فەرموودە: بەدڵنیاییەوە ئەو پاداشتەی چاوەڕێی دەکەیت؛ پێت دەبەخشرێت

عن أبي بن كعب رضي الله عنه قال: كان رجل من الأنصار لا أعلم أحدا أبعد من المسجد منه، وكانت لا تخطئه صلاة، فقيل له: لو اشتريت حمارا لتركبه في الظلماء وفي الرمضاء، قال: ما يسرني أن منزلي إلى جنب المسجد، إني أريد أن يكتب لي ممشاي إلى المسجد، ورجوعي إذا رجعت إلى أهلي. فقال رسول الله صلى الله عليه وسلم : «قد جمع الله لك ذلك كله»
[صحيح] - [رواه مسلم]

ئەم وەرگێڕاوە پێویستی بە پێداچوونەوە و وردبوونەوەی زیاتر هەیە.

لە ئوبەی کوڕی کەعبەوە -ڕەزای خوای لێبێت- دەڵێت: «پیاوێک لە ئەنساڕەکان، ئەوەندەى من بزانم، کەس نییە هێندەی ئەو ماڵی لە مزگەوت دوور بێت، هەرگیز هیچ نوێژێکی لە دەست نەدەچوو (بە جەماعەت)، پێی ووترا: ئەگەر گوێدرێژێک بکڕی بۆ ئەوەى سواری ببیت لە تاریکی وگەرمادا (بۆت باشتر دەبوو)، ئەویش ووتی: «من حەزم بەوە نییە ماڵم نزیکی مزگەوت بێت، من دەمەوێت پاداشتی هەنگاوەکانی هاتنم بەرەو مزگەوت وگەڕانەوەم (لە مزگەوتەوە) بەرەو ماڵ بۆ بنووسرێت»، لەسەر ئەم باسە پێغەمبەر -صلى اللە علیە وسلم- فەرمووی: «بەدڵنیاییەوە، خواى گەورە هەموو ئەوانەت پێت دەبەخشێت».
[صەحیحە] - [موسلیم گێڕاویەتیەوە]

شیکردنەوە

هەنگاوەکانى چوون بۆ مزگەوت وگەڕانەوە لە مزگەوتەوە بۆ ماڵ ئەگەر مرۆڤ هیوای پاداشتی هەبێت وداواى پاداشت بکات لەسەر ئەو هەنگاوانە ئەوا خواى گەورە پاداشتی بۆ دەنووسێت، لەم فەرموودەیەدا باسی پیاوێک هاتووە کە ماڵی دوور بووە لە مزگەوت، ولە شوێنێکی دوورەوە دەهات بۆ مزگەوت، وداواى پاداشتی دەکرد لە خواى گەورە لەسەر هەنگاوەکانى هاتن بۆ مزگەوت وگەڕانەوە لە مزگەوتەوە بۆ ماڵ، هەندێک خەڵک پێیان ووت: ئەگەر گوێدرێژێک بکڕێت بۆ خۆت باشترە بۆ ئەوەى سواری ببیت لە تاریکی وگەرمادا، مەبەستیان لە تاریکی: نوێژی بەیانی وعیشایە، و گەرما: مەبەستیان نوێژی نیوەڕۆ وعەسرە کە کەش وهەوا زۆر بەتین وگەرم دەبێت بە تایبەت لە هاویندا و زیاتریش لە حیجازدا، ئەویش -ڕەزاى خواى لێبێت- ووتی: حەز ناکەم ماڵم نزیکی مزگەوت بێت؛ واتا ئاسوودەیە بەوەى ماڵەکەى دوورە لە مزگەوت، چونکە هەنگاوی زۆر دەنێت بۆ هاتن بۆ مزگەوت وگەڕانەوە لە مزگەوتەوە بۆ ماڵ، وئەگەر ماڵی نزیکی مزگەوت بێت ئەوا ئەم هەنگاوە زۆرانەی بۆ نانووسرێت، وڕوونی کردەوە کە ئەو هیوای ئەوەیە وداوا دەکات لە خواى گەورە کە پاداشتی هەنگاوەکانى هاتن بۆ مزگەوت وگەڕانەوەى لە مزگەوەتەوە بۆ ماڵی بۆ بنووسرێت، پێغەمبەر -صلى اللە علیە وسلم- پێی فەرموو: (بەدڵنیاییەوە، خواى گەورە هەموو ئەوانەت پێدەبەخشێت) واتا: خواى گەورە ئەو هەموو پاداشتەت بۆ دەنووسێت وپێت دەبەخشێت کە تۆ هیوات پێی هەیە وداواى دەکەیت لەسەر هاتن بۆ مزگەوت وگەڕانەوەت لە مزگەوتەوە بۆ ماڵ. ولە گێڕانەوەیەکدا فەرمووی: (بەدڵنیاییەوە ئەو پاداشتەی چاوەڕێی دەکەیت؛ پێت دەبەخشرێت).