ಹದೀಸ್: ಅಲ್ಲಾಹನ ಸಂದೇಶವಾಹಕರು (ಅವರ ಮೇಲೆ ಅಲ್ಲಾಹನ ಕೃಪೆ ಮತ್ತು ಶಾಂತಿಯಿರಲಿ) 'ಜನಾಬತ್' (ದೊಡ್ಡ ಅಶುದ್ಧಿ) ಸ್ನಾನ ಮಾಡಲು ಒಂದು 'ಸಾಅ್' ನೀರನ್ನು, ಮತ್ತು ವುಧೂ ಮಾಡಲು ಒಂದು 'ಮುದ್ದ್' ನೀರನ್ನು ಬಳಸುತ್ತಿದ್ದರು
عَنْ سَفِينَةَ رَضيَ اللهُ عَنْهُ قَالَ:
كَانَ رَسُولُ اللهِ صَلَّى اللهُ عَلَيْهِ وَسَلَّمَ يُغَسِّلُهُ الصَّاعُ مِنَ المَاءِ مِنَ الجَنَابَةِ، وَيُوَضِّئُهُ المُدُّ.
[صحيح] - [رواه مسلم] - [صحيح مسلم: 326]
المزيــد ...
ಸಫೀನಾ (ಅಲ್ಲಾಹು ಅವರ ಬಗ್ಗೆ ಸಂಪ್ರೀತನಾಗಲಿ) ರಿಂದ ವರದಿ: ಅವರು ಹೇಳಿದರು:
"ಅಲ್ಲಾಹನ ಸಂದೇಶವಾಹಕರು (ಅವರ ಮೇಲೆ ಅಲ್ಲಾಹನ ಕೃಪೆ ಮತ್ತು ಶಾಂತಿಯಿರಲಿ) 'ಜನಾಬತ್' (ದೊಡ್ಡ ಅಶುದ್ಧಿ) ಸ್ನಾನ ಮಾಡಲು ಒಂದು 'ಸಾಅ್' ನೀರನ್ನು, ಮತ್ತು ವುಧೂ ಮಾಡಲು ಒಂದು 'ಮುದ್ದ್' ನೀರನ್ನು ಬಳಸುತ್ತಿದ್ದರು."
[صحيح] - [رواه مسلم] - [صحيح مسلم - 326]
ಪ್ರವಾದಿಯವರು (ಅವರ ಮೇಲೆ ಅಲ್ಲಾಹನ ಕೃಪೆ ಮತ್ತು ಶಾಂತಿಯಿರಲಿ) ಜನಾಬತ್ ಸ್ನಾನಕ್ಕಾಗಿ ಒಂದು 'ಸಾಅ್' ಮತ್ತು ವುಧೂಗಾಗಿ ಒಂದು 'ಮುದ್ದ್' ಪ್ರಮಾಣದ ನೀರನ್ನು ಬಳಸುತ್ತಿದ್ದರು. 'ಸಾಅ್' ಎಂದರೆ, ನಾಲ್ಕು 'ಮುದ್ದ್'ಗಳು. 'ಮುದ್ದ್' ಎಂದರೆ, ಸಾಧಾರಣ ಮೈಕಟ್ಟು ಇರುವ ಮನುಷ್ಯನ ಎರಡೂ ಬೊಗಸೆ ತುಂಬುವಷ್ಟು ಪ್ರಮಾಣ.
ಹದೀಸಿನ ಪ್ರಯೋಜನಗಳು
- ವುಧೂ ಮತ್ತು ಸ್ನಾನದ ನೀರಿನಲ್ಲಿ ಮಿತವ್ಯಯ ಮಾಡುವುದು ನಿಯಮಗೊಳಿಸಲಾಗಿದೆ. ನೀರು ಸುಲಭವಾಗಿ ಲಭ್ಯವಿದ್ದರೂ ಸರಿ, ಅದನ್ನು ಪೋಲು ಮಾಡಬಾರದು.
