Hadith: “អ្នកដែលមិនចេះដឹងគុណមនុស្ស គេក៏មិនដឹងគុណអល់ឡោះដែរ”។

عَنْ أَبِي هُرَيْرَةَ رَضِيَ اللَّهُ عَنْهُ عَنِ النَّبِيِّ صَلَّى اللهُ عَلَيْهِ وَسَلَّمَ قَالَ:
«لَا يَشْكُرُ اللَّهَ مَنْ لَا يَشْكُرُ النَّاسَ»
[صحيح] - [رواه أبو داود والترمذي وأحمد] - [سنن أبي داود: 4811]

អំពី អាពូហ៊ូរ៉យរ៉ោះ رضي الله عنه អំពីណាពី ﷺ លោកបានមានប្រសាសន៍ថា៖
“អ្នកដែលមិនចេះដឹងគុណមនុស្ស គេក៏មិនដឹងគុណអល់ឡោះដែរ”។
[صحيح] - [رواه أبو داود والترمذي وأحمد] - [سنن أبي داود - 4811]

Explanation

ណាពី ﷺ លោកបានប្រាប់ថា ជាទូទៅ អ្នកដែលមិនចេះដឹងគុណមនុស្សចំពោះអំពើល្អដែលគេធ្វើមកលើខ្លួន ជននោះក៏មិនចេះដឹងគុណអល់ឡោះជាម្ចាស់ដែរ។ នោះក៏ព្រោះតែរឿងនេះមានទំនាក់ទំនងនឹងគ្នាទៅវិញទៅមក ដោយអ្នកដែលធម្មជាតិ និងទម្លាប់របស់ជននោះ គឺតែងរមិលគុណចំពោះអំពើល្អរបស់អ្នកដទៃ និងមិនចេះដឹងគុណគេ ជាធម្មជាតិរបស់ជននោះ ក៏រមិលគុណចំពោះឧបការគុណរបស់អល់ឡោះ និងមានការព្រងើយកន្តើយក្នុងការដឹងគុណអល់ឡោះចំពោះឧបការគុណនោះដូចគ្នា។

Benefits from the Hadith

1. សារៈសំខាន់នៃការដឹងគុណមនុស្សចំពោះអំពើល្អដែលគេបានធ្វើមកលើខ្លួន។
2. អ្នកដែលប្រទាននូវឧបការគុណពិតប្រាកដ គឺអល់ឡោះជាម្ចាស់។ ខណៈដែលមនុស្សលោកគ្រាន់តែជាមូលហេតុដែលអល់ឡោះចង្អុលទិសទៅកាន់អ្នកណាដែលទ្រង់ប្រាថ្នាប៉ុណ្ណោះ។ ហេតុនេះ ការដឹងគុណមនុស្ស ក៏ជាផ្នែកមួយនៃការដឹងគុណអល់ឡោះផងដែរ។
3. ការដឹងគុណមនុស្សចំពោះអំពើល្អដែលគេបានធ្វើមកលើខ្លួនជាភស្តុតាងបង្ហាញពីភាពពេញលេញនៃសីលធម៌របស់ជននោះ។