হাদীছ: হে বিলাল! তুমি মোক কোৱাচোন, ইছলাম গ্ৰহণৰ পিছত তুমি সৰ্বাধিক সন্তুষ্টিমূলক কোনটো আমল কৰিছা?
عَنْ أَبِي هُرَيْرَةَ رَضِيَ اللَّهُ عَنْهُ أَنَّ النَّبِيَّ صَلَّى اللهُ عَلَيْهِ وَسَلَّمَ قَالَ لِبِلاَلٍ عِنْدَ صَلاَةِ الفَجْرِ:
«يَا بِلاَلُ، حَدِّثْنِي بِأَرْجَى عَمَلٍ عَمِلْتَهُ فِي الإِسْلاَمِ، فَإِنِّي سَمِعْتُ دَفَّ نَعْلَيْكَ بَيْنَ يَدَيَّ فِي الجَنَّةِ» قَالَ: مَا عَمِلْتُ عَمَلًا أَرْجَى عِنْدِي أَنِّي لَمْ أَتَطَهَّرْ طَهُورًا، فِي سَاعَةِ لَيْلٍ أَوْ نَهَارٍ، إِلَّا صَلَّيْتُ بِذَلِكَ الطُّهُورِ مَا كُتِبَ لِي أَنْ أُصَلِّيَ.
[صحيح] - [متفق عليه] - [صحيح البخاري: 1149]
المزيــد ...
আবু হুৰাইৰাহ ৰাদ্বিয়াল্লাহু আনহুৰ পৰা বৰ্ণিত যে, এবাৰ নবী চাল্লাল্লাহু আলাইহি অছাল্লামে ফজৰৰ সময়ত বিলালক ক'লে যে,
হে বিলাল! তুমি মোক কোৱাচোন, ইছলাম গ্ৰহণৰ পিছত তুমি সৰ্বাধিক সন্তুষ্টিমূলক কোনটো আমল কৰিছা? কাৰণ মই জান্নাতত মোৰ সন্মুখত তোমাৰ ভৰিৰ খোজৰ শব্দ শুনিছোঁ। তেওঁ ক'লেঃ মই ইয়াতকৈ সন্তুষ্টিমূলক বেলেগ আন কোনো কাম কৰা নাই, সেইটো হৈছে এই যে, মই দিনে ৰাতি যেতিয়াই পৱিত্ৰতা অৰ্জন (অজু) কৰিছোঁ, তেতিয়াই সেইটোৰ দ্বাৰা তাক্বদীৰত লিখিত অনুসৰি মহান আল্লাহৰ তাওফীক অনুযায়ী নামাজ আদায় কৰিছোঁ।
[ছহীহ] - [(মুত্তাফাক আলাইহ {বুখাৰী মুছলিম})] - [ছহীহ বুখাৰী - 1149]
নবী চাল্লাল্লাহু আলাইহি অছাল্লামে এবাৰ সপোনত দেখিলে যে, তেখেত জান্নাতত আছে। তেখেতে বিলালক মাতি ক'লেঃ হে বিলাল! তুমি ইছলাম গ্ৰহণৰ পিছত নফল ইবাদতৰ ভিতৰত আটাইতকৈ আশাব্যঞ্জক কোনটো আমল কৰিছা? কাৰণ মই জান্নাতত মোৰ সন্মুখত তোমাৰ জোতাৰ মৃদু শব্দ শুনিছোঁ। বিলাল ৰাদ্বিয়াল্লাহু আনহুৱে ক'লেঃ মই এনেকুৱা কোনো কাম কৰিছোঁ বুলি মোৰ ধাৰণা নহয়, কিন্তু দিনে ৰাতি মই যেতিয়াই মোৰ অজু ভংগ হৈছে, লগে লগে মই অজু কৰি মহান আল্লাহে প্ৰদান কৰা তাওফীক অনুযায়ী নফল নামাজ আদায় কৰিছোঁ।
হাদীছৰ পৰা সংগৃহীত উপকাৰিতাসমূহ
- বিলাল ৰাদ্বিয়াল্লাহু আনহুৱে যিটো আমলৰ কথা উল্লেখ কৰিছে, হাদীছটোৰ দ্বাৰা সেই আমলৰ ফজীলত বৰ্ণিত হৈছে। সেয়া হৈছে তেওঁ যেতিয়াই অজু কৰিছে তেতিয়াই নফল নামাজ পঢ়িছে। এইটো হৈছে অত্যন্ত আশাব্যঞ্জক এটা আমল আৰু জান্নাতত প্ৰৱেশৰ এটা অন্যতম গুৰুত্বপূৰ্ণ মাধ্যম।
- প্ৰত্যেক অজুৰ পিছত নামাজ পঢ়া মুস্তাহাব।
- আদৰ্শৱান ব্যক্তি অথবা মুৰব্বী তথা অভিভাৱকে নিজৰ শিষ্যক আমল সম্পৰ্কে সুধিব লাগে। যদি তাৰ সেই আমলটো উত্তম হয় তেন্তে তাক সেইটোৰ প্ৰতি অধিক উৎসাহিত কৰিব লাগে। অন্যথা নিষেধ কৰিব লাগে।
- স্বয়ং নবী চাল্লাল্লাহু আলাইহি অছাল্লামে সাক্ষ্য প্ৰদান কৰিছে যে, বিলাল ৰাদ্বিয়াল্লাহু আনহু হৈছে জান্নাতৰ অধিবাসী।
- তেখেতে এই প্ৰশ্নটো ফজৰৰ সময়ত সুধিছিল, ইয়াৰ দ্বাৰা বুজা যায় যে, তেখেতে এইটো সপোনত দেখিছিল। জানি থোৱা উচিত যে, নবীসকলৰ সপোন হৈছে সত্য।
শ্ৰেণীবিন্যাসসমূহ
অধিক
- হাদীছ: যিয়ে এই সাক্ষ্য দিয়ে যে, আল্লাহৰ বাহিৰে আন কোনো সত্য ইলাহ নাই, তেওঁ একক অদ্বিতীয়, তেওঁৰ কোনো অংশীদাৰ নাই, আৰু মুহাম্মদ (চাল্লাল্লাহু আলাইহি অছাল্লাম) তেওঁৰ বান্দা আৰু তেওঁৰ ৰাছুল। আৰু ঈছা (আলাইহিচ্ছালাম) আল্লাহৰ বান্দা আৰু তেওঁৰ ৰাছুল, আৰু তেওঁৰ কলিমা যিটো তেওঁ মাৰয়ামৰ প্ৰতি অৰ্পন কৰিছিল আৰু তেওঁৰ তৰফৰ পৰা এটা ৰূহ। জান্নাত সত্য আৰু জাহান্নাম সত্য, সেই ব্যক্তিক আল্লাহ তাআলাই জান্নাতত প্ৰৱেশ কৰাব তাৰ আমল যেনেকুৱাই নহওক কিয়।
- হাদীছ: “ঋণ পৰিশোধ কৰিবলৈ অক্ষম ব্যক্তিক (তাৰ সচ্ছলতা ঘূৰি নহালৈকে) যিয়ে অৱকাশ দিব অথবা তাক ক্ষমা কৰি দিব, আল্লাহে সেই ব্যক্তিক কিয়ামতৰ দিনা আৰশ্বৰ ছায়া তলত স্থান দিব, যিদিনা সেই ছায়াৰ বাহিৰে আন কোনো ছায়া নাথাকিব।”
- হাদীছ: এদিনাখন আমি ৰাছুলুল্লাহ চাল্লাল্লাহু ‘আলাইহি অছাল্লামৰ ওচৰত বহি আছিলোঁ, ঠিক সেই সময়তে হঠাৎ এজন ব্যক্তি আমাৰ সন্মুখত আহি উপস্থিত হয়, যাৰ কাপোৰ আছিল অতিকৈ বগা, চুলি আছিল ভীষণ ক’লা; তাৰ ওপৰত ভ্ৰমণৰ কোনো লক্ষণ পৰিলক্ষিত হোৱা নাছিল। আমাৰ মাজৰ কোনেও তেওঁক চিনিও পোৱা নাছিল।
- হাদীছ: হে মোৰ বান্দাসকল! মই মোৰ ওপৰত অন্যায়-অত্যাচাৰক হাৰাম কৰি লৈছোঁ, আৰু তোমালোকৰ মাজতো ইয়াক হাৰাম কৰিছোঁ। গতিকে তোমালোকেও ইজনে সিজনক অন্যায় নকৰিবা। হে মোৰ বান্দাসকল! তোমালোক আটায়েই পথভ্রষ্ট; কিন্তু সেই ব্যক্তিৰ বাহিৰে যাক মই সঠিক পথ দেখুৱাইছোঁ (অৰ্থাৎ হিদায়ত প্ৰদান কৰিছোঁ)। গতিকে তোমালোকে মোৰ ওচৰত হিদায়ত কামনা কৰা, ময়ে তোমালোকক সঠিক পথ দেখুৱাম।
- হাদীছ: নিশ্চয় শীঘ্ৰেই তোমালোকে তোমালোকৰ প্ৰতিপালকক দেখিবলৈ পাবা, যিদৰে তোমালোকে এই চন্দ্ৰটোক দেখি আছা, তেওঁক দেখিবলৈ তোমালোকৰ কোনো ভীৰ কৰিবলগীয়া নহ’ব।
- হাদীছ: নিশ্চয় আল্লাহ তা‘আলাই অত্যাচাৰীক অৱকাশ দিয়ে। কিন্তু যেতিয়া তেওঁ কৰায়ত্ব কৰে তেতিয়া কোনো পধ্যেই এৰি নিদিয়ে।
- হাদীছ: কিয়ামতৰ দিনা আল্লাহে মোৰ উম্মতৰ এজন ব্যক্তিক গোটেই সৃষ্টিজগতৰ সন্মুখত পৃথককৈ উপস্থিত কৰিব