Hadith: “តើខ្ញុំមិនបានប្រាប់ពួកអ្នកពីមនុស្សដែលល្អបំផុត និងមនុស្សដែលអាក្រក់បំផុតក្នុងចំណោមអ្នកទេឬ”?

عَنْ أَبِي هُرَيْرَةَ رَضِيَ اللَّهُ عَنْهُ أَنَّ رَسُولَ اللهِ صَلَّى اللَّهُ عَلَيْهِ وَسَلَّمَ وَقَفَ عَلَى نَاسٍ جُلُوسٍ، فَقَالَ:
«أَلاَ أُخْبِرُكُمْ بِخَيْرِكُمْ مِنْ شَرِّكُمْ؟» قَالَ: فَسَكَتُوا، فَقَالَ ذَلِكَ ثَلاَثَ مَرَّاتٍ، فَقَالَ رَجُلٌ: بَلَى يَا رَسُولَ اللهِ، أَخْبِرْنَا بِخَيْرِنَا مِنْ شَرِّنَا، قَالَ: «خَيْرُكُمْ مَنْ يُرْجَى خَيْرُهُ وَيُؤْمَنُ شَرُّهُ، وَشَرُّكُمْ مَنْ لاَ يُرْجَى خَيْرُهُ وَلاَ يُؤْمَنُ شَرُّهُ».
[صحيح] - [رواه الترمذي] - [سنن الترمذي: 2263]

អំពី អាពូហ៊ូរ៉យរ៉ោះ رضي الله عنه ពិតណាស់ រ៉ស៊ូលុលឡោះ ﷺ លោកបានក្រោកឈរក្នុងចំណោមមនុស្សមួយក្រុមដែលកំពុងអង្គុយ ហើយលោកបានមានប្រសាសន៍ថា៖
“តើខ្ញុំមិនបានប្រាប់ពួកអ្នកពីមនុស្សដែលល្អបំផុត និងមនុស្សដែលអាក្រក់បំផុតក្នុងចំណោមអ្នកទេឬ”? គាត់បាននិយាយថា៖ ពួកគេបាននៅស្ងៀម។ លោកបានសួរបែបនេះដដែលៗចំនួនបីដង។ ពេលនោះ មានបុរសម្នាក់បាននិយាយថា៖ ពិតមែនហើយ ឱរ៉ស៊ូលុលឡោះ! សូមលោកប្រាប់ពួកយើងអំពីមនុស្សដែលល្អបំផុតនៃពួកយើង និងមនុស្សដែលអាក្រក់បំផុតនៃពួកយើងផង។ លោកបានឆ្លើយថា៖ “មនុស្សដែលល្អបំផុតក្នុងចំណោមពួកអ្នក គឺអ្នកដែលគេរំពឹងថានឹងទទួលបានសេចក្ដីល្អរបស់ជននោះ ហើយគេមានសុវត្ថិភាពពីប្រការអាក្រក់របស់ជននោះ។ រីឯមនុស្សដែលអាក្រក់បំផុតក្នុងចំណោមអ្នកវិញ គឺអ្នកដែលគេមិនរំពឹងថានឹងទទួលបានសេចក្ដីល្អរបស់ជននោះ ហើយក៏មិនមានសុវត្ថិភាពពីប្រការអាក្រក់របស់ជននោះដែរ”។
[صحيح] - [رواه الترمذي] - [سنن الترمذي - 2263]

Explanation

ណាពី ﷺ បានក្រោកឈរនៅចំពោះមុខមនុស្សមួយក្រុមក្នុងចំណោមសហាហ្ពាត់របស់លោកដែលកំពុងអង្គុយ ហើយលោកបានសួរពួកគេថា៖ តើខ្ញុំមិនបានប្រាប់ពួកអ្នក និងមិនបានរំលឹកដល់ពួកអ្នកអំពីមនុស្សដែលល្អបំផុត និងមនុស្សដែលអាក្រក់បំផុតនៃពួកអ្នកទេឬ? ពេលនោះ ពួកគេមិនបាននិយាយ ហើយក៏មិនបានឆ្លើយតបអ្វីទាំងអស់ ព្រោះខ្លាចក្រែងត្រូវបានគេកំណត់ថាជាមនុស្សដែលល្អជាងគេ ឬមនុស្សដែលអាក្រក់ជាងគេ ហើយពួកគេក៏ខ្លាចត្រូវបានគេបកអាក្រាតផងដែរ។ ដូច្នេះ ពួកគេក៏នៅស្ងៀម។ ណាពី ﷺ បានសួរសំណួរនេះទៅកាន់ពួកគេម្ដងហើយម្ដងទៀតចំនួនបីដង។ បន្ទាប់មក មានបុរសម្នាក់ក្នុងចំណោមពួកគេបានឆ្លើយថា៖ ពិតមែនហើយ ឱរ៉ស៊ូលុលឡោះ! សូមប្រាប់ពួកយើងអំពីមនុស្សដែលល្អជាងគេបំផុត និងមនុស្សដែលអាក្រក់ជាងគេបំផុតក្នុងចំណោមពួកយើងផង។ ពេលនោះ ណាពី ﷺ ក៏បានបញ្ជាក់ដល់ពួកគេថា៖ មនុស្សដែលល្អជាងគេបំផុតក្នុងចំណោមពួកអ្នក គឺអ្នកដែលត្រូវបានគេសង្ឃឹម និងរំពឹងទុកនូវសេចក្ដីល្អ ប្រការល្អ និងភាពស្មោះត្រង់របស់ជននោះ ហើយគេក៏មានសុវត្ថិភាពពីប្រការអាក្រក់របស់ជននោះផងដែរដោយគេមិនខ្លាចទទួលការរំលោភបំពាន និងការប្រព្រឹត្តអាក្រក់របស់ជននោះឡើយ។ ចំណែកឯមនុស្សដែលអាក្រក់ជាងគេបំផុតក្នុងចំណោមពួកអ្នកវិញ គឺអ្នកដែលគេមិនសង្ឃឹម និងមិនរំពឹងថានឹងទទួលបានសេចក្ដីល្អ ការធ្វើល្អ និងភាពស្មោះត្រង់របស់ជននោះ ហើយគេក៏មិនមានសុវត្ថិភាពពីប្រការអាក្រក់របស់ជននោះដែរ។ ផ្ទុយទៅវិញ គេបារម្ភខ្លាចទទួលនូវការរំលោភបំពាន និងការប្រព្រឹត្តអាក្រក់របស់ជននោះថែមទៀត។

Benefits from the Hadith

1. បញ្ជាក់ពីលក្ខណៈមនុស្សដែលល្អបំផុត និងមនុស្សដែលអាក្រក់បំផុត។
2. ផលប្រយោជន៍ និងគ្រោះថ្នាក់ដែលប៉ះពាល់ដល់អ្នកដទៃ គឺធំជាងអ្វីដែលកំណត់ចំពោះខ្លួនឯងទៅទៀត។
3. ជំរុញឲ្យប្រកាន់ខ្ជាប់នូវសីលធម៌ល្អ និងត្រូវមានទំនាក់ទំនងរវាងមនុស្សដោយល្អប្រសើរ ហើយព្រមានអំពីការរំលោភបំពាន អំពើអាក្រក់ និងការបង្កភាពជាសត្រូវ។