Hadith: Yakusosekwa mnope kwa Msilamu julijose jwamkwana msingu ni jwana lunda lwakamulaga masengo kuti ajojeje kamo mu masiku nsanu ni gawili galigose,atajeje mesi mu mtwe ni pachilu pakwe

عن أبي هريرة قال: قال رسول الله صلى الله عليه وسلم:
«حَقٌّ عَلَى كُلِّ مُسْلِمٍ أَنْ يَغْتَسِلَ فِي كُلِّ سَبْعَةِ أَيَّامٍ يَوْمًا، يَغْسِلُ فِيهِ رَأْسَهُ وَجَسَدَهُ».
[صحيح] - [متفق عليه] - [صحيح البخاري: 897]

Ngani jikutyochela kwa Abu Huraira-Mlungu asangalasidwe nawo-wawawechete kuti: Mtume jwa Mlungu-chanasa ni utendele wa Mlungu iwe pa jwelejo-watite kuti:
"Yakusosekwa mnope kwa Msilamu julijose jwamkwana msingu ni jwana lunda lwakamulaga masengo kuti ajojeje kamo mu masiku nsanu ni gawili galigose,atajeje mesi mu mtwe ni pachilu pakwe".
[صحيح] - [متفق عليه] - [صحيح البخاري - 897]

Explanation

Mtume jwa Mlungu-chanasa ni utendele wa Mlungu iwe pa jwelejo-wasasile kuti: iwele yakusosekwa mnope kwa Msilamu jwalijose jwammale msingu,jwana lunda lwakamulaga masengo kuti ajojeje lisiku limu mkati kati mwa masiku nsanu ni gawili ga pa wiki, pa lisiku lyakogalyo atajeje mesi mu mtwe mwakwe nambo soni pa chilu pakwe,pakusaka kuwa mundu jwa chasa, ni lisiku lyakusosekwa koga ni lisiku lya nsano, sawu yaikuti kapikaniche kutyochela mu yakuwecheta ine ya Mtume. Sano koga lyuwa lya nsano nkaniuwe kwaula ku msikiti lilamusi lyakwe liwele lyakuwandichila ku kanganichisidwa,namtamuno mundu ali ajosile lyuwa lya mcheche mwachitsanzo. Chikutendekasya kuti koga kwa lya nsano kukawa kwakanganichisidwa ni malowe ga Aisha -Mlungu asangalasidwe nawo ganti:" wakulijiganya wa Mtume wakamulaga masengo achimisyene nganakola wamasengo wakwakamulila masengo, ni watiga naga akwaula kumsikiti lya nsano,wajaulaga ali awete yakuwala yakamulila masengoyo ili inyakele nambo soni chitukuta: ni yawechetedwe kwa myanjajo kuti: mkajoje ikatemi chenene", ngani jikusimanikwa mu buku ja Bukhar, mu kuwecheta kwine kuma kwa Bukhar pejo watite:" wanduwo ali akwete liungo" gopolela kuti liungo lya chitukuta ni ine, namtamuno kuti liungo lwakwe lyaji lya chitukuta ,kwasalidwe kwa jemanjajo kuti akajoje,sano wandu wanepe nikuti awele wakuwajilana kogako.

Benefits from the Hadith

1. Kuwichila mtima kwa Chisilamu pa ngani ja chasa nikuliswejesya pa chilu.
2. Koga lisiku lya nsano pakwaula ku msikiti liwele lilamusi lya Mtume lyakuwandichila kukanganichisidwa.
3. Kolanga mtwe namtamuno kuti kolanga chilu kuli mkati pemo;ligongo lyakusaka kulosya kuwichila mtima kwa kogako.
4. Iwele yakanganichisidwa kwa mundu jwalijose jwakwete liungo lyakunyalaya lyanti likwete kwalagasya nalyo wandu.
5. Koga kwalisiku lya nsano kuwele kwakusosekwa mnope; ligongo lya umbone wa lisiku lyeleli.