Hadith: “ប្រសិនបើអ្នកដែលដើរកាត់មុខអ្នកសឡាតដឹងថា បាបកម្មវាកម្រិតណានោះ ប្រាកដជាគេនឹងឈររង់ចាំរយៈពេលសែសិប ល្អប្រសើរជាងគេដើរកាត់មុខអ្នកសឡាតនោះ”។

عَنْ بُسْرِ بْنِ سَعِيدٍ، أَنَّ زَيْدَ بْنَ خَالِدٍ الْجُهَنِيَّ رَضيَ اللهُ عنه، أَرْسَلَهُ إِلَى أَبِي جُهَيْمٍ رَضيَ اللهُ عنه، يَسْأَلُهُ مَاذَا سَمِعَ مِنْ رَسُولِ اللهِ صَلَّى اللهُ عَلَيْهِ وَسَلَّمَ فِي الْمَارِّ بَيْنَ يَدَيِ الْمُصَلِّي؟ قَالَ أَبُو جُهَيْمٍ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«لَوْ يَعْلَمُ الْمَارُّ بَيْنَ يَدَيِ الْمُصَلِّي مَاذَا عَلَيْهِ لَكَانَ أَنْ يَقِفَ أَرْبَعِينَ خَيْرًا لَهُ مِنْ أَنْ يَمُرَّ بَيْنَ يَدَيْهِ» قَالَ أَبُو النَّضْرِ: لَا أَدْرِي قَالَ: أَرْبَعِينَ يَوْمًا أَوْ شَهْرًا أَوْ سَنَةً؟
[صحيح] - [متفق عليه] - [صحيح مسلم: 507]

អំពី ពុសរ៍ ពិន សាអ៊ីទ ពិតណាស់ ហ្សេទ ពិន ខលិទ អាល់ជូហានី رضي الله عنه បានបញ្ជូនគាត់ទៅកាន់ អាពូជូហ៊ែម رضي الله عنه សួរគាត់ថា តើគាត់បានឮអ្វីខ្លះពីរ៉ស៊ូលុលឡោះ ﷺ ពាក់ព័ន្ធនឹងអ្នកដែលដើរកាត់មុខអ្នកសឡាត។ អាពូជូហ៊ែម បាននិយាយថា៖ រ៉ស៊ូលុលឡោះ ﷺ លោកបានមានប្រសាសន៍ថា៖
“ប្រសិនបើអ្នកដែលដើរកាត់មុខអ្នកសឡាតដឹងថា បាបកម្មវាកម្រិតណានោះ ប្រាកដជាគេនឹងឈររង់ចាំរយៈពេលសែសិប ល្អប្រសើរជាងគេដើរកាត់មុខអ្នកសឡាតនោះ”។ អាពូអាន់ណាត់រ៍ បាននិយាយថា៖ ខ្ញុំមិនដឹងទេថា តើលោកមានប្រសាសន៍ថា សែសិបថ្ងៃ ឬសែសិបខែ ឬសែសិបឆ្នាំ។
[صحيح] - [متفق عليه] - [صحيح مسلم - 507]

Explanation

ណាពី ﷺ លោកបានព្រមានចំពោះអ្នកដែលដើរកាត់មុខអ្នកសឡាត មិនថាសឡាតដែលជាហ្វើរទូ ឬសឡាតស៊ូណិត ហើយពិតណាស់ ប្រសិនបើជននោះដឹងថា អ្នកដែលដើរកាត់មុខអ្នកសឡាតដោយចេតនាត្រូវទទួលនូវបាបកម្មធ្ងន់ធ្ងរកម្រិតណានោះ ប្រាកដជាគេនឹងជ្រើសរើសការឈររង់ចាំរយៈពេលសែសិប ល្អជាងការដែលគេដើរកាត់មុខអ្នកសឡាតនោះ។ អាពូអាន់ណាត់រ៍ ដែលជាអ្នករាយការណ៍ហាទីស្ហនេះបាននិយាយថា៖ ខ្ញុំមិនដឹងទេថា តើលោកមានប្រសាសន៍ថា សែសិបថ្ងៃ ឬសែសិបខែ ឬសែសិបឆ្នាំ។

Benefits from the Hadith

1. ហាមឃាត់ការដើរកាត់ពីមុខអ្នកដែលកំពុងសឡាត ប្រសិនបើមិនមានរបាំងខណ្ឌ។ ហើយប្រសិនបើមានរបាំងខណ្ឌ គឺហាមឃាត់ដើរកាត់ក្នុងចន្លោះរវាងអ្នកសឡាតទៅរបាំងនោះ។
2. អ៊ិពនូហាជើរ បាននិយាយថា៖ មានការខ្វែងយោបល់គ្នាចំពោះការកំណត់នោះ។ អ្នកខ្លះយល់ថា ប្រសិនបើដើរកាត់ចន្លោះរវាងអ្នកសឡាត និងកន្លែងស៊ូជោតនោះ។ អ្នកខ្លះយល់ថា ប្រសិនបើដើរកាត់ពីមុខអ្នកសឡាតក្នុងចន្លោះបីព្យាម។ ហើយអ្នកខ្លះទៀតយល់ថា ប្រសិនបើដើរកាត់មុខអ្នកសឡាតក្នុងចន្លោះបួនដប់ជំហាន។
3. អាសស៊ូយូទី បាននិយាយថា៖ អត្ថន័យនៃការដើរកាត់ គឺសំដៅលើការដើរកាត់ពីមុខអ្នកសឡាតដោយប្រឆាំង។ ចំណែកឯការដើរពីចំហៀងដើម្បីតម្រង់ទៅកាន់ទិសគិបឡាត គឺមិនចូលក្នុងការព្រមាននេះទេ។
4. ជាការប្រសើរ គេមិនត្រូវសឡាតនៅតាមផ្លូវមនុស្សដើរ ឬកន្លែងដែលគេតែងដើរកាត់នោះទេដើម្បីកុំឲ្យការសឡាតរបស់ខ្លួនប្រឈមនឹងភាពខ្វះខាត និងធ្វើឲ្យអ្នកដែលដើរកាត់ប្រឈមនឹងបាបកម្ម ហើយចាំបាច់ត្រូវដាក់របាំងខណ្ឌពីមុខរវាងអ្នកដែលសឡាត និងអ្នកដែលដើរកាត់។
5. តាមរយៈហាទីស្ហនេះគេអាចទាញបានថា បាបកម្មចំពោះអំពើល្មើសនៅថ្ងៃបរលោក ទោះបីជាវាតិចតួចក៏ដោយ ក៏វាមានលក្ខណៈធំធេងជាងការលំបាកគ្រប់យ៉ាងទាំងអស់ក្នុងលោកិយ ទោះជាលំបាកនោះមានលក្ខណៈធំធេងយ៉ាងណាក៏ដោយ។