නබි වදන: භාරයක් සඳහා වන ප්රතිකර්මය දිවුරුමක් සඳහා වන ප්රතිකර්මයට සමානය
عَنْ عُقْبَةَ بْنِ عَامِرٍ رَضيَ اللهُ عنه عَنْ رَسُولِ اللهِ صَلَّى اللهُ عَلَيْهِ وَسَلَّمَ قَالَ:
«كَفَّارَةُ النَّذْرِ كَفَّارَةُ اليَمِينِ».
[صحيح] - [رواه مسلم] - [صحيح مسلم: 1645]
المزيــد ...
අල්ලාහ්ගේ දූතයාණන් (සල්ලල්ලාහු අලයිහි වසල්ලම්) ප්රකාශ කළ බව උක්බත් ඉබ්නු ආමිර් (රළියල්ලාහු අන්හු) තුමා විසින් මෙසේ වාර්තා කරන ලදී.
"භාරයක් සඳහා වන ප්රතිකර්මය දිවුරුමක් සඳහා වන ප්රතිකර්මයට සමානය."
[පූර්ව සාධක සහිත හදීසයකි] - [ඉමාම් මුස්ලිම් එය වාර්තා කර ඇත] - [صحيح مسلم - 1645]
නියත භාරයක් සඳහා වන ප්රතිකර්මය එහි දී නිශ්චිතව එය කුමක් දැයි නියම කර නොමැති නම් සහ එය නම් කර නොමැති නම්, එය දිවුරුමක් සඳහා වන ප්රතිකර්මය බව නබි (සල්ලල්ලාහු අලෙයිහි වසල්ලම්) තුමාණෝ පැහැදිලි කළහ.
හදීසයේ හරය
- අන්-නද්ර් හෙවත් භාරය ආගමික වශයෙන් ගත් කල සර්වබලධාරි අල්ලාහ් උදෙසා යමක් කිරීමට නීත්යානුකූලව වගකිව යුතු පුද්ගලයෙකුට බැඳී ඇති දෑය.
- දිවුරුම කඩ කිරීම සඳහා වන ප්රතිකර්මය දුප්පතුන් දස දෙනෙකුට ආහාර සැපයීම හෝ ඔවුන්ට ඇඳුම් ලබා දීම හෝ වහලෙකු වහල්භාවයෙන් නිදහස් කිරීමයි. යමෙකුට එසේ කිරීමට නොහැකි නම්, දින තුනක් උපවාසයේ යෙදිය යුතුය.
- එසේ ප්රතිකර්මයක් ලබා දීම පිටුපස ඇති ප්රඥාව නම්, මුස්ලිම්වරයෙකු භාරයට ගරු කළ යුතු අතර නැවත ඒ වෙත නො යා යුතුය. ඔහුගේ දිවේ එය රැඳී නොතිබිය යුතුය.
- භාර වර්ග: 1. නිරපේක්ෂ භාරය: "මම සුවය ලැබුවහොත් අල්ලාහ්ට භාරයක් දෙමි" යනුවෙන් පැවසීම සහ විශේෂිත භාරයක් සඳහන් නොකර නිහඬව සිටීම වැනිය. එවිට සුවය ලැබීමෙන් පසු දිවුරුම් කඩ කිරීම සඳහා වන ප්රතිකර්මය ඔහු ඒ සඳහා ලබා දිය යුතුය. 2. කෝපයෙන් හෝ මුරණ්ඩුකමෙන් කරන ලද භාරය: මෙය පොරොන්දුවක් කොන්දේසි සහිතව කරන විට, යමෙකුට යමක් කිරීමට වැළැක්වීමේ හෝ බල කිරීමේ අරමුණින්, උදාහරණයක් ලෙස, "මම ඔබට කතා කළහොත්, මම මාසයක් නිරාහාරව සිටිය යුතු වේ" යනුවෙන් පැවසීම වැනිය. එහි නීතිය නම්, ඔහුගේ භාරය ඉටු කිරීම හෝ ඔහුට කතා කිරීමෙන් දිවුරුම් කඩ කිරීම සඳහා ප්රතිකර මයක් දීම අතර තේරීමක් ඇති බවයි. 3. අවසර ලත් භාරය: "මම මගේ වස්ත්රය අඳින බවට අල්ලාහ්ට දිවුරුම් දෙමි" යැයි පැවසීම වැනිය. එහි නීතිය නම්, ඇඳුම ඇඳීම හෝ දිවුරුම් කඩ කිරීම සඳහා ප්රතිකර්මය ලබා දීම අතර තේරීමක් ඇති බවයි. 4. අප්රිය (මක්රූහ්) භාරය: "මම මගේ බිරිඳ දික්කසාද කරන බවට අල්ලාහ්ට දිවුරමි." වැනිය. නීතිය නම්, දිවුරුම් කඩ කිරීම සඳහා ප්රතිකර්මය ලබා දීම සහ භාරය ඉටු නොකර සිටීමට නිර්දේශ කිරීමයි. ඔහු එය ඉටු කළේ නම්, ඒ සඳහා වන ප්රතිකර් අවශ්ය නොවේ. 5. පාපකාරී භාරය: "මම සොරකම් කරන බවට අල්ලාහ්ට දිවුරමි" වැනිය. එහි නීතිය නම්, එය ඉටු කිරීම හරාම් (තහනම්) වේ. එමෙන්ම දිවුරුම කඩ කිරීම හේතුවෙන් ප්රතිකර්මයක් ලබා දිය යුතුය. එසේ ඔහු එය සිදු කළේ නම් පාපය උපයා ගනු ඇත. නමුත් ඒ සඳහා ප්රතිකර්මය ඔහු මත පැටවෙන්නේ නැත. 6. දෙවියන්ට අවනත වීමේ කටයුත්තක භාරය: අල්ලාහ්ට සමීප වීමේ අරමුණින් (මම සලාත් ඉටු කරන බවට අල්ලාහ්ට දිවුරමි) වැනිය. ඔහු එය රෝගී පුද්ගලයෙකු සුව කිරීම වැනි කොන්දේසි සහිතව කරන්නේ නම්, එම කොන්දේසිය සපුරා ඇත්නම් එය ඉටු කිරීම අනිවාර්ය වේ. ඔහු එය කොන්දේසි සහිතව නො කරන්නේ නම්, එය පොදුවේ ඉටු කිරීම අනිවාර්ය වේ.
අමතර
- නබි වදන: සැබැවින්ම නබි (සල්ලල්ලාහු අලයිහි වසල්ලම්) තුමා භාරහාර තැබීමෙන් වැළැක්වූහ. එතුමා: “සැබැවින්ම භාරහාර තැබීම යහපතක් ගෙන දෙන්නේ නැත. එමගින් මතු වනුයේ මසුරුකම පමණය.” යැයි පැවසූහ.
- නබි වදන: අල්ලාහ් මත දිවුරා පවසමි. අල්ලාහ් අභිමත කළේ නම් සැබැවින්ම මම යමක් කිරීමට දිවුරා ඊට වඩා එය නොවන වෙනත් යහපතක් දුටුවේ නම් එම යහපත ගෙනැවිත් අනෙක අතහැර දමමි.
- නබි වදන: ඉස්ලාම් නොවන පිළිවෙතක් සම්බන්ධ දිවුරුමක් මත ව්යාජ ලෙස උවමනාවෙන්ම දිවුරා සිටින්නේ ද ඔහු පවසා සිටි පරිදිම වන්නේය.
- නබි වදන: කවරෙකු භූමියෙන් වියතක තරම් ප්රමාණයක් ඩැහැගෙන අපරාධ කළේ ද මහපොළෝ හතකින් ඔහුට තලනු ලැබේ.
- නබි වදන: කවරෙකු මම ඉස්ලාමයෙන් ඉවත් වන්නෙක්මි යැයි පවසා (යමක් සම්බන්ධයෙන්) දිවුරා සිටියේ ද, ඔහු බොරු කාරයෙක් නම් ඔහු කියූ පරිදිම එය වනු ඇත. ඔහු සත්යවාදියෙකු නම් ඔහු ඉස්ලාමය වෙත සුරක්ෂිතව නැවත යොමු වන්නේ නැත.
- නබි වදන: යම් දිවුරුමක් මත දිවුරා එමගින් ඔහු මුස්ලිම්වරයකුගේ ධනය දුෂ්ට ලෙස පැහැර ගනු පිණිස කටයුතු කරන්නේ ද අල්ලාහ් ඔහු කෙරෙහි දැඩි කෝපයෙන් යුතුව ඔහුව මුණ ගැසෙයි
- නබි වදන: වැඩිවියට පත්වීමෙන් පසු අනාථ භාවය නැත. එමෙන්ම රාත්රිය දක්වා දවසේ නිහඬව සිටීමක් නැත.