فەرموودە: پێغەمبەر -صلى اللە علیە وسلم- نەهی کردووە لە تارات کردن بە تەپاڵە یان ئێسک، وفەرمووی: ئەوان (شوێنی پیس) پاک ناکەنەوە

عن أبي هريرة رضي الله عنه نهى النبي صلى الله عليه وسلم أَنْ يُسْتَنْجَى بِرَوْثٍ أو عَظْمٍ، وقال: «إِنَّهُمَا لَا تُطَهِّرَان».
[صحيح] - [رواه الدارقطني]

ئەم وەرگێڕاوە پێویستی بە پێداچوونەوە و وردبوونەوەی زیاتر هەیە.

لە ئەبی هورەیرەوە -ڕەزای خوای لێبێت- دەڵێت: «پێغەمبەر -صلى اللە علیە وسلم- نەهی کردووە لە تارات کردن* بە تەپاڵە یان ئێسک، وفەرمووی: «ئەوان (شوێنی پیس) پاک ناکەنەوە». *(تارات کردن: واتا خۆ پاککردنەوە لە میز وپاشەڕۆ)
صەحیحە - دارەقوطنی گێڕاویەتیەوە

شیکردنەوە

گێڕەرەوەى ئیسلام ئەبی هورەیرە -ڕەزای خوای لێبێت- باسی ئەوە دەکات کە پێغەمبەر -صلى اللە علیە وسلم- نەهی کردووە لە بەکارهێنانى کاتی تارات کردندا* بۆئەوەى پاشەڕۆکە ببڕێت ومرۆڤ پاک بێتەوە ئەگەر ئاو نەبوو یان ئەوەندە هەبوو بۆ پێداویستی لەوە گرنگتر بەکاردەهێنرا، ئەو دوو نەهی لێکراوەش بریتین لە: تەپاڵە وئێسک، تەپاڵە بەهۆی ئەوەى خواردنی ئاژەڵی جنۆکەکانە، پێغەمبەر -صلى اللە علیە وسلم- دفەرموێت: (لا تستنجوا بالروث ولا بالعظام؛ فإنها زاد إخوانكم من الجن) [رواه الترمذي] واتە: (تارات مەگرن بە تەپاڵە وئێسک؛ چونکە ئەوانە خواردنی برایانی ئێوەن لە جنۆکەکان). سەبارەت بە ئێسک چونکە لووسە بۆیە پاشەڕۆ لانابات، ووتراوە هۆکاری نەهی کردنەکە ئەوەیە چونکە دەمژرێت ودەجاورێت لە کاتی پێویستدا، ووتراوە چونکە پێغەمبەر -صلى اللە علیە وسلم- فەرموویەتی: (فإنها زاد إخوانكم من الجن) [رواه الترمذي] واتە: (چونکە ئەوانە خواردنی برایانی ئێوەن لە جنۆکەکان)؛ واتا ئەوان گۆشتی لەسەر دەدۆزنەوە زیاتر لەوەى پێوەى بوو، یان ووتراوە لەوەیە ئازار بە مرۆڤ بگەیەنێت. پاشان جەختیکردەوە لەسەر نەهی کردن لە بەکارهێنانى تەپاڵە وئێسک لە کاتی ترات کردندا؛ چونکە نابنە هۆی خاوێن بوونەوەى ئەو شوێنەى پاشەڕۆی لێوە دەرچوو؛ بۆیە -صلى اللە علیە وسلم- فەرمووی: (ئەوانە شوێنی -پیس- پاک ناکەنەوە). *(تارات کردن: واتا خۆ پاککردنەوە لە میز وپاشەڕۆ)