Pagpapanibago: O `Ā’ishah, tunay na si Allāh ay Malumay na umiibig sa kalumayan at nagbibigay Siya dahil sa kalumayan ng hindi Niya ibinibigay dahil sa karahasan at ng hindi Niya ibinibigay dahil sa iba rito."}

عَنْ عَائِشَةَ أُمِّ المُؤْمِنين رضي الله عنها زَوْجِ النَّبِيِّ صَلَّى اللهُ عَلَيْهِ وَسَلَّمَ أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ:
«يَا عَائِشَةُ إِنَّ اللهَ رَفِيقٌ يُحِبُّ الرِّفْقَ، وَيُعْطِي عَلَى الرِّفْقِ مَا لَا يُعْطِي عَلَى الْعُنْفِ، وَمَا لَا يُعْطِي عَلَى مَا سِوَاهُ».
[صحيح] - [رواه مسلم] - [صحيح مسلم: 2593]

Ang saling ito ay nangangaiangan ng daddag na pagrerepaso at pagtutumpak..

Ayon kay `Ā'ishah na Ina ng mga Mananampalataya (malugod si Allāh sa kanya), na maybahay ng Propeta (basbasan siya ni Allāh at pangalagaan): {Ang Sugo ni Allāh (basbasan siya ni Allāh at pangalagaan) ay nagsabi:
"O `Ā’ishah, tunay na si Allāh ay Malumay na umiibig sa kalumayan at nagbibigay Siya dahil sa kalumayan ng hindi Niya ibinibigay dahil sa karahasan at ng hindi Niya ibinibigay dahil sa iba rito."}
[Tumpak] - [Nagsalaysay nito si Imām Muslim] - [صحيح مسلم - 2593]

Ang pagpapaliwanag

Hinimok ng Propeta (basbasan siya ni Allāh at pangalagaan) sa Ina ng mga Mananampalataya na si `Ā'ishah (malugod si Allāh sa kanya) ang pagkamalumay yayamang si Allāh ay Malumay na Mabait sa mga lingkod Niya, na nagnanais sa kanila ng ginhawa at hindi nagnanais sa kanila ng hirap. Kaya naman hindi Siya nag-aatang sa kanila ng higit sa kakayahan nila. Nakaiibig Siya na magtaglay ang lingkod Niya ng katangian ng kabanayaran ng sarili at paggamit ng kadalian kaya ito ay hindi magiging isang mabagsik na magaspang. Si Allāh (napakataas Siya) ay nagbibigay dahil sa kalumayan at kabanayaran sa Mundo ng marikit na pagbubunyi, pagkatamo ng mga hinihiling, at pagpapadali ng mga pinapakay; at sa Kabilang-buhay ng masaganang gantimpala, higit kaysa ibinibigay Niya resulta ng karahasan, katindihan, at kagaspangan sapagkat ang kalumayan ay dumarating kasama nito sa hindi dumarating kasama ng iba pa rito.

من فوائد الحديث

1. Ang paghimok sa kalumayan at ang pagsaway laban sa karahasan.
2. Ang kataasan ng antas ng kalumayan sa pagitan ng mararangal sa mga kaasalan.
3. Ang malumay ay nagiging karapat-dapat sa marikit na pagbubunyi at masaganang pabuya mula kay Allāh (napakataas Siya).
4. Nagsabi si As-Sindīy: Ang karahasan ay kontra sa kalumayan. Ibig sabihin: ang sinumang nag-aanyaya sa mga tao tungo sa patnubay nang may kalumayan at pagpapakabait ay higit na mabuti kaysa sa sinumang nag-aanyaya nang may karahasan at katindihan kapag ang lugar ay tumatanggap ng dalawang katangiang ito at kung hindi naman, naoobliga ang tinatanggap ng lugar. Si Allāh ay higit na maalam sa pagkatotoo ng kalagayan.