فەرموودە: فێربوونی زانستی شەرعی لە پێناو خواى گەورە

عن أبي هريرة رضي الله عنه أن النبي صلى الله عليه وسلم قال: «مَنْ تعلَّم علْمًا ممَّا يُبْتَغى به وَجْهُ الله عز وجل لا يَتَعلَّمُه إلا لِيُصِيبَ به عَرَضًا من الدنيا، لمْ يَجِدْ عَرْفَ الجنة يومَ القيامة».
[صحيح] - [رواه أبو داود وابن ماجه وأحمد]

ئەم وەرگێڕاوە پێویستی بە پێداچوونەوە و وردبوونەوەی زیاتر هەیە.

لە ئەبی هورەیرەوە -ڕەزای خوای لێبێت- کە پێغەمبەر -صلى اللە علیە وسلم- دەفەرموێت: «هەرکەسێک زانسـتێک فێر ببێت لەو زانستانەى لە پێناو خواى گەورە بەدەست دەهێنرێت، فێری نابێت تەنها بۆئەوە نەبێت کە شتێک لە شتومەکی دونیای دەستبکەوێت؛ بۆنی بەهەشت ناکات لە ڕۆژی قیامەتدا».
[صەحیحە] - [ئیبنو ماجه گێڕاویەتیەوە - ئیبنوداود گێڕاویەتیەوە - ئەحمەد گێڕاویەتیەوە]

شیکردنەوە

ئەم فەرموودەیە بەڵگەیە لەسەر ئەوەى هەرکەسێک زانستێک فێر ببێت لەو زانستانەى لە پێناو خواى گەورە بەدەست دەهێنرێت (مەبەست زانستە شەرعییەکانە)، وئەو زانستانەش کە پەیوەندیان بەم زانستەوە هەیە وەکو زمانى عەرەبی وزانستەکانى تر، تاکە مەبەستی لە فێربوونی ئەم زانستە بۆ بەدەستهێنانى شتومەکی دونیایی بێت وەکو ماڵ وپلەپایە وشتی تر؛ واتا لە پێناو خواى گەورە وپاداشتی قیامەت فێریان نابێت، ئەگەر ئەم کەسە بمرێت لە ڕۆژی قیامەتدا بۆنی بەهەشت ناکات؛ چونکە شتومەکی دونیایی بەدەست هێنا بە کردەوەیەک کە بۆ پاداشتی قیامەت ئەنجامدەدرێت، ولێرەدا قەدەغەی لێکراوە بەوەى بۆنی بەهەشت بکات ئەمیش ئەوپەڕی هەڕەشەکردنە لەسەر حەرامبوونی ئەم کردەوەیە، چونکە هەرکەسێک بۆنی بەهەشت نەکات ئەوا ڕێگا نادرێت بچێتە نێو بەهەشتەوە، وئەمیش وا لێکدەدرێتەوە کە شایەنی ئەوە نییە کە بۆنی بەهەشت بکات، وفەرماندان لەسەر تاوانبار دەگەڕێتەوە بۆ لای خواى گەورە، هەروەکو فەرماندان لەسەر مرۆڤی ئیماندار ئەگەر لەسەر تاوان وگوناهەکان بمرێت وتەوبەی لێیان نەکردبێت.