ჰადისი: ეშმაკი მიითვისებს საკვებს, როდესაც მასზე ალლაჰის სახელი არ არის მოხსენიებული

عَنْ حُذَيْفَةَ رَضيَ اللهُ عنه قَالَ:
كُنَّا إِذَا حَضَرْنَا مَعَ النَّبِيِّ صَلَّى اللهُ عَلَيْهِ وَسَلَّمَ طَعَامًا لَمْ نَضَعْ أَيْدِيَنَا حَتَّى يَبْدَأَ رَسُولُ اللهِ صَلَّى اللهُ عَلَيْهِ وَسَلَّمَ فَيَضَعَ يَدَهُ، وَإِنَّا حَضَرْنَا مَعَهُ مَرَّةً طَعَامًا، فَجَاءَتْ جَارِيَةٌ كَأَنَّهَا تُدْفَعُ، فَذَهَبَتْ لِتَضَعَ يَدَهَا فِي الطَّعَامِ، فَأَخَذَ رَسُولُ اللهِ صَلَّى اللهُ عَلَيْهِ وَسَلَّمَ بِيَدِهَا، ثُمَّ جَاءَ أَعْرَابِيٌّ كَأَنَّمَا يُدْفَعُ فَأَخَذَ بِيَدِهِ، فَقَالَ رَسُولُ اللهِ صَلَّى اللهُ عَلَيْهِ وَسَلَّمَ: «إِنَّ الشَّيْطَانَ يَسْتَحِلُّ الطَّعَامَ أَنْ لَا يُذْكَرَ اسْمُ اللهِ عَلَيْهِ، وَإِنَّهُ جَاءَ بِهَذِهِ الْجَارِيَةِ لِيَسْتَحِلَّ بِهَا فَأَخَذْتُ بِيَدِهَا، فَجَاءَ بِهَذَا الْأَعْرَابِيِّ لِيَسْتَحِلَّ بِهِ فَأَخَذْتُ بِيَدِهِ، وَالَّذِي نَفْسِي بِيَدِهِ، إِنَّ يَدَهُ فِي يَدِي مَعَ يَدِهَا».
[صحيح] - [رواه مسلم] - [صحيح مسلم: 2017]

გადმოცემულია ჰუზაიფასგან (ალლაჰი იყოს მისით კმაყოფილი):
«ჩვენ, როდესაც ვესწრებოდით საჭმელს ალლაჰის მოციქულთან (ალლაჰის ლოცვა და მშვიდობა მას) არ ვდებდით ჩვენს ხელს საჭმელზე, სანამ შუამავალი (ალლაჰის ლოცვა და მშვიდობა მას) არ დაიწყებდა და არ დადებდა ხელს. ერთხელ ჩვენ ვიყავით მასთან ერთად საჭმლის დროს, და მოვიდა ერთი გოგონა, თითქოს ვიღაც უბიძგებდა მას, და მან სცადა ხელი მოეკიდა საჭმლისთვის. მაშინ ალლაჰის შუამავალმა (ალლაჰის ლოცვა და მშვიდობა მას) დაიჭირა მისი ხელი, შემდეგ მოვიდა ერთი ბედუინი, თითქოს მასაც უბიძგებდნენ, და ალლაჰის შუამავალმა (ალლაჰის ლოცვა და მშვიდობა მას) დაიჭირა მისი ხელიც, მაშინ ალლაჰის შუამავალმა (ალლაჰის ლოცვა და მშვიდობა მას) თქვა: «ეშმაკი მიითვისებს საკვებს, როდესაც მასზე ალლაჰის სახელი არ არის მოხსენიებული, სწორედ ამიტომ მოიყვანა ეს გოგონა, რომ მისგან მიეთვისებინა საჭმელი, მაგრამ მე დავიჭირე მისი ხელი, შემდეგ მოიყვანა ეს ბედუინი, რათა მასაც მიეთვისებინა საჭმელი, მაგრამ მე დავიჭირე მისი ხელიც, ვფიცავ ალლაჰს, რომ მისი ხელი ჩემს ხელშია, გოგონას ხელთან ერთად».
[სანდო (საჰიჰ)] - [გადმოსცა მუსლიმმა] - [საჰიჰ მუსლიმ - 2017]

განმარტება

ჰუზაიფა (ალლაჰი იყოს მისით კმაყოფილი) აღნიშნავდა, რომ როდესაც ისინი ალლაჰის მოციქულთან (ალლაჰის ლოცვა და მშვიდობა მას) ერთად ესწრებოდნენ საკვებს, ისინი არ კიდებდნენ ხელს საჭმელს, სანამ ალლაჰის შუამავალი (ალლაჰის ლოცვა და მშვიდობა მას) არ დაიწყებდა და არ დადებდა ხელს. ერთხელ ჩვენ ვიყავით მასთან ერთად საკვებზე, და მოულოდნელად მოვიდა ერთი გოგონა ისეთი სისწრაფით, თითქოს ვინმე უბიძგებდა მას. მან სცადა ხელი მოეკიდა საჭმლისთვის, მაგრამ შუამავალმა (ალლაჰის ლოცვა და მშვიდობა მას) დაიჭირა მისი ხელი, შემდეგ მოვიდა ერთი ბედუინი, თითქოს ვიღაც უბიძგებდა მასაც, და მოციქულმა (ალლაჰის ლოცვა და მშვიდობა მას) მისი ხელიც დაიჭირა, სანამ საჭმელს შეეხება. მაშინ ალლაჰის შუამავალმა (ალლაჰის ლოცვა და მშვიდობა მას) თქვა: ჭეშმარიტად ეშმაკი ახერხებს საკვების ჭამას, როდესაც ადამიანი მას ალლაჰის სახელის ხსენების გარეშე იწყებს ჭამას. ამიტომ მან მოიყვანა ეს გოგონა, რათა მისი მეშვეობით მიეთვისებინა საჭმელი, მაგრამ მე დავიჭირე მისი ხელი, შემდეგ მოიყვანა ეს ბედუინი, რათა მისითაც მიეთვისებინა, მაგრამ მე დავიჭირე მისი ხელიც, ვფიცავ ალლაჰს, რომ ეშმაკის ხელიც ჩემს ხელშია, ამ გოგონას ხელთან ერთად. შემდეგ ალლაჰის შუამავალმა (ალლაჰის ლოცვა და მშვიდობა მას) უზენაესი ალლაჰის სახელი ახსენა და დაიწყო ჭამა.

ჰადისის სარგებლობიდან

1. ალლაჰის შუამავლის (ალლაჰის ლოცვა და მშვიდობა მას) საჰაბების პატივისცემა და ეთიკა მის მიმართ.
2. საკვების მიღების ეთიკიდან ერთ-ერთი ისაა, რომ მცირეწლოვანმა უნდა მოიცადოს, სანამ უფროსი და ღირსეული ადამიანი დაიწყებს ჭამას.
3. ეშმაკი ჯერ უბიძგებს ალლაჰის მიმართ უყურადღებო ხალხს იმ საქმეებისკენ, რომლებიც მას მოსწონს, რათა მიაღწიოს თავის მიზანს. ამ ჰადისშიც სწორედ ეს ჩანს.
4. იმამ ან-ნავავი თქვა: «სწავლულები აღნიშნავენ, რომ სასურველია „ბისმილლაჰ-ის“ ხმამაღლა თქმა, რათა სხვებმაც მოისმინონ და ამით მათაც შეახსენონ ამის აუცილებლობა».
5. თუ ვინმე მოდის საჭმელად და ვერ გაიგონე, რომ მან ალლაჰის სახელი ახსენა („ბისმილლაჰ“ თქვა), მაშინ საჭიროა მისი ხელის შეჩერება, სანამ ალლაჰის სახელს არ ახსენებს.
6. აუცილებელია ბოროტების შეცვლა მათ მიერ, ვინც ცოდნას ფლობს. ასევე, ხელით შეცვლაც სავალდებულოა იმათთვის, ვისაც ამის შესაძლებლობა აქვს.
7. ეს ჰადისი შუამავლის (ალლაჰის ლოცვა და მშვიდობა მას) სასწაულთაგანია, რადგან უზენაესმა ალლაჰმა მას ამ ამბავში მომხდარი რამ გაუმხილა.
8. შაიტანი ვერ მიაღწევს მორწმუნეთა საკვებს, თუ მასზე ალლაჰის სახელი არის მოხსენიებული. ის მხოლოდ მაშინ ახერხებს მასზე გავლენის მოპოვებას, როდესაც ალლაჰის სახელი მასზე არ თქმულა.
9. ისლამში სასურველია, ადამიანებზე სწავლა საკვების და სასმელის მიღების ეთიკაზე, რათა მათ დაიცვან ისლამური წესები.
10. სასურველია ფიცის გამოყენება, რათა მსმენელისთვის საკითხი უფრო მტკიცე და დაჯერებული გახდეს.
11. იმამ ან-ნავავიმ თქვა: «წყლის, რძის, თაფლის, ბულიონის, მედიკამენტებისა და სხვა სასმელების დალევის დროს „ბისმილლაჰ-ის“ თქმა ისეთივეა, როგორც საკვების მიღებისას».
12. იმამ ან-ნავავი ამბობს: «თუ ვინმე შეგნებულად, უნებლიედ, უცოდინრობის გამო, იძულებით ან რაიმე სხვა მიზეზით ვერ მოახერხებს საკვების დასაწყისში „ბისმილლაჰ-ის“ თქმას, მაგრამ ჭამისას ამის შესაძლებლობა მიეცემა, სასურველია, რომ მაშინ მაინც თქვას: „ბისმილლაჰი ავვალაჰუ ვა აახირაჰუ". ამის დასტურად ალლაჰის მოციქულის (ალლაჰის ლოცვა და მშვიდობა მას) ჰადისი მოჰყავთ: ''როცა თქვენგან ვინმე ჭამას იწყებს, ალლაჰის სახელი უნდა ახსენოს, ხოლო თუ თავიდან ალლაჰის სახელი არ ახსენა, მაშინ თქვას: „ბისმილლაჰი ავვალაჰუ ვა აახირაჰუ". ამ ჰადისს გადმოგვცემენ აბუ დაუდი და ათ-თირმიზი».