Hadith: រ៉ស៊ូលុលឡោះ ﷺ លោកបានមានប្រសាសន៍ថា៖ “នៅយប់ដែលគេនាំខ្ញុំឡើងទៅលើមេឃ ខ្ញុំបានឆ្លងកាត់ក្រុមមួយដែលមានក្រចកស្ពាន់ ហើយពួកគេកំពុងខ្វាចមុខ និងទ្រូងខ្លួនឯង

عَنْ أَنَسِ بْنِ مَالِكٍ رَضيَ اللهُ عنه قَالَ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ:
«لَمَّا عُرِجَ بِي مَرَرْتُ بِقَوْمٍ لَهُمْ أَظْفَارٌ مِنْ نُحَاسٍ يَخْمُشُونَ بها وُجُوهَهُمْ وَصُدُورَهُمْ، فَقُلْتُ: مَنْ هَؤُلَاءِ يَا جِبْرِيلُ، قَالَ: هَؤُلَاءِ الَّذِينَ يَأْكُلُونَ لُحُومَ النَّاسِ، وَيَقَعُونَ فِي أَعْرَاضِهِمْ».
[حسن] - [رواه أبو داود] - [سنن أبي داود: 4878]

អំពី អាណាស ពិន ម៉ាលិក رضي الله عنه បាននិយាយថា៖
រ៉ស៊ូលុលឡោះ ﷺ លោកបានមានប្រសាសន៍ថា៖ “នៅយប់ដែលគេនាំខ្ញុំឡើងទៅលើមេឃ ខ្ញុំបានឆ្លងកាត់ក្រុមមួយដែលមានក្រចកស្ពាន់ ហើយពួកគេកំពុងខ្វាចមុខ និងទ្រូងខ្លួនឯង។ ពេលនោះ ខ្ញុំបានសួរថា៖ តើអ្នកទាំងនោះជានរណា ឱជីព្រីល? គាត់បានឆ្លើយថា៖ អ្នកទាំងនោះ គឺជាពួកដែលស៊ីសាច់មនុស្ស(និយាយដើមគេ) និងនិយាយបង្ខូចកិត្ដិយសរបស់ពួកគេ”។
[حسن] - [رواه أبو داود] - [سنن أبي داود - 4878]

Explanation

ណាពី ﷺ លោកបានប្រាប់ថា នៅពេលដែលគេនាំលោកឡើងទៅលើមេឃនាយប់អ៊ីសរ៉ក និងមៀករ៉ច្ច លោកបានឆ្លងកាត់ក្រុមមួយដែលមានក្រចកស្ពាន់ ហើយពួកគេកំពុងតែខ្វាចមុខ និងទ្រូងខ្លួនឯង។ ពេលនោះ ណាពី ﷺ លោកបានសួរម៉ាឡាអ៊ីកាត់ជីព្រីល អាឡៃហ៊ិស្សាឡាម ថា៖ តើអ្នកទាំងនេះបានសាងទង្វើអ្វីទើបបានជាគេតបស្នងដល់ពួកគេនូវទណ្ឌកម្មបែបនេះ? ម៉ាឡាអ៊ីកាត់ជីព្រីល អាឡៃហ៊ិស្សាឡាម បានឆ្លើយថា៖ អ្នកទាំងនោះ គឺជាពួកដែលនិយាយដើមអ្នកដទៃ និងនិយាយបង្ខូចកិត្ដិយសរបស់ពួកគេខុសពីការពិត។

Benefits from the Hadith

1. ព្រមានយ៉ាងធ្ងន់ធ្ងរចំពោះការនិយាយដើមគេ និងប្រដូចអ្នកដែលនិយាយដើមគេទៅនឹងអ្នកដែលស៊ីសាច់មនុស្ស។
2. ការនិយាយប៉ះពាល់កិត្ដិយសអ្នកដទៃ ដូចជាការនិយាយដើមគេជាដើម គឺស្ថិតក្នុងចំណោមបាបកម្មធំ។
3. អាត់ទីពី បាកបកស្រាយប្រសាសន៍របស់ណាពី ﷺ ដែលលោកបានមានប្រសាសន៍ថា៖ “ពួកគេខ្វាច” ដោយគាត់បាននិយាយថា៖ ដោយសារតែការខ្វាចមុខ និងទ្រូងស្ថិតក្នុងចំណោមលក្ខណៈសម្បត្តិរបស់ស្ត្រីដែលស្រែកទូញយំ(ពេលជួបទុក្ខ) គេក៏យកការខ្វាចមុខនិងទ្រូង ជាការតបស្នងចំពោះអ្នកដែលនិយាយដើម និងនិយាយបង្ខូចកិត្តិយសអ្នកដទៃ ហាក់ដូចជាបង្ហាញថា ការខ្វាចមុខនិងទ្រូងនេះ មិនមែនជាលក្ខណៈរបស់បុរសឡើយ។ ផ្ទុយទៅវិញ វាជាលក្ខណៈរបស់ស្ត្រីនៅក្នុងស្ថានភាពទ្រុឌទ្រោម និងរូបរាង្គដ៏អាក្រក់បំផុត។
4. ចាំបាច់ត្រូវមានជំនឿនឹងប្រការអាថ៌កំបាំង ក៏ដូចជាប្រការទាំងឡាយដែលអល់ឡោះជាម្ចាស់ និងអ្នកនាំសាររបស់ទ្រង់ ﷺ លោកបានប្រាប់។