হাদীছ: তলৰ হাততকৈ ওপৰৰ হাত উত্তম।
عَنْ عَبْدِ اللَّهِ بْنِ عُمَرَ رَضِيَ اللَّهُ عَنْهُمَا:
أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ قَالَ وَهُوَ عَلَى المِنْبَرِ، وَذَكَرَ الصَّدَقَةَ، وَالتَّعَفُّفَ، وَالمَسْأَلَةَ: «اليَدُ العُلْيَا خَيْرٌ مِنَ اليَدِ السُّفْلَى، فَاليَدُ العُلْيَا: هِيَ المُنْفِقَةُ، وَالسُّفْلَى: هِيَ السَّائِلَةُ».
[صحيح] - [متفق عليه] - [صحيح البخاري: 1429]
المزيــد ...
আব্দুল্লাহ ইবনে ওমৰ -ৰাদ্বিয়াল্লাহু আনহুমাৰ পৰা বৰ্ণিত যে,
ৰাছুলুল্লাহ চাল্লাল্লাহু আলাইহি অছাল্লামে এবাৰ মিম্বৰৰ ওপৰত থিয় হৈ চাদাক্বাহ সম্পৰ্কে বৰ্ণনা কৰিলে, লগতে ভিক্ষাবৃত্তিৰ পৰা বিৰত থকা আৰু খুজি মাগি খোৱা সম্পৰ্কে উল্লেখ কৰি ক'লেঃ "তলৰ হাততকৈ ওপৰৰ হাত উত্তম। ওপৰৰ হাত হৈছে দাতাৰ আৰু তলৰ হাত হৈছে ভিখাৰীৰ।"
[ছহীহ] - [(মুত্তাফাক আলাইহ {বুখাৰী মুছলিম})] - [ছহীহ বুখাৰী - 1429]
নবী চাল্লাল্লাহু আলাইহি অছাল্লামে মিম্বৰৰ ওপৰত থিয় হৈ চাদাক্বাহ আৰু খুজি মাগি খোৱাৰ পৰা বিৰত থকা সম্পৰ্কে খুতবা প্ৰদান কৰি ক'লেঃ ওপৰৰ দানকাৰী আৰু ব্যয়কাৰী হাতখন আল্লাহৰ ওচৰত তলৰ ভিখাৰী হাততকৈ উত্তম তথা প্ৰিয়।
হাদীছৰ পৰা সংগৃহীত উপকাৰিতাসমূহ
- এই হাদীছটোত সৎপথত দান কৰাৰ তথা ব্যয় কৰাৰ ফজীলত বৰ্ণিত হৈছে আৰু ভিক্ষাবৃত্তিক নিন্দা কৰা হৈছে।
- হাদীছটোত খুজি মাগি খোৱাৰ পৰা বিৰত থাকিবলৈ আৰু মানুহৰ পৰা অমুখাপেক্ষী হ'বলৈ উৎসাহিত কৰা হৈছে। লগতে সৎকৰ্ম কৰিবলৈ আৰু বেয়া কৰ্ম পৰিত্যাগ কৰিবলৈ উৎসাহিত কৰা হৈছে। কাৰণ মহান আল্লাহে সৎকৰ্মক পছন্দ কৰে।
- পুণ্যৰ দিশৰ পৰা হাত হৈছে চাৰি প্ৰকাৰঃ আটাইতকৈ উত্তম হাত হৈছে, যি হাতে দান কৰে। দ্বিতীয়টো হৈছে সেই হাত, যিটো লোৱাৰ পৰা বিৰত থাকে। তৃতীয় হৈছে সেই হাত, যিটো নোখোজাকৈ গ্ৰহণ কৰে। চতুৰ্থ হৈছে সেই হাত, যিটো সদায় মানুহৰ আগত পাতি থাকে ভিক্ষাবৃত্তিৰ উদ্দেশ্যে।
শ্ৰেণীবিন্যাসসমূহ
অধিক
- হাদীছ: চাদাক্বাই কেতিয়াও সম্পদ হ্ৰাস নকৰে আৰু ক্ষমা কৰাৰ বিনিময়ত আল্লাহে (ক্ষমাকাৰীৰ) সন্মান বৃদ্ধি কৰে, আৰু যিয়ে আল্লাহৰ (সন্তুষ্টি অৰ্জনৰ) বাবে বিনয়ী হ’ব, আল্লাহে তাক উচ্চ মর্যাদাত উন্নীত কৰিব।
- হাদীছ: মহান আল্লাহে কৈছে, হে আদম সন্তান! তুমি ব্যয় কৰা, তোমাৰ ওপৰতো ব্যয় কৰা হ’ব।
- হাদীছ: যেতিয়া কোনো ব্যক্তিয়ে তাৰ পৰিয়ালৰ ওপৰত ছোৱাবৰ উদ্দেশ্যে কিবা ব্যয় কৰে, তেতিয়া সেইটো চাদাক্বাহ হিচাপে গণ্য হয়।
- হাদীছ: আমল হৈছে ছয় প্ৰকাৰৰ আৰু মানুহ হৈছে চাৰি প্ৰকাৰৰ: দুটা খুবেই গুৰুত্বপূৰ্ণ, আৰু দুটা হৈছে কৰ্ম অনুপাতে প্ৰতিদান, কোনো নেক আমলৰ প্ৰতিদান দহগুণ পৰ্যন্ত বৃদ্ধি কৰি দিয়া হয় আৰু কোনোবাটোৰ সাতশগুণ পৰ্যন্ত বৃদ্ধি কৰা হয়।
- হাদীছ: তোমালোকৰ মাজৰ প্ৰত্যেকেই আল্লাহৰ লগত এনেকৈ কথা ক'ব যে, তাৰ আৰু আল্লাহৰ মাজত কোনো অনুবাদকাৰী নাথাকিব।
- হাদীছ: হে আল্লাহৰ ৰাছুল! ছাআদৰ মাক মৃত্যুবৰণ কৰিছে, গতিকে তেওঁৰ হকে কোনটো চাদাক্বাহ উত্তম হ'ব? তেখেতে ক'লেঃ "পানী"। ইয়াৰ পিছত তেওঁ এটা কুঁৱা খান্দি ক'লে যে, এইটো উম্মু ছাআদৰ বাবে অকফ কৰিলোঁ।
- হাদীছ: বান্দাসকলে প্ৰভাতত উপনীত হোৱা প্ৰতিটো দিনতে পুৱাৰ ভাগত দুজন ফিৰিস্তা অৱতীৰ্ণ হয়। তাৰে এজনে কয়ঃ হে আল্লাহ! দানকাৰীক ইয়াৰ উত্তম প্ৰতিদান দিয়া, দ্বিতীয়জনে কয়ঃ হে আল্লাহ! কৃপণৰ সম্পদ ধ্বংস কৰি দিয়া।