Ḥadīth: {Ang higaan ng Sugo ni Allāh (basbasan siya ni Allāh at pangalagaan) ay mula sa balat at ang ipinalaman dito ay mula sa himaymay.}

عَنْ عَائِشَةَ أُمِّ المُؤْمِنينَ رَضِيَ اللَّهُ عَنْهَا قَالَتْ:
كَانَ فِرَاشُ رَسُولِ اللَّهِ صَلَّى اللهُ عَلَيْهِ وَسَلَّمَ مِنْ أَدَمٍ، وَحَشْوُهُ مِنْ لِيفٍ، وَلِمُسلمٍ: كَانَ وِسَادَةُ رَسُولِ اللهِ صَلَّى اللهُ عَلَيْهِ وَسَلَّمَ الَّتِي يَتَّكِئُ عَلَيْهَا مِنْ أَدَمٍ حَشْوُهَا لِيفٌ.
[صحيح] - [متفق عليه] - [صحيح البخاري: 6456]

Ang saling ito ay nangangailangan ng dagdag na pagrerepaso at pag-eeksakto..

Ayon kay `Ā'ishah na Ina ng mga Mananampalataya (malugod si Allāh sa kanya) na nagsabi:
{Ang higaan ng Sugo ni Allāh (basbasan siya ni Allāh at pangalagaan) ay mula sa balat at ang ipinalaman dito ay mula sa himaymay.} Batay naman kay Imām: {Ang inuunanan ng Sugo ni Allāh (basbasan siya ni Allāh at pangalagaan), na sinasandalan niya, ay mula sa balat na ang ipinalaman dito ay himaymay.}
[Tumpak] - [Nagkasang-ayon sa katumpakan nito] - [Ṣaḥīḥ Al-Bukhārīy - 6456]

Ang Pagbibigay-linaw

Nagpabatid ang Ina ng mga Mananampalataya na si `Ā'ishah (malugod si Allāh sa kanya) na ang higaan na tinutulugan noon ng Sugo ni Allāh (basbasan siya ni Allāh at pangalagaan) ay niyari mula sa katad na kinulti, na pinuno ng himaymay mula sa punong datiles at gayon din ang unan niya na sinasandigan niya.

Ang mga Katuturan ng Ḥadīth

1. Ang paglilinaw sa lagay ng Propeta (basbasan siya ni Allāh at pangalagaan) na kawalang-kamunduhan at pag-ayaw sa minamasarap sa Mundo bagamat si Allāh (kaluwalhatian sa Kanya at napakataas Siya) ay nagbigay-kapangyarihan sa kanya niyon kung sakaling niloloob niya ay magtamasa niyon.
2. Ang pagpayag sa pagkakaroon ng mga hinihigaan at mga inuunanan, pagtulog sa mga ito, at paggamit ng mga ito.
3. Nararapat sa Muslim na magsaalang-alang ng kalagayan nito at pamumuhay nito ayon sa kalagayan ng Propeta nito (basbasan siya ni Allāh at pangalagaan) sapagkat tunay na siya ay ang magandang tinutularan at na ang sinumang tumunton sa mga bakas niya ay mapatnunubayan at magtatagumpay sa Mundo at Kabilang-buhay.
4. Ang pagsisigasig sa paghahanda para sa Kabilang-buhay at na magkasya ang mananampalataya mula sa Mundo ng nakatutulong sa kanya sa pagtalima kay Allāh at na hindi siya magpakaabala sa pagpaparamihan sa narito yayamang pumula nga si Allāh sa mga ganitong sapagkat nasabi Siya (Qur'ān 102:1-2): {1. Nagpalibang sa inyo ang pagpaparamihan 2. hanggang sa dumalaw kayo sa mga pinaglilibingan.}