فەرموودە: نزای ڕوقیە کردن: ( بِسْمِ الله أرْقِيكَ، مِنْ كُلِّ شَيْءٍ يُؤْذِيكَ، مِنْ شَرِّ كُلِّ نَفْسٍ أَوْ عَيْنِ حَاسِد، اللهُ يَشْفِيك، بِسمِ اللهِ أُرقِيك )

عن أَبي سعيد الخدري - رضي الله عنه: أن جِبريلَ أتَى النَّبيَّ - صلى الله عليه وسلم - فَقَالَ: يَا مُحَمَّدُ، اشْتَكَيْتَ؟ قَالَ: «نَعَمْ» قَالَ: بِسْمِ الله أرْقِيكَ، مِنْ كُلِّ شَيْءٍ يُؤْذِيكَ، مِنْ شَرِّ كُلِّ نَفْسٍ أَوْ عَيْنِ حَاسِدٍ، اللهُ يَشْفِيكَ، بِسمِ اللهِ أُرقِيكَ.
[صحيح] - [رواه مسلم]

ئەم وەرگێڕاوە پێویستی بە پێداچوونەوە و وردبوونەوەی زیاتر هەیە.

لە ئەبی سەعیدی خودریەوە -ڕەزای خوای لێبێت- دەڵێت: جبریل هات بۆ لای پێغەمبەر -صلى اللە علیە وسلم- وپێی فەرموو: «ئەی موحەمەد، ئایا نەخۆشیت؟»، فەرمووی: «بەڵێ»، ئەویش (جبریل) فەرمووی: «(بِسْمِ الله أرْقِيكَ، مِنْ كُلِّ شَيْءٍ يُؤْذِيكَ، مِنْ شَرِّ كُلِّ نَفْسٍ أَوْ عَيْنِ حَاسِد، اللهُ يَشْفِيك، بِسمِ اللهِ أُرقِيك)*». *(واتە: بەناوى خودا ڕوقیەت بەسەردا دەخوێنم -بۆئەوەى خودا شیفات بۆ بنێرێت-، لە هەموو شتێک کە ئازارت دەدات، ولە شەڕی هەموو نەفس وچاوێک کە حەسوودیت پێ ببات، خودا شیفات بۆ بنێرێت، بەناوی خودا ڕوقیەت بەسەردا دەخوێنم)
صەحیحە - موسلیم گێڕاویەتیەوە

شیکردنەوە

جبریل کە بەڕێزترینی فریشتەکانە هات بۆ لای پێغەمبەر -صلى اللە علیە وسلم- وپرسیاری لێیکرد وپێی فەرموو: (ئەی موحەمەد، ئایا نەخۆشیت؟)، فەرمووی: (بەڵێ)، ئەویش (جبریل) فەرمووی: (بِسْمِ الله أرْقِيكَ، مِنْ كُلِّ شَيْءٍ يُؤْذِيكَ، مِنْ شَرِّ كُلِّ نَفْسٍ أَوْ عَيْنِ حَاسِد، اللهُ يَشْفِيك، بِسمِ اللهِ أُرقِيك)*، ئەمە نزای جبریلە بۆ پێغەمبەر -صلى اللە علیە وسلم-. کاتێک پێغەمبەر -صلى اللە علیە وسلم- فەرمووی: بەڵێ، بەڵگەیە لەسەر ئەوەى ئەگەر نەخۆش حاڵی خۆی بۆ خەڵکی باس بکات ئەگەر نەخۆش بوو ئاساییە و بەتایبەت ئەگەر پرسیاریان کرد، وئەمە لە ڕوانگەى سکاڵا کردنەوە نییە، سکاڵا ئەوەیە کە بڵێیت بە خەڵکی: خواى گەورە منی نەخۆش کرد بە ئەمە وئەوە، وڕەخنە لە خودا بگرێت وناڕەزایی دەرببڕێت ئەمە نەهی لێکراوە، بۆیە یەعقوب -علیه السلام- فەرمووی: (قَالَ إِنَّمَآ أَشْكُوا بَثِّى وَحُزْنِىٓ إِلَى ٱللَّهِ) [یوسف: 86] واتە: {ووتی من سکاڵا و دەردی دڵ و خەفەت و پەژارەم ھەر لای خوادەکەم}، وکاتێک دەفەرموێت: (مِنْ شَرِّ كُلِّ نَفْسٍ أَوْ عَيْنِ حَاسِد : ولە شەڕی هەموو نەفس وچاوێک کە حەسوودیت پێ ببات): لە شەڕی هەموو نەفسێک لە مرۆڤ یان جنۆکە یان هەرشتێکی تر بێت یان شەڕی چاوی حەسوود کە خەڵکی پێی دەڵێن چاوی پیس، وچونکە حەسوود -پەنا بە خودا- حەز ناکات خواى گەورە نیعمەت ببەخشێت بە بەندەکانی، مرۆڤی حەسوود ناخێکی پیسی ودڕندەی هەیە، ونەفسی پیس وحەسوود لەوەیە شتێکی لێوە دەربچێت کە زیان بەو کەسە بگەیەنێت کە حەسوودی پێبراوە (چاوی لێدراوە). (اللهُ يَشْفِيك : خودا شیفات بۆ بنێرێت): واتا شیفای بدات وهەموو نەخۆشییەک لەسەرت لاببات. وکاتێک دەفەرموێت: (بِسمِ اللهِ أُرقِيك:بەناوی خودا ڕوقیەت بەسەردا دەخوێنم): ئەمیش بۆئەوەیە سەرەتا وکۆتایی نزاکەى بە ناوى خودا کۆتایی پێ بهێندرێت. *(واتە: بەناوى خودا ڕوقیەت بەسەردا دەخوێنم -بۆئەوەى خودا شیفات بۆ بنێرێت-، لە هەموو شتێک کە ئازارت دەدات، ولە شەڕی هەموو نەفس وچاوێک کە حەسوودیت پێ ببات، خودا شیفات بۆ بنێرێت، بەناوی خودا ڕوقیەت بەسەردا دەخوێنم)