زبان
  1. مرکزی
  2. زمرہ جات (کٹیگریز)
  3. فقہ و اصولِ فقہ

حدیث نذر کا کفارہ وہی ہے، جو قسم کا ہے"۔

فقہ و اصولِ فقہ فقہِ معاملات (معاملات سے متعلق شرعی مسائل) قسمیں اور نذریں

عَنْ عُقْبَةَ بْنِ عَامِرٍ رَضيَ اللهُ عنه عَنْ رَسُولِ اللهِ صَلَّى اللهُ عَلَيْهِ وَسَلَّمَ قَالَ:
«كَفَّارَةُ النَّذْرِ كَفَّارَةُ اليَمِينِ».

عقبہ بن عامر رضی اللہ عنہ سے روایت ہے کہ رسول اللہ ﷺ نے فرمایا:
"نذر کا کفارہ وہی ہے، جو قسم کا ہے"۔

صحيح رواه مسلم صحيح مسلم - 1645

شرح

نبی ﷺ نے واضح فرمایا کہ جب مطلق نذر میں کسی چیز کو متعین نہ کیا گیا ہو اور نہ ہی اس کا ذکر کیا گیا ہو، تو اس کا کفارہ وہی ہے، جو قسم کا ہے۔

حدیث کے بعض فوائد

  1. نذر کی شرعی تعریف: کسی با اختیار مکلف شخص کا اپنے اوپر اللہ تعالیٰ کے لیے کوئی چیز لازم کرلینا۔
  2. قسم کا کفارہ: دس مسکینوں کو کھانا کھلانا یا انھیں لباس دینا یا ایک غلام آزاد کرنا، البتہ اگر استطاعت نہ ہو تو تین روزے رکھے۔
  3. کفارہ کی حکمت یہ ہے کہ مسلمان نذر کا احترام کرے، اس سے روگردانی نہ کرے اور اسے اپنی زبان کا معمول نہ بنا لے۔
  4. نذر کی اقسام: 1. نذر مطلق: مثلاً کوئی یوں کہے: (اگر مجھے شفا مل گئی تو مجھ پر اللہ کے لیے ایک نذر ہے۔) یہ کہہ کر وہ خاموش ہو جائے اور کسی متعین نذر کی نیت نہ کرے۔ تو شفا ملنے پر اس پر قسم کا کفارہ لازم ہوگا۔ 2. نذرِ لجاج وغضب: یہ وہ نذر ہے جسے کسی شرط پر معلق کیا جائے اور اس سے مقصود کسی کام سے روکنا ہو یا کسی کام پر ابھارنا ہو۔ مثلاً کوئی یوں کہے: (اگر میں نے تم سے بات کی تو مجھ پر ایک مہینے کے روزے لازم ہوں گے) اس کا حکم یہ ہے کہ اسے اختیار ہے کہ یا تو وہ اپنی مانی ہوئی نذر پوری کرے یا پھر (اگر وہ شرط توڑ دے تو) قسم کا کفارہ ادا کر دے۔ 3. نذرِ مباح: مثلاً: (مجھ پر اللہ کے لیے لازم ہے کہ میں اپنا کپڑا پہنوں۔) اس کا حکم یہ ہے کہ اسے کپڑا پہننے یا قسم کا کفارہ ادا کرنے کا اختیار ہے۔ 4. نذرِ مکروہ: مثلاً: (مجھ پر اللہ کے لیے لازم ہے کہ میں اپنی بیوی کو طلاق دوں۔) اس کا حکم یہ ہے کہ اس کے لیے مسنون یہ ہے کہ وہ قسم کا کفارہ ادا کرے اور اپنی مانی ہوئی نذر پر عمل نہ کرے۔ اور اگر وہ اس (مکروہ کام) کو کر لیتا ہے تو اس پر کوئی کفارہ نہیں ہے۔ 5. نذرِ معصیت: مثلاً: (مجھ پر اللہ کے لیے لازم ہے کہ میں چوری کروں۔) اس کا حکم یہ ہے کہ اسے پورا کرنا حرام ہے اور وہ قسم کا کفارہ ادا کرے۔ اگر وہ اس (گناہ) پر عمل کر لیتا ہے تو وہ گناہ گار ہوگا اور اس پر کوئی کفارہ نہیں ہے۔ 6. نذرِ طاعت: مثلاً: (مجھ پر اللہ کے لیے لازم ہے کہ میں اتنی نماز پڑھوں۔) اور اس کا مقصد اللہ کی نزدیکی حاصل کرنا ہو۔ اگر وہ اسے کسی شرط پر معلق کرے، جیسے مریض کا شفا یاب ہونا، تو شرط پوری ہونے پر اس نذر کو پورا کرنا واجب ہے۔ اور اگر اسے کسی شرط پر معلق نہ کرے تو اسے مطلقاً پورا کرنا واجب ہے۔

تراجم کا مشاہدہ

31 زبان
EN English الإنجليزية
ID Indonesia الإندونيسية
BN বাংলা البنغالية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
TH ไทย التايلندية
AS অসমীয়া الأسامية
NL Nederlands الهولندية
GU ગુજરાતી الغوجاراتية
PRS دری الدرية
SR Српски الصربية
HU Magyar المجرية
KN ಕನ್ನಡ الكانادا
KA ქართული الجورجية
MK Македонски المقدونية
KM ភាសាខ្មែរ الخميرية
PA ਪੰਜਾਬੀ البنجابية
MR मराठी الماراثية
زمرہ جات (کٹیگریز)
مزید