Sabuntawa: Kada ku tsine masa, na rantse da Allah ban san wani abu daga gare shi ba sai dai yana son Allah da ManzonSa

عَنْ عُمَرَ بْنِ الخَطَّابِ رَضِيَ اللَّهُ عَنْهُ:
أَنَّ رَجُلًا عَلَى عَهْدِ النَّبِيِّ صَلَّى اللهُ عَلَيْهِ وَسَلَّمَ كَانَ اسْمُهُ عَبْدَ اللَّهِ، وَكَانَ يُلَقَّبُ حِمَارًا، وَكَانَ يُضْحِكُ رَسُولَ اللَّهِ صَلَّى اللهُ عَلَيْهِ وَسَلَّمَ، وَكَانَ النَّبِيُّ صَلَّى اللهُ عَلَيْهِ وَسَلَّمَ قَدْ جَلَدَهُ فِي الشَّرَابِ، فَأُتِيَ بِهِ يَوْمًا فَأَمَرَ بِهِ فَجُلِدَ، فَقَالَ رَجُلٌ مِنَ القَوْمِ: اللَّهُمَّ الْعَنْهُ، مَا أَكْثَرَ مَا يُؤْتَى بِهِ؟ فَقَالَ النَّبِيُّ صَلَّى اللهُ عَلَيْهِ وَسَلَّمَ: «لاَ تَلْعَنُوهُ، فَوَاللَّهِ مَا عَلِمْتُ أَنَّهُ يُحِبُّ اللَّهَ وَرَسُولَهُ».
[صحيح] - [رواه البخاري] - [صحيح البخاري: 6780]

Daga Umar Ibnul Khaɗɗab - Allah Ya yarda da shi -:
Cewa wani mutum a zamanin Manzon Allah - tsira da amincin Allah su tabbata agare shi - sunansa Abdullahi, kuma ya kasance ana yi masa laƙabi da jaki, ya kasance yana sa Manzon Allah - tsira da amincin Allah su tabbata agare shi - dariya, Annabi - tsira da amincin Allah su tabbata agare shi - ya kasance ya yi masa bulala saboda giya, sai aka zo da shi wata rana sai ya sa aka yi masa bulala, sai wani mutum daga cikin mutanen ya ce: Ya Allah Ka tsine masa, ina mamakin yawan abin da ake zuwa da shi saboda shi?! sai Annabi - tsira da amincin Allah su tabbata agare shi - ya ce: "Kada ku tsine masa, na rantse da Allah ban san wani abu daga gare shi ba sai dai yana son Allah da ManzonSa".
[Ingantacce ne] - [Buhari ne ya rawaito shi] - [صحيح البخاري - 6780]

Bayani

A zamanin Annabi - tsira da amincin Allah su tabbata agare shi - akwai wani mutum sunansa Abdullahi, ana yi masa laƙabi da jaki, ya kasance yana sa Annabi - tsira da amincin Allah su tabbata agare shi - dariya a cikin wasu daga cikin kalamansa, (Annabi) tsira da amincin Allah su tabbata agare shi ya kasance ya yi masa bulala saboda giya, sai wata rana aka zo da shi ya sha giya sai ya sa aka yi masa bulala. Sai wani daga cikin mahalarta ya zage shi, ya ce: Allah Ya tsine masa, ya mamakin yawan zuwan da ake yi da shi ya sha giya?! sai (Annabi) tsira da amincin Allah su tabbata agare shi ya ce: Kada ku yi masa mummunar addu'ar korewa daga rahamar Allah, na rantsae da Allah ban san wani abuba daga gare shi sai cewa shi yana son Allah da ManzonSa.

Daga Cikin Fa idodin Hadisin

1. Babu korewa tsakanin aikata abin da aka hana da kuma tabbacin son Allah da MaznonSa a cikin zuciyar mai aikata laifin; domin shi - tsira da amincin Allah su tabbata agare shi - ya bada labarin cewa wanda aka ambata yana son Allah da ManzonSa tare da abin da ya bijiro daga gare shi .
2. Mai aikata babban laifi idan ya mutu alhali shi yana nacewa akan wani abu na laifin, to yana ƙarƙashin mashi'a, idan Allah Ya so Ya yi masa gafara idan Ya so kuma Ya yi masa azaba, babu wani mutum daga cikin musulmai da za'a dawwamar da shi a cikin wuta.
3. Hanin tsinewa mashayin giya da sunansa; dan yi wuwar samuwar wani abu mai hanawa daga riskuwar tsinuwar; domin tsinewa wani mutum da sunansa da yi masa mummunar addu'a zai iya sa shi ci gaba, ko ya sa shi yanke ƙauna daga karɓar tuba.
4. Halaccin tsinewa wanda ba’a ayyana sunansa ba wanda kuma ya siffantu da hakan.