فەرموودە: کەفارەتی نەزر کردن وەکو کەفارەتی سوێند خواردنە
عَنْ عُقْبَةَ بْنِ عَامِرٍ رَضيَ اللهُ عنه عَنْ رَسُولِ اللهِ صَلَّى اللهُ عَلَيْهِ وَسَلَّمَ قَالَ:
«كَفَّارَةُ النَّذْرِ كَفَّارَةُ اليَمِينِ».
[صحيح] - [رواه مسلم] - [صحيح مسلم: 1645]
المزيــد ...
لە عوقبە کوڕی عامرەوە -ڕەزای خوای لێبێت- کە پێغەمبەری خودا -صلى اللە علیە وسلم- دەفەرموێت:
«کەفارەتی نەزر کردن وەکو کەفارەتی سوێند خواردنە».
[صەحیحە] - [موسلیم گێڕاویەتیەوە] - [صحيح مسلم - 1645]
پێغەمبەر -صلى الله عليه وسلم- ڕوونی کردەوە کە کەفارەتی نەزری ڕەها؛ ئەگەر دیاری نەکرابێت کە چی مەبەستە لێی و ناوی نەهێنرا بێت: ئەوا كەفارەتەكەی وەكو کەفارەتی سوێندە.
لە سوودەکانی فەرموودەکە
- نەزر: لە شەریعەتدا: بریتییە لەوەی کەسێکی پێسپێردراو (موكەلەف:مکلَّف) خۆی پابەند بكات بە شتێك بۆ جێبەجێكردنی لە پێناو خوای گەورە.
- کەفارەتی سوێند (شكاندنی سوێند): بریتییە لە تێرکردنی دە هەژار، یان دابینکردنی پۆشاک بۆیان، یان ئازادکردنی بەندەیەك لە کۆیلایەتی، ئەگەر توانای هیچ کام لەمانەی نەبوو؛ ئەوا سێ ڕۆژ بەڕۆژوو دەبێت.
- حیکمەت ودانایی کەفارەتدان لەسەر نەزر؛ بۆئەوەیە مسوڵمان ڕێز لە نەزر کردن بگرێت ودووبارە بۆی نەگەڕێتەوە، ونابێت لەسەر زمانى بێت.
- جۆرەکانی نەزر كردن : 1- نەزری گشتی (ڕەها): وەکو ئەوەی بڵێت: (نەزرێکم لەسەرە بۆ خودا ئەگەر چاک بوومەوە) و بێدەنگ بێت و نیەتی هیچ نەزرێکی دیاریکراوی لە دڵدا نەبێت، ئەوا ئەگەر چاکبوویەوە کەفارەتی سوێندی لەسەرە. 2- نەزری سەرسەختی و تووڕەیی: بریتییە لەوەی نەزرەکە بە مەرجێکەوە ببەستێتەوە، و مەبەستی ڕێگریکردن بێت لە کردنی شتێک یان هاندان بێت بۆ کردنی، وەک ئەوەی بڵێت: (ئەگەر قسەم لەگەڵ کردی، مانگێک بەڕۆژووبوونم لەسەر بێت)؛ حوکمەکەی: سەرپشک دەکرێت لە نێوان جێبەجێکردنی ئەوەی لەسەر خۆی پێویستی کردووە، یان کەفارەتی سوێند بدات ئەگەر قسەی لەگەڵدا کرد. 3- نەزری ڕێگەپێدراو: وەکو: (بۆ خودا -نەزرێكم- لەسەر بێت ئەگەر جلەکەم لەبەر بکەم)؛ حوکمەکەی: سەرپشک دەکرێت لە نێوان لەبەرکردنی جلەکە، یان پێدانی کەفارەتی سوێند. 4- نەزری مەکروهـ: وەکو: (بۆ خودا -نەزرێكم- لەسەرە كە ژنەکەم تەڵاق بدەم)؛ حوکمەکەی: سوننەتە کەفارەتی سوێند بدات و ئەوەی نەزری لەسەر کردووە ئەنجامی نەدات، و ئەگەر ئەنجامی دا؛ ئەوا کەفارەتی لەسەر نییە. 5- نەزری تاوان: وەکو: (بۆ خودا -نەزرێكم- لەسەرە كە دزی بکەم)؛ حوکمەکەی: حەرامە جێبەجێی بکات و پێویستە کەفارەتی سوێند بدات، و ئەگەر ئەنجامی بدات؛ ئەوا گوناهبار دەبێت و کەفارەتی لەسەر نییە. 6- نەزری گوێڕایەڵی: وەکو: (بۆ خودا -نەزرێكم- لەسەرە كە ئەوەندە نوێژ بکەم)؛ بە مەبەستی نزیکبوونەوە لە خودا، ئەگەر بە مەرجێک بیبەستێتەوە وەک چاکبوونەوەی نەخۆشێک؛ ئەوا واجبە جێبەجێی بکات ئەگەر مەرجەکە هاتە دی، و ئەگەر بە هیچ مەرجێک نەیبەستێتەوە؛ ئەوا جێبەجێکردنی نەزرەكە واجبە بەشێوەیەكی ڕەها.
پۆلێنکردنەکان
زیاتر
- فەرموودە: پێغەمبەر -صلى اللە علیە وسلم- نەهی کردووە لە نەزر کردن، وفەرمووی: بە دڵنیاییەوە نەزر کردن خێر ناهێنێت، بەڵکو تەنها هەندێک شت بەهۆیەوە لە کەسی ڕەزیل دەردەهێنرێت
- فەرموودە: من والله بە ویستی خوای گەورە، سوێند بخۆم لە سەر شتێک، کە ببینم جگە لەوە باشترە؛ ئەوا ئەوەیان کە باشترە جێبەجێی دەکەم، وکەفارەتی سوێندەکەم دەدەم
- فەرموودە: ئەوەی سوێند بخوات کە ئەگەر سوێندەکەی جێبەجێ نەبێت ئەوا لە سەر ئاینێکە جگە لە ئاینی ئیسلام بە درۆ یان بە ئەنقەستەوە بیڵێت؛ ئەوا خۆی لەسەر ئەو ئاینەیە کە وتوویەتی
- فەرموودە: هەرکەسێک بە ستەم بستێک زەوی داگیر بکات؛ ملی تەوق دەکرێت بە حەوت چینی ناخی زەویدا
- فەرموودە: هەرکەسێک سوێندی خوارد، و ووتی: من پەیوەندیم بە ئیسلامەوە نەماوە وبەریئم لێی، ئەگەر درۆ بکات؛ ئەوا خۆی بەو شێوەیە کە وتوویەتی، وئەگەر ڕاست بکات؛ ئەوا بە سەلامەتی ناگەڕێتەوە بۆ ئیسلام
- فەرموودە: سەعدی کوڕی عوبادە داواى فەتوادانى لە پێغەمبەر -صلى اللە علیە وسلم- کرد سەبارەت بە نەزرێک کە لەسەر دایکی کە دەبوو جێبەجێی بکات، بۆیە کۆچی دوایی کرد بێ ئەوەى نەزرەکەى جێبەجێ بکات، پێغەمبەر -صلى اللە علیە وسلم- فەرمووی: لە جیاتی ئەو (نەزرەکە) جێبەجێی بکە
- فەرموودە: هەرکەسێک سوێندێک کە لەسەریەتی بە درۆوە بیخوات بۆ زەوتکردنی سامانى مسوڵمانێک بە ناهەق؛ ئەوا بە خواى گەورە دەگات وئەو (زاتە) لێی توڕەیە