ჰადისი: ვისაც ეს გოგონები ჰყავს და კარგად მოექცევა მათ, ისინი მისთვის ჯოჯოხეთისგან საფარი გახდებიან

عَن عَائِشَةَ أُمِّ المؤْمِنين رضي الله عنها زَوْجَ النَّبِيِّ صَلَّى اللهُ عَلَيْهِ وَسَلَّمَ حَدَّثَتْهُ قَالَتْ:
جَاءَتْنِي امْرَأَةٌ مَعَهَا ابْنَتَانِ تَسْأَلُنِي، فَلَمْ تَجِدْ عِنْدِي غَيْرَ تَمْرَةٍ وَاحِدَةٍ، فَأَعْطَيْتُهَا فَقَسَمَتْهَا بَيْنَ ابْنَتَيْهَا، ثُمَّ قَامَتْ فَخَرَجَتْ، فَدَخَلَ النَّبِيُّ صَلَّى اللهُ عَلَيْهِ وَسَلَّمَ فَحَدَّثْتُهُ، فَقَالَ: «مَنْ يَلِي مِنْ هَذِهِ البَنَاتِ شَيْئًا، فَأَحْسَنَ إِلَيْهِنَّ، كُنَّ لَهُ سِتْرًا مِنَ النَّارِ».
[صحيح] - [متفق عليه] - [صحيح البخاري: 5995]

მორწმუნეთა დედა და შუამავლის მეუღლე აიშა (ალლაჰი იყოს მისით კმაყოფილი) გადმოსცემს:
«ჩემთან ქალი მოვიდა თავის ორ ქალიშვილთან ერთად და დახმარება მთხოვა. ჩემს სახლში მხოლოდ ერთი ფინიკი იყო, ამიტომ ის მივეცი. ქალმა ფინიკი თავის ორ შვილს გაუყო, შემდეგ კი ადგა და წავიდა, ამის შემდეგ ალლაჰის მოციქული (ალლაჰის ლოცვა და მშვიდობა მას) შემოვიდა და მე ეს ამბავი მოვუყევი. მაშინ მან თქვა: «ვისაც ეს გოგონები ჰყავს და კარგად მოექცევა მათ, ისინი მისთვის ჯოჯოხეთისგან საფარი გახდებიან».
[სანდო (საჰიჰ)] - [შეთანხმებული] - [საჰიჰ ალ-ბუხარი - 5995]

განმარტება

მორწმუნეთა დედა აიშა (ალლაჰი იყოს მისით კმაყოფილი) ყვებოდა, რომ მასთან ქალი მივიდა თავის ორ შვილთან ერთად და საჭმელი სთხოვა. აიშას (ალლაჰი იყოს მისით კმაყოფილი) არაფერი ჰქონდა, გარდა ერთი ფინიკისა, და ის მისცა. ქალმა ეს ფინიკი ორ შვილს გაუყო და თავად არაფერი არ ჭამა. შემდეგ ადგა და წავიდა. ალლაჰის მოციქული (ალლაჰის ლოცვა და მშვიდობა მას) შემოვიდა და აიშამ ეს ამბავი უამბო. მაშინ მან თქვა: ვისაც ეს გოგონები ჰყავს და მათზე ზრუნავს, კეთილად ეპყრობა, ასწავლის, აჭმევს, ასვამს, ჩააცმევს და მათზე მოთმინებას გამოიჩენს, ისინი მისთვის ჯოჯოხეთისგან საფარი და ფარდა იქნებიან.

ჰადისის სარგებლობიდან

1. გოგონებზე ზრუნვა და მათთვის სწრაფვა ერთ-ერთი საუკეთესო კეთილი საქმეა, რომელიც ჯოჯოხეთისგან იცავს.
2. მიუხედავად იმისა, რომ მცირეა, სასურველია ქველმოქმედება იმით, რისი მიცემაც ადამიანს შეუძლია.
3. მშობლების ძლიერი თანაგრძნობა და ყურადღება თავიანთი შვილების მიმართ.
4. მოციქულის (ალლაჰის ლოცვა და მშვიდობა მას) სახლების მდგომარეობის განმარტება და იმის ჩვენება, რომ მისი სარჩო მხოლოდ აუცილებელ საჭიროებებს აკმაყოფილებდა.
5. შეწირვის სიკეთე და მისი მნიშვნელობა, როგორც მორწმუნეთა თვისება; აიშა (ალლაჰი იყოს მისით კმაყოფილი) ამ ქალსა და მის ორ შვილს საკუთარ თავზე წინ აყენებდა, რაც მის სიკეთესა და გულუხვობაზე მიუთითებს, მიუხედავად მისი მძიმე საჭიროებისა.
6. გოგონების დაბადება გამოცდად ითვლება, რადგან მათი აღზრდა შრომასა და სირთულეს მოითხოვს, ზოგიერთ ადამიანს მათი დაბადება არ სიამოვნებს, ან იმის გამო, რომ უმეტესად მათ არ აქვთ დამოუკიდებელი საარსებო წყარო.
7. ისლამმა აღმოფხვრა უმეცრობის უსამართლო ჩვეულებები, მათ შორის, გოგონებზე ზრუნვისადმი მოწოდებით.
8. ეს საზღაური მიიღება, თუნდაც მხოლოდ ერთი გოგო ჰყავდეს, როგორც ეს ზოგ ჰადისებშია ხსენებული.