ჰადისი: შუამავალმა (ალლაჰის ლოცვა და მშვიდობა მას) მითხრა: «წამიკითხე ყურანი

عَنْ عَبْدِ اللَّهِ بْنِ مَسْعُودٍ رَضيَ اللهُ عنهُ قَالَ:
قَالَ لِي النَّبِيُّ صَلَّى اللهُ عَلَيْهِ وَسَلَّمَ: «اقْرَأْ عَلَيَّ»، قُلْتُ: يَا رَسُولَ اللَّهِ، أَأَقْرَأُ عَلَيْكَ، وَعَلَيْكَ أُنْزِلَ؟ قَالَ: «نَعَمْ» فَقَرَأْتُ سُورَةَ النِّسَاءِ حَتَّى أَتَيْتُ إِلَى هَذِهِ الآيَةِ: {فَكَيْفَ إِذَا جِئْنَا مِنْ كُلِّ أُمَّةٍ بِشَهِيدٍ، وَجِئْنَا بِكَ عَلَى هَؤُلاَءِ شَهِيدًا} [النساء: 41]، قَالَ: «حَسْبُكَ الآنَ» فَالْتَفَتُّ إِلَيْهِ، فَإِذَا عَيْنَاهُ تَذْرِفَانِ.
[صحيح] - [متفق عليه] - [صحيح البخاري: 5050]

გადმოცემულია აბდულლაჰ იბნ მას'უდისგან (ალლაჰი იყოს მისით კმაყოფილი), რომელმაც თქვა:
შუამავალმა (ალლაჰის ლოცვა და მშვიდობა მას) მითხრა: «წამიკითხე ყურანი» მე ვუთხარი: ო, ალლაჰის შუამავალო, მე წაგიკითხო შენ, როდესაც ის შენზე გადმოევლინა? თქვა: «დიახ», და დავიწყე სურა ან-ნისას კითხვა, სანამ შემდეგ აიათამდე არ მივედი: {და როგორ[იქნება განკითხვის დღეს] როცა ყოველი უმმათიდან[სარწმუნოებიდან] მოწმეს წარვადგენთ, და [როცა]შენც წარგადგენთ ამ ხალხზე მოწმედ} [ან-ნისა: 41], თქვა: «ახლა, საკმარისია», და როცა მას შევხედე თვალებიდან ცრემლი მოსდიოდა.
[სანდო (საჰიჰ)] - [შეთანხმებული] - [საჰიჰ ალ-ბუხარი - 5050]

განმარტება

შუამავალმა (ალლაჰის ლოცვა და მშვიდობა მას) აბდულლაჰ იბნ მას'უდისგან (ალლაჰი იყოს მისით კმაყოფილი) ითხოვა, რომ წაეკითხა მისთვის რაიმე ყურანიდან, მან უპასუხა: ო, ალლაჰის შუამავალო, მე როგორ წაგიკითხო შენ, როდესაც ის შენ გარდმოგევლინა?! შუამავალმა (ალლაჰის ლოცვა და მშვიდობა მას) თქვა: მიყვარს რომ ყურანი სხვისგან მოვისმინო. და წაუკითხა მას სურა ან-ნისა, როდესაც მან მიაღწია უზენაესის სიტყვებს: {და როგორ[იქნება განკითხვის დღეს]როცა ყოველი უმმათიდან [სარწმუნოებიდან] მოწმეს წარვადგენთ, და [როცა] შენც წარგადგენთ ამ ხალხზე მოწმედ}. ანუ: როგორი იქნება შენი და შენი უმმათის მდგომარეობა როდესაც შენ წარგადგენთ მოწმედ შენს უმმათზე, რადგან შენ მათ გადაეცი შენი ღმერთის წერილი, შუამავალმა (ალლაჰის ლოცვა და მშვიდობა მას) თქვა: აქ შეწყვიტე კითხვა, იბნ მას'უდმა (ალლაჰი იყოს მისით კამაყოფილი) თქვა: როდესაც მას შევხედე თვალებიდან ცრემლი მოსდიოდა, შიშით იმ საზარელი სცენის გამო და მისი მიმდევრების მიმართ გამოჩენილი წყალობის გამო.

ჰადისის სარგებლობიდან

1. იმამ ან-ნავავიმ თქვა: «სასურველია ყურანის კითხვის მოსმენა, ტირილი მისი მოსმენის დროს და მასზე ფიქრი, სასურველია სხვისგან წაკითხვის თხოვნა რათა მოუსმინოს მას, ამ დროს უფრო მეტად ხდება მასზე დაფიქრება და მისი გაგება, ვიდრე საკუთარი კითხვის დროს».
2. ყურანის კითხვის მოსმენაში მადლია, ისევე როგორც მის წაკითხვაში.
3. აბდულლაჰ იბნ მას'უდის (ალლაჰი იყოს მისით კმაყოფილი), სიძვირფასე, რამეთუ ალლაჰის შუამავალმა (ალლაჰის ლოცვა და მშვიდობა მას) ისურვა, რომ მისი წაკითხული ყურანი მოესმინა, ეს მიუთითებს იბნ მას'უდის (ალლაჰი იყოს მისით კმაყოფილი) ყურანის სწავლის, დაზეპირების და კარგად ათვისების მონდომებაში.
4. ტირილის სიძვირფასე უზენაესი ალლაჰის შიშისგან მისი აიათების მოსმენის დროს, ასევე სიჩუმის შენარჩუნება, ყურადღებით მოსმენა და ყვირილისგან თავის შეკავება.