فەرموودە: کەفارەتی نەزر کردن وەکو کەفارەتی سوێند خواردنە
عن عقبة بن عامر رضي الله عنه عن رسول الله صلى الله عليه وسلم قال: «كَفَّارَةُ النَّذْرِ كفارةُ اليَمِين».
[صحيح] - [رواه مسلم]
المزيــد ...
لە عوقبە کوڕی عامرەوە -ڕەزای خوای لێبێت- کە پێغەمبەری خودا -صلى اللە علیە وسلم- دەفەرموێت: «کەفارەتی نەزر کردن وەکو کەفارەتی سوێند خواردنە».
[صەحیحە] - [موسلیم گێڕاویەتیەوە]
شیکردنەوەى فەرموودەکە: کەفارەتی نەزر کردن وەکو کەفارەتی سوێند خواردنە؛ ئەم کەفارەتەش بریتیە لە: -خواردن بەخشین بە دە هەژار، یان دابینکردنی جل وبەرگ بۆیان، یان ئازادکردنی بەندەیەک -کۆیلەیەک- لە کۆیلایەتی، ئەگەر کەسەکە نەیتوانى یەکێک لەمانە ئەنجامبدات ئەوا دەبێت سێ ڕۆژ بەڕۆژوو بێت، ئەمە ئەگەر کەسەکە نەزرەکەى جێبەجێ نەکرد، وئەو نەزرانەى مەبەستن چەند جۆرێکن: 1- نەزری دیاری نەکراو، وەکو ئەوەى بڵێت: نەرزێک لەسەرمە بۆ خواى گەورە، وناوێکی هیچ شتێک نەهێنێت، یان نەزرێک لەسەرمە بۆ خواى گەورە ئەگەر ئاوا وئاوا ڕووبدات، ئەگەر ئەم نەزرەى جێبەجێ نەکرد ئەوا دەبێت کەفارەتەکەى بدات. 2- نەزر بکات بۆ کردنی تاوانێک، یان وازهێنان لە واجبێک لە واجبەکان کە لەسەریەتی جێبەجێی بکات، لەم حاڵەتەدا نابێت نەزرەکە جێبەجێ بکات چونکە تاوانە وهەروەها دەبێت کەفارەتەکەى بدات بەهۆی ئەم فەرموودەیە: پێغەمبەر -صلى اللە علیە وسلم- دەفەرموێت: (لا نذر في معصية وكفارته كفارة يمين) [رواه الخمسة وصححه الألباني] واتە: (هیچ نەزرێک جێبەجێ ناکرێت لە کردنی تاواندا، وکەفارەتەکەى کەفارەتی سوێند خواردنە). 3- نەزرێک بکات کە زۆر قورس وناڕەحەتە لەسەری؛ وەکو پەرستنێکی بەردەوام، یان بەخشینێکی زۆر لە سامان، لێرەدا ئەگەر نەزرەکەى جێبەجی نەکرد دەبێت کەفارەتەکەى بدات هەروەکو لەم گێڕانەوەیەدا هاتووە: (عن عائشة -رضي الله عنها- في رجلٍ جعل ماله للمساكين صدقة، فقالت: كفارة يمين) [أخرجه البيهقي] واتە: (لە عائیشەوە هاتووە -ڕەزاى خواى لێبێت- سەبارەت بە پیاوێک کە نەزری کردبوو -هەندێک- لە سامانەکەى وەکو خێر ببەخشێت بە هەژار -واتا ناتوانێت بەردەوام بێت لەسەر ئەم نەزرە-، عائیشە ووتی: کەفارەتەکەى -کەفارەتی- سوێند خواردنە). 4- نەزری ئەنجامدانى کردەوە چاکەکان وەکو نوێژ، وڕۆژوو، وحەج وعومرە کردن، بە مەبەستی نزیکبوونەوە لە خواى گەورە -سبحانه وتعالى-، با نەزرەکەى جێبەجێ بکات، ئەگەر نەزرەکەى دیاری نەکراو بێت، یان بیبەستێتەوە بە بەدەستهێنانى نیعمەتێک یان نەمانى ناخۆشییەک، وەکو ئەوەى بڵێت: ئەگەر خواى گەورە شیفام بدات لەو نەخۆشییە، یان فڵان کەس بگەڕێتەوە، وهاوشێوەى ئەمانە؛ ئەوا نەزر بێت لەسەرم ئەمە وئەوە ئەنجام بدەم، یان سوێند بخوات بە مەبەستی نزیکبوونەوە لە خواى گەورە وەکو ئەوەى بڵێت: ئەگەر سامانەکەم بۆ بگەڕێتەوە وپارێزراو بێت ئەوا ئەوەندە وئەوەندە دەکەمە خێر، لێرەدا با نەزرەکەى جێبەجی بکات ئەگەر مەرج وحاڵەت گونجاو بوو.
پۆلێنکردنەکان
زیاتر
- فەرموودە: پێغەمبەر -صلى اللە علیە وسلم- نەهی کردووە لە نەزر کردن، وفەرمووی: بە دڵنیاییەوە نەزر کردن خێر ناهێنێت، بەڵکو تەنها هەندێک شت بەهۆیەوە لە کەسی ڕەزیل دەردەهێنرێت
- فەرموودە: من والله بە ویستی خوای گەورە، سوێند بخۆم لە سەر شتێک، کە ببینم جگە لەوە باشترە؛ ئەوا ئەوەیان کە باشترە جێبەجێی دەکەم، وکەفارەتی سوێندەکەم دەدەم
- فەرموودە: ئەوەی سوێند بخوات کە ئەگەر سوێندەکەی جێبەجێ نەبێت ئەوا لە سەر ئاینێکە جگە لە ئاینی ئیسلام بە درۆ یان بە ئەنقەستەوە بیڵێت؛ ئەوا خۆی لەسەر ئەو ئاینەیە کە وتوویەتی
- فەرموودە: هەرکەسێک بە ستەم بستێک زەوی داگیر بکات؛ ملی تەوق دەکرێت بە حەوت چینی ناخی زەویدا
- فەرموودە: هەرکەسێک سوێندی خوارد، و ووتی: من پەیوەندیم بە ئیسلامەوە نەماوە وبەریئم لێی، ئەگەر درۆ بکات؛ ئەوا خۆی بەو شێوەیە کە وتوویەتی، وئەگەر ڕاست بکات؛ ئەوا بە سەلامەتی ناگەڕێتەوە بۆ ئیسلام
- فەرموودە: سەعدی کوڕی عوبادە داواى فەتوادانى لە پێغەمبەر -صلى اللە علیە وسلم- کرد سەبارەت بە نەزرێک کە لەسەر دایکی کە دەبوو جێبەجێی بکات، بۆیە کۆچی دوایی کرد بێ ئەوەى نەزرەکەى جێبەجێ بکات، پێغەمبەر -صلى اللە علیە وسلم- فەرمووی: لە جیاتی ئەو (نەزرەکە) جێبەجێی بکە
- فەرموودە: هەرکەسێک سوێندێک کە لەسەریەتی بە درۆوە بیخوات بۆ زەوتکردنی سامانى مسوڵمانێک بە ناهەق؛ ئەوا بە خواى گەورە دەگات وئەو (زاتە) لێی توڕەیە