1. Дома
  2. Категории
  3. Фикх (исламско право) и методологија на фикхот

Хадис „Ја прашав Аиша, Аллах нека е задоволен со неа: ,Зошто жената која е во менструација го надокнадува постот, а не ги надокнадува намазите?‘

عَنْ مُعَاذَةَ قَالَتْ:
سَأَلْتُ عَائِشَةَ، فَقُلْتُ: مَا بَالُ الْحَائِضِ تَقْضِي الصَّوْمَ، وَلَا تَقْضِي الصَّلَاةَ؟ فَقَالَتْ: أَحَرُورِيَّةٌ أَنْتِ؟ قُلْتُ: لَسْتُ بِحَرُورِيَّةٍ، وَلَكِنِّي أَسْأَلُ. قَالَتْ: كَانَ يُصِيبُنَا ذَلِكَ، فَنُؤْمَرُ بِقَضَاءِ الصَّوْمِ، وَلَا نُؤْمَرُ بِقَضَاءِ الصَّلَاةِ.

Муаза раскажува:
„Ја прашав Аиша, Аллах нека е задоволен со неа: ,Зошто жената која е во менструација го надокнадува постот, а не ги надокнадува намазите?‘ Таа ми рече: ,Да не си ти харуријка?‘ Реков: ,Не сум харуријка, туку само прашувам.‘ Таа рече: ,И нас тоа нè снаоѓаше, па ни беше наредено да го надокнадуваме постот, а не ни беше наредено да ги надокнадуваме намазите.‘“

صحيح متفق عليه صحيح مسلم - 335

Објаснување

Муаза ел-Адевија ја прашала мајката на верниците, Аиша, Аллах нека е задоволен со неа: „Зошто жената после менструација го надокнадува постот, а не ги надокнадува намазите?“ Аиша ја прашала: „Да не си ти од хариџиите – харуриите – кои прашуваат инаетејќи се и поради претерана строгост?“ Муаза одговорила: „Не сум харуријка, туку само прашувам.“
Аиша рекла: „И нас нè снаоѓаше менструација во времето на Пратеникот, салаллаху алејхи ве селем, па ни беше наредено да го надокнадиме постот, а не ни беше наредено да ги надокнадиме намазите.“

Од придобивките на хадисот

  1. Осуда на секого што поставува прашања од инает или со намера за расправа.
  2. Харуриите – нивното име потекнува од местото Харура, близу Куфа. Тие се една од групите на хариџиите, а Аиша, Аллах нека е задоволен со неа, ја споредила Муаза со нив поради нивната претерана строгост и честото поставување прашања само заради инает.
  3. Учителот е должен да му појасни на оној што бара знаење и насока.
  4. Најисправно е да се одговори со јасен текст, како што направила Аиша, Аллах нека е задоволен со неа, бидејќи одговорот заснован на јасен текст ја спречува секоја можност за понатамошно противење и расправа.
  5. Верникот треба да му се предаде на прописот на Аллах и на Неговиот пратеник, салаллаху алејхи ве селем, дури и кога не ја знае мудроста од прописот.
  6. Ен-Невеви рекол: „Значењето на зборовите на Аиша, Аллах нека е задоволен со неа, е дека една група од хариџиите сметале дека жената после менструација е должна да ги надокнади намазите што ќе ги изостави во тој период, што е спротивно на консензусот на муслиманите. Нејзиното прашање ,Да не си ти харуријка?‘ било со осудувачка намера, односно: ,Ова е начинот како постапуваат харуријките – а тоа е многу лош начин.‘“

Преглед на преводи

37 Јазик
EN English الإنجليزية
UR اردو الأوردية
ES Español الإسبانية
ID Indonesia الإندونيسية
UG ئۇيغۇرچە الأيغورية
BN বাংলা البنغالية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
MY မြန်မာ البورمية
TH ไทย التايلندية
PS پښتو بشتو
AS অসমীয়া الأسامية
AM አማርኛ الأمهرية
NL Nederlands الهولندية
GU ગુજરાતી الغوجاراتية
PRS دری الدرية
SR Српски الصربية
RO Română الرومانية
HU Magyar المجرية
KN ಕನ್ನಡ الكانادا
KA ქართული الجورجية
KM ភាសាខ្មែរ الخميرية
PA ਪੰਜਾਬੀ البنجابية
MR मराठी الماراثية