হাদীছ: ফৰজ নামাজৰ ইকামত হোৱাৰ পিছত, সেই ফৰজ নামাজৰ বাহিৰে বেলেগ আন কোনো নামাজ নহয়।
عَنْ أَبِي هُرَيْرَةَ رَضِيَ اللهُ عَنْهُ عَنِ النَّبِيِّ صلَّى اللَّهُ عليْه وسلَّمَ، قَالَ:
«إِذَا أُقِيمَتِ الصَّلَاةُ فَلَا صَلَاةَ إلَّا المَكْتُوبَةُ».
[صحيح] - [رواه مسلم] - [صحيح مسلم: 710]
المزيــد ...
আবু হুৰাইৰাহ ৰাদ্বিয়াল্লাহু আনহুৰ পৰা বৰ্ণিত, নবী চাল্লাল্লাহু আলাইহি অছাল্লামে কৈছেঃ
"ফৰজ নামাজৰ ইকামত হোৱাৰ পিছত, সেই ফৰজ নামাজৰ বাহিৰে বেলেগ আন কোনো নামাজ নহয়।"
[ছহীহ] - [(মুছলিম)] - [ছহীহ মুছলিম - 710]
নবী চাল্লাল্লাহু আলাইহি অছাল্লামে হাদীছটোত মছজিদত থকা লোকসকলক নিষেধ কৰি কৈছে যে, ফৰজ নামাজৰ ইকামত হোৱাৰ পিছত কোনেও যাতে নফল তথা ছুন্নত নামাজ আৰম্ভ নকৰে।
হাদীছৰ পৰা সংগৃহীত উপকাৰিতাসমূহ
- মছজিদত থকা অৱস্থাত ফৰজ নামাজৰ ইকামত হোৱাৰ পিছত বেলেগ কোনো নফল তথা ছুন্নত নামাজ পঢ়া নিষেধ।
- ফৰজ নামাজৰ ইকামত হোৱাৰ পিছত যিকোনো নফল নামাজ আৰম্ভ কৰা নিষিদ্ধ, সেয়া ছুনানে ৰাৱাতিবে নহওক কিয়, যেনে- ফজৰ, জোহৰ আদি নামাজৰ ছুন্নত।
- যদি কোনোবাই নামাজ পঢ়ি আছে সেই সময়তে ইকামত হৈ যায়, আৰু তাৰ এক ৰাকাততকৈ কম বাকি থাকে, তেন্তে সেই ব্যক্তিয়ে চুটিকৈ নামাজটো পঢ়ি শেষ কৰা উচিত। অন্যথা যদি এক ৰাকাততকৈ বেছি থাকে তেন্তে নামাজ ভংগ কৰি জামাআতত চামিল হোৱা উচিত, যাতে তাকবীৰে তাহৰীমাৰ ফজীলত অৰ্জন কৰিব পাৰে।
শ্ৰেণীবিন্যাসসমূহ
অধিক
- হাদীছ: এজন অন্ধ লোকে নবী চাল্লাল্লাহু আলাইহি অছাল্লামৰ ওচৰত আহি নিবেদন কৰিলে যে, ‘হে আল্লাহৰ ৰাছুল! মোক মছজিদত লৈ আনিব পৰা কোনো মানুহ নাই।’ এতেকে সেই ব্যক্তিয়ে নিজৰ ঘৰত চালাত আদায় কৰিবলৈ আল্লাহৰ ৰাছুল চাল্লাল্লাহু আলাইহি অছাল্লামৰ ওচৰত অনুমতি বিচাৰিলে। ফলত তেখেতেও তেওঁক অনুমতি প্ৰদান কৰিলে। কিন্তু যেতিয়া তেওঁ উভতি যাবলৈ ধৰিলে, তেতিয়া তেখেতে তেওঁক মাতি ক’লে, ‘‘তুমি আজান শুনা পোৱানে?’’ তেওঁ ক’লে, ‘হয়, শুনা পাওঁ।’ তেখেতে ক’লে, ‘‘তেনেহ’লে তুমি সঁহাৰি দিয়া।’’ [অর্থাৎ মছজিদলৈ আহি চালাত আদায় কৰা।]
- হাদীছ: বজাৰত বা ঘৰত অকলশৰীয়াকৈ পঢ়া নামাজৰ তুলনাত জামাতত আদায় কৰা নামাজৰ ছোৱাব বিছতকৈও অধিক গুণ বেছি।
- হাদীছ: পুৰুষসকলৰ বাবে সৰ্বোত্তম শাৰী হৈছে প্ৰথম শাৰী, আৰু বেয়া শাৰী হৈছে একেবাৰে শেষৰ শাৰী। আনহীতে নাৰীসকলৰ ক্ষেত্ৰত সৰ্বোত্তম শাৰী হৈছে একেবাৰে শেষৰ শাৰী, আৰু বেয়া শাৰী হৈছে প্ৰথম শাৰী।
- হাদীছ: এই দুটা নামাজ মুনাফিকসকলৰ বাবে খুবেই কঠিন। যদি সিহঁতে জানিলেহেঁতেন যে ইয়াত কিমান ছোৱাব আছে তেন্তে সিহঁত নিশ্চয় আহিলহেঁতেন, আনকি আঁঠু আৰু হাতৰ ওপৰত ভৰ কৰি চোঁচৰি আহিব লগা হ'লেও আহিলহেঁতেন।
- হাদীছ: যিয়ে (কেঁচা) নহৰু অথবা (কেঁচা) পিঁয়াজ খাইছে, সি যেন আমাৰ পৰা আঁতৰি থাকে, - অথবা তেখেতে কৈছিলঃ আমাৰ মছজিদৰ পৰা যেন আঁতৰি থাকে আৰু নিজৰ ঘৰতে যেন অৱস্থান কৰে।
- হাদীছ: যি ব্যক্তিয়ে পুৱা-গধূলি মছজিদলৈ যায় আৰু যিমানবাৰ যায়, সিমান বাৰেই আল্লাহে তেওঁৰ বাবে জান্নাতত আপ্যায়ন সামগ্ৰী প্ৰস্তুত কৰে।
- হাদীছ: তোমালোকৰ অকলশৰীয়া নামাজতকৈ জামাআতত পঢ়া নামাজ পচিছ গুণ বেছি উত্তম। ফজৰৰ সময়ত ৰাতিৰ ফিৰিস্তা আৰু দিনৰ ফিৰিস্তা একত্ৰিত হয়।