رضي الله عنه ដែលថា ពិតណាស់ រូបគាត់គឺស្ថិតក្នុងចំណោមអ្នកឋានសួគ៌។
5. ការសួរនេះ គឺនៅពេលសឡាតស៊ូពុស។ នេះបង្ហាញថា ទាំងនេះជាអ្វីដែលណាពី ﷺ លោកបានឃើញក្នុងសុបិនរបស់លោក ហើយការយល់សុបិនរបស់ណាពីទាំងឡាយ គឺជាការពិត។