فەرموودە: ئایا هەواڵتان پێ نەدەم سەبارەت بە شتێک کە پلەی لە ڕۆژوو و نوێژ و خێر كردن بەرزترە؟

عَنْ أَبِي الدَّرْدَاءِ رَضِيَ اللَّهُ عَنْهُ قَالَ: قَالَ رَسُولُ اللهِ صَلَّى اللَّهُ عَلَيْهِ وَسَلَّمَ:
«أَلاَ أُخْبِرُكُمْ بِأَفْضَلَ مِنْ دَرَجَةِ الصِّيَامِ وَالصَّلاَةِ وَالصَّدَقَةِ؟» قَالُوا: بَلَى، قَالَ: «صَلاَحُ ذَاتِ البَيْنِ، فَإِنَّ فَسَادَ ذَاتِ البَيْنِ هِيَ الحَالِقَةُ».
[صحيح] - [رواه أبو داود والترمذي] - [سنن الترمذي: 2509]

ئەم وەرگێڕاوە پێویستی بە پێداچوونەوە و وردبوونەوەی زیاتر هەیە.

له ئەبی دەردائەوە -ڕەزاى خواى لێبێت- کە پێغەمبەری خودا -صلى اللە علیە وسلم- دەفەرموێت:
««ئایا هەواڵتان پێ نەدەم سەبارەت بە شتێک کە پلەی لە ڕۆژوو و نوێژ و خێر كردن بەرزترە؟» ووتیان: بەڵێ (پێمان بڵێ)، فەرمووی: «ئاشتکردنەوەی خەڵکییە، چونکە تێکدانی پەیوەندی نێوان خەڵكی تاشەرە (ئاینداری دەتاشێت و لەناوی دەبات)».
[صەحیحە] - - [سنن الترمذي - 2509]

شیکردنەوە

پێغەمبەر -صلى الله عليه وسلم- پرسیاری لە هاوەڵانی کرد: ئایا هەواڵتان پێبدەم سەبارەت بە كردەوەیەك كە پاداشتی باشترە لە نوێژ و ڕۆژوو و خێری سوننەت؟ ووتیان: بەڵێ. فەرمووی: بەدیهێنانی ئاشتەوایی لە نێوان دوو کەسی ناکۆک، چونکە ناکۆکی دەبێتە هۆی پەرتەوازەیی و نامۆیی و ڕق و کینە و پشتکردن لە یەکتر لە نێوان خەڵکیدا، چونکە سەرەنجامی تێکچوونی پەیوەندی نێوان خەڵکی بەهۆی ڕق و کینەوە، ئەمیش ئەو خەسڵەتەیە کە دەبێتە هۆی لەناوچوون و بنبڕکردنی ئاین و دنیا؛ هەروەكو چۆن مووس هەموو موویەك بنبڕ دەکات.

لە سوودەکانی فەرموودەکە

1. ئاماژەیە بۆ ڕێبازی پێغەمبەر -صلى الله عليه وسلم- بە پرسیارکردن لە هاوەڵان و و سەرنجڕاكێشانیان بۆ زانینی وەڵام.
2. تەیبی دەڵێت: هاندان و هومێدەوار كردن بۆ چاککردنی پەیوەندی نێوان خەڵکی و دوورکەوتنەوە لە تێکدانی؛ چونکە چاکسازی هۆکارێکە بۆ دەستگرتن بە پەتەکەی خوداوە (بە قورئان) و نەهێشتنی پەرتەوازەیی لە نێوان موسڵمانان، و تێکچوونی پەیوەندی نێوان خەڵکی کەلێنێکە لە ئایندا، بۆیە هەر کەسێک هەوڵی چاککردنی بدات و خراپییەکەی لاببات، ئەوا پلەیەک بەدەست دەهێنێت کە بەرزترە کە لە پلەی ڕۆژووگر و نوێژخوێن؛ چونكە ئەم دووانەی كۆتا سەرقاڵی کاروباری تایبەتی خۆیانن.