فەرموودە: هەرکەسێک کاتێک گوێی لە بانگبێژ دەبێت، بڵێت: ( أشهد أن لا إله إلا الله وحده لا شريك له وأنَّ محمداً عبده ورسولُه، رضيتُ بالله رباً وبمحمدٍ رسولاً وبالإسلام دِينا )، ئەوا خواى گەورە لە تاوانەکانى خۆش دەبێت

عَنْ سَعْدِ بْنِ أَبِي وَقَّاصٍ رضي الله عنه عَنْ رَسُولِ اللهِ صَلَّى اللهُ عَلَيْهِ وَسَلَّمَ أَنَّهُ قَالَ:

«مَنْ قَالَ حِينَ يَسْمَعُ الْمُؤَذِّنَ أَشْهَدُ أَنْ لَا إِلَهَ إِلَّا اللهُ وَحْدَهُ لَا شَرِيكَ لَهُ، وَأَنَّ مُحَمَّدًا عَبْدُهُ وَرَسُولُهُ، رَضِيتُ بِاللهِ رَبًّا وَبِمُحَمَّدٍ رَسُولًا، وَبِالْإِسْلَامِ دِينًا، غُفِرَ لَهُ ذَنْبُهُ».
[صحيح] - [رواه مسلم]

ئەم وەرگێڕاوە پێویستی بە پێداچوونەوە و وردبوونەوەی زیاتر هەیە.

لە سەعدی کوڕی ئەبی وەقاسەوە -ڕەزای خوای لێبێت- کە پێغەمبەر -صلى اللە علیە وسلم- دەفەرموێت: «هەرکەسێک کاتێک گوێی لە بانگبێژ دەبێت، بڵێت: (أشهد أن لا إله إلا الله وحده لا شريك له وأنَّ محمداً عبده ورسولُه، رضيتُ بالله رباً وبمحمدٍ رسولاً وبالإسلام دِينا)*، ئەوا خواى گەورە لە تاوانەکانى خۆش دەبێت». *(واتە: شاهێدی دەدەم بەوەى کە هیچ پەرستراوێک هەق وڕاست نییە جگە لە الله، خودا تاکە وهیچ شەریک وهاوبەشێکی نییە، وشاهێدی دەدەم بەوەى کە موحەمەد بەندە وپێغەمبەری خودایە، وڕازی بووم بەوەى کە الله پەروەردگارم بێت، وڕازی بووم بەوەى موحەمەد -صلى اللە علیە وسلم- پێغەمبەرم بێت، وڕازی بووم بەوەى کە ئیسلام ئاینم بێت).
صەحیحە - موسلیم گێڕاویەتیەوە

شیکردنەوە

(هەرکەسێک گوێی لە بانگبێژ بێت): واتا کاتێک بانگ دەدات بۆ نوێژکردن. (أشهد أن لا إله إلا الله، واتە: واتە: شاهێدی دەدەم بەوەى کە هیچ پەرستراوێک هەق وڕاست نییە جگە لە الله): واتا داندەنێم ودووپاتیدەکەمەوە کە هیچ پەرستراوێک هەق وڕاست نییە کە شایەنی پەرستن بێت جگە لە الله. (وحده لا شريك له، واتە: خودا تاک وتەنهایە وهیچ شەریک وهاوبەشێکی نییە): ئەم ڕستەیە بۆ زیاتر دووپاتکردنەوەیە لەسەر شاهێدی دانی یەکەم. (وأنَّ محمداً عبده، واتە: وشاهێدی دەدەم بەوەى کە موحەمەد بەندەی خودایە): لە سەرەتادا باسی بەندایەتی کرد ئەمیش بۆ دەربڕینی بەندایەتی بۆ پەروەردگار وسادەیی (تواضع). (ورسولُه، واتە: شاهێدی دەدەم بەوەى کە موحەمەد پێغەمبەر ونێردراوی خودایە): ئەمەى باسکرد وەکو دەربڕینی سوپاسگوزاری بەرامبەر نیعمەتەکانى خواى گەورە، وپەیامبەر بۆ ئەوەى نێردراوە کە گوێڕایەڵی بکرێت لەو فەرمانانەى فەرمانى پێکردووە ودەبێت مرۆڤ خۆی بە دوور بگرێت لەو شتانەى نەهی لێکردووە. (رضيتُ بالله رباً، واتە: وڕازی بووم بەوەى کە الله پەروەردگارم بێت): واتا ڕازیم وداندەنێم بە یەک خودا پەرستی، وڕازیم وداندەنێم بە یەک خودا پەرستی (تەوحید) لە: تەوحیدی پەروەردگارێتی (تەوحیدی ربوبیەت) وتەوحیدی پەرستن یان خودایەتی (تەوحیدی ئولوهیەت) و[تەوحیدی ناو وسیفاتەکان -الأسماء والصفات-]. (وبمحمدٍ رسولاً، واتە: وڕازی بووم بەوەى موحەمەد -صلى اللە علیە وسلم- پێغەمبەرم بێت): واتا ڕازیم وداندەنێم بە پەیامی موحەمەد -صلى اللە علیە وسلم-وهەموو ئەوەشی پێمانی گەیاندووە لە وەحی وسروش [قورئان وسونەت]. (وبالإسلام دِينا، واتە: وڕازی بووم بەوەى کە ئیسلام ئاینم بێت): واتا بیرباوەڕ وعەقیدە بە گوێرەی ئاینی ئیسلام بێت وملکەچم بۆ فەرمانەکانى ئەم ئاینە. (ئەوەى ئەم ویردەی پێشوو بخوێنێت ئەوا خواى گەورە لە تاوانەکانى خۆش دەبێت): واتا تاوانە بچووکەکان، ئەم زیکرە دەخوێندرێت ئەگەر بانگبێژ بڵێت: (اشهد أن لا إله إلا الله أشهد أن محمداً رسول الله)، ودەکرێت لە دواى بانگیش بخوێندرێت چونکە فەرموودەکە ئاماژە بۆ هەردوو حاڵەتەکە دەکات.