- ಅಗತ್ಯಕ್ಕೆ ತಕ್ಕಷ್ಟು ನೀರನ್ನು ಮಿತವಾಗಿ ಬಳಸುವುದು ಮುಸ್ತಹಬ್ (ಅಪೇಕ್ಷಿತ) ಆಗಿದೆ. ಇದೇ ಪ್ರವಾದಿಯವರು (ಅವರ ಮೇಲೆ ಅಲ್ಲಾಹನ ಕೃಪೆ ಮತ್ತು ಶಾಂತಿಯಿರಲಿ) ತೋರಿಸಿದ ಮಾದರಿ.;
- ನೀರನ್ನು ಪೋಲು ಮಾಡದೆ ಮತ್ತು ಜಿಪುಣತನವನ್ನೂ ಮಾಡದೆ, ಸುನ್ನತ್ ಮತ್ತು ಶಿಷ್ಟಾಚಾರಗಳನ್ನು ಪಾಲಿಸಿಕೊಂಡು ವುಧೂ ಮತ್ತು ಸ್ನಾನವನ್ನು ಪೂರ್ತಿಗೊಳಿಸುವುದು ಇದರ ಉದ್ದೇಶ. ಸಮಯ, ನೀರಿನ ಲಭ್ಯತೆ (ಹೆಚ್ಚು ಅಥವಾ ಕಡಿಮೆ) ಮತ್ತು ಇತರ ವಿಷಯಗಳನ್ನು ಗಮನದಲ್ಲಿಟ್ಟುಕೊಳ್ಳಬೇಕು.
- ಜನಾಬತ್: ವೀರ್ಯ ಸ್ಖಲನವಾದ ಅಥವಾ ಪತ್ನಿಯೊಂದಿಗೆ ಸಂಭೋಗ ನಡೆಸಿದ ಪ್ರತಿಯೊಬ್ಬರಿಗೂ 'ಜನಾಬತ್' (ದೊಡ್ಡ ಅಶುದ್ಧಿ) ಸ್ಥಿತಿಯಲ್ಲಿದ್ದಾರೆ ಎಂದು ಹೇಳಲಾಗುತ್ತದೆ. ಅವರು ಶುದ್ಧಿಯಾಗುವವರೆಗೆ ನಮಾಝ್ ಮತ್ತು ಆರಾಧನೆಗಳಿಂದ ದೂರವಿರಬೇಕಾದ್ದರಿಂದ ಇದನ್ನು ಹಾಗೆ (ಜನಾಬತ್ ಎಂದು) ಕರೆಯಲಾಗಿದೆ.
- ಸಾಅ್: ಇದು ಒಂದು ಪ್ರಸಿದ್ಧ ಅಳತೆಯಾಗಿದೆ. ಇಲ್ಲಿ ಪ್ರವಾದಿಯವರ ಕಾಲದ ಸಾಅ್ ಉದ್ದೇಶವಾಗಿದೆ. ಇದರ ತೂಕ 480 ಮಿಸ್ಕಾಲ್ ಉತ್ತಮ ಗೋಧಿ. ಲೀಟರ್ ಲೆಕ್ಕದಲ್ಲಿ 3 ಲೀಟರ್ಗಳು.
- ಮುದ್ದ್: ಇದು ಧಾರ್ಮಿಕ ಅಳತೆಯ ಮಾನದಂಡ. ಸಾಧಾರಣ ಮೈಕಟ್ಟು ಇರುವ ವ್ಯಕ್ತಿಯು ತನ್ನ ಕೈಗಳನ್ನು ಚಾಚಿ ಬೊಗಸೆ ತುಂಬಿದರೆ ಹಿಡಿಸುವಷ್ಟು ಪ್ರಮಾಣ. ಎಲ್ಲಾ ಕರ್ಮಶಾಸ್ತ್ರಜ್ಞರ ಒಮ್ಮತದ ಪ್ರಕಾರ, ಒಂದು 'ಮುದ್ದ್' ಎಂದರೆ 'ಸಾಅ್'ನ ನಾಲ್ಕನೇ ಒಂದು ಭಾಗ. ಇದರ ಪ್ರಮಾಣ 750 ಮಿಲಿ ಲೀಟರ್.
ವರ್ಗಗಳು
ಇನ್ನಷ್ಟು
- ಹದೀಸ್: ನಿಮ್ಮಲ್ಲೊಬ್ಬರಿಗೆ ಅಶುದ್ಧಿಯುಂಟಾದರೆ ಅವರು ವುದೂ ನಿರ್ವಹಿಸುವ ತನಕ ಅಲ್ಲಾಹು ಅವರ ನಮಾಝನ್ನು ಸ್ವೀಕರಿಸುವುದಿಲ್ಲ
- ಹದೀಸ್: ನಿಮ್ಮಲ್ಲೊಬ್ಬರು ವುದೂ (ಅಂಗಸ್ನಾನ) ಮಾಡುವಾಗ, ಮೂಗಿಗೆ ನೀರನ್ನು ಎಳೆದು ಹೊರಬಿಡಲಿ. ನಿಮ್ಮಲ್ಲೊಬ್ಬನು ಇಸ್ತಿಜ್ಮಾರ್ (ಕಲ್ಲು ಮುಂತಾದ ವಸ್ತುಗಳಿಂದ ಶುಚಿ) ಮಾಡುವಾಗ ಬೆಸ ಸಂಖ್ಯೆಯಲ್ಲಿ ಮಾಡಲಿ
- ಹದೀಸ್: ದೊಡ್ಡ ಅಶುದ್ಧಿಯಿಂದ (ಜನಾಬತ್) ಸ್ನಾನ ಮಾಡುವ ರೂಪ
- ಹದೀಸ್: ಅಲ್ಲಾಹನ ಸಂದೇಶವಾಹಕರು (ಅವರ ಮೇಲೆ ಅಲ್ಲಾಹನ ಕೃಪೆ ಮತ್ತು ಶಾಂತಿಯಿರಲಿ) ದೊಡ್ಡ ಅಶುದ್ಧಿಯಿಂದಾಗಿ (ಜನಾಬತ್) ಸ್ನಾನ ಮಾಡುವಾಗ, ಮೊದಲು ಕೈಗಳನ್ನು ತೊಳೆದು, ನಂತರ ನಮಾಝ್ಗಾಗಿ ವುದೂ (ಅಂಗಸ್ನಾನ) ಮಾಡುವಂತೆ ವುದೂ ಮಾಡುತ್ತಿದ್ದರು. ನಂತರ ಅವರು ಸ್ನಾನ ಮಾಡುತ್ತಿದ್ದರು
- ಹದೀಸ್: ನಿಮ್ಮಲ್ಲಿ ಯಾರಾದರೂ ಜುಮಾ ನಮಾಝ್ಗೆ ಬಂದರೆ ಸ್ನಾನ ಮಾಡಿ ಬರಲಿ
- ಹದೀಸ್: ವಾರಕ್ಕೊಮ್ಮೆ ತಲೆ ಮತ್ತು ದೇಹವನ್ನು ತೊಳೆಯುವ ಮೂಲಕ ಸ್ನಾನ ಮಾಡುವುದು ಪ್ರತಿಯೊಬ್ಬ ಮುಸಲ್ಮಾನನ ಕರ್ತವ್ಯವಾಗಿದೆ
- ಹದೀಸ್: ಒಬ್ಬ ಮುಸ್ಲಿಂ ದಾಸನು - ಅಥವಾ ಸತ್ಯವಿಶ್ವಾಸಿಯು - ವುಝೂ (ಶುದ್ಧೀಕರಣ) ಮಾಡಿ, ತನ್ನ ಮುಖವನ್ನು ತೊಳೆದಾಗ, ಅವನು ತನ್ನ ಕಣ್ಣುಗಳಿಂದ ನೋಡಿದ ಪ್ರತಿಯೊಂದು ಕಿರಿಯ ಪಾಪವು ನೀರಿನೊಂದಿಗೆ - ಅಥವಾ ನೀರಿನ ಕೊನೆಯ ಹನಿಯೊಂದಿಗೆ - ಅವನ ಮುಖದಿಂದ ಹೊರಬರುತ್ತದೆ