ჰადისი: ალლაჰის შუამავალი (ალლაჰიოს ლოცვა და მშვიდობა მას) ერთი სა' წყლით დიდ განბანვას აკეთებდა (ბანაობდა) და ერთი "მუდდით" პატარა განბანვას აკეთებდა

عَنْ سَفِينَةَ رَضيَ اللهُ عَنْهُ قَالَ:
كَانَ رَسُولُ اللهِ صَلَّى اللهُ عَلَيْهِ وَسَلَّمَ يُغَسِّلُهُ الصَّاعُ مِنَ المَاءِ مِنَ الجَنَابَةِ، وَيُوَضِّئُهُ المُدُّ.
[صحيح] - [رواه مسلم] - [صحيح مسلم: 326]

გადმოცემულია საფინასგან (ალლაჰი იყოს მისით კმაყოფილი), რომ მან თქვა:
ალლაჰის შუამავალი (ალლაჰიოს ლოცვა და მშვიდობა მას) ერთი სა' წყლით დიდ განბანვას აკეთებდა (ბანაობდა) და ერთი "მუდდით" პატარა განბანვას აკეთებდა.
-

განმარტება

ალლაჰის მოციქული (ალლაჰის ლოცვა და მშვიდობა მას) იბანდა ჯუნუბის (რიტუალური უწმინდურობის) მდგომარეობიდან ერთი სა'ით, მცირე განბანვას აკეთებდა ერთი მუდდით. სა'ა: არის ოთხი მუდდის ოდენობით, მუდდ: არის ზრდასრული ადამიანის პეშვის ზომის წყალი.

ჰადისის სარგებლობიდან

1. ვუდუსა და ღუსლში წყლის მოხმარების ეკონომიურობის კანონიერი მნიშვნელობა და გაფლანგვისგან თავის არიდება, თუნდაც წყალი უხვად იყოს ხელმისაწვდომი.
2. ვუდუსა და ღუსლში წყლის მოხმარების შემცირების სასურველობა საჭიროების შესაბამისად, რაც არის მოციქულის (ალლაჰის ლოცვა და მშვიდობა მას) გზა.
3. მიზანი ის არის რომ პატარა და დიდი განბანვა იქნეს საფუძლიანად შესრულებული სუნნებისა და ადაბის გათვალისწინებით,უზომოდ გაფლანგვის გარეშე და ზედმეტი ეკონომიის გარეშე, ხოლო ყურადღება ექცეოდეს დროს, წყლის რაოდენობას — იქნება ეს უხვი თუ მცირე — და სხვა მსგავს გარემოებებს.
4. ჯუნუბი ნიშნავს მდგომარეობას, რომელიც წარმოიშობა სპერმის გამოყოფის ან სქესობრივი კავშირის შედეგად. ამ მდგომარეობას ასე ეწოდება, რადგან ადამიანი, ვინც ამ მდგომარეობაშია, თავს იკავებს ლოცვისა და სხვა თაყვანისცემის აქტებისგან, სანამ არ განიწმინდება მისგან.
5. სა‘ა: ცნობილი საზომი ერთეულია, და ამ შემთხვევაში იგულისხმება ის სა‘ა, რომელიც გავრცელებული იყო მოციქულის (ალლაჰის ლოცვა და მშვიდობა მას) დროს. ის უდრიდა 480 მისყალს ხარისხიანი ხორბლისა, რაც ლიტრებში შეესაბამება დაახლოებით 3 ლიტრს.
6. მუდი (المدّ) — ეს არის შარიათით განსაზღვრული საზომი ერთეული. ის შეესაბამება იმ რაოდენობას, რაც ეტევა საშუალო ტანის მქონე ადამიანის ორ ხელისგულზე, როცა ის მათ აავსებს და წინ გაიწვდის. მუდი შეადგენს სა‘ის (صاع) მეოთხედს — ფუყაჰების ერთსულოვანი თანხმობით. მისი მოცულობა შეადგენს დაახლოებით 750 მილილიტრს